O domingo 26 de maio Salvaterra de Miño recibirá a visita de máis de 400 ciclistas nunha nova edición da Marcha Cicloturista Sestelo Clásica Ávaro Pino 2024, organizada pola Asociación Cultural e Deportiva Plan C de Ponteareas. Os ciclistas sairán de Ponteareas e pasarán por Salvaterra de Miño onde farán unha parada de avituallamento no recinto amurallado e para voltar novamente en Ponteareas.
A Clásica Ávaro Pino 2024 ten un total de 123,5 km de percorrido. A proba, que leva o nome do recoñecido ciclista pontareán, Álvaro Pino, campión da Volta Ciclista a España no ano 1986, pretende, ademais de homenaxear ao carismático corredor, poñer en valor un deporte que tantas satisfacións deulle a Galicia e a España en xeral, dando a posibilidade a calquera persoa interesada de participar nunha xornada de carácter lúdico sobre as dúas rodas.
