12.8 C
Pontevedra
Venres, 30 de Setembro de 2022
Máis
    HomeA ParadantaCoveloLa Sestelo-Álvaro Pino ultima detalles do seu paso por Covelo

    La Sestelo-Álvaro Pino ultima detalles do seu paso por Covelo

    O vindeiro 22 de maio o concello de Covelo será un dos puntos de avituallamento e reagrupamento dos corredores de La Sestelo-Álvaro Pino

    O gañador de La Vuelta España, Álvaro Pino, visitou o concello de Covelo para presentarlle ao alcalde, Pablo Castillo, o maillot da marcha La Sestelo-Clásica Álvaro Pino e pechar detalles da marcha ao seu paso polo concello.

    “Esta mañá quixen presentarlle ao alcalde Pablo Castillo o maillot da marcha que leva o meu nome e agradecerlle persoalmente a súa implicación”, comenta Álvaro Pino.

    O afamado ciclista e o alcalde estudaron a ubicación do punto de avituallamento no que os e as participantes farán un pequeno parón para repor folgos e reagruparse. A marcha Sestelo-Clásica Álvaro Pino terá lugar o vindeiro 22 de maio e congregará a ciclistas chegados de todos os puntos da península que se agruparán na praza Mestre Cerviño para continuar pedaleando.

    O gran fondo cicloturista repite este ano percorrido. 110 quilómetros, con saída e chegada a Ponteareas, cun tramo inicial neutralizado e o resto a velocidade libre, reagrupando aos corredores nos avituallamentos da Cañiza e Covelo tentando así evitar a dispersión. A marcha pasará por 7  concellos (Ponteareas, Mondariz Balneario, Mondariz, Covelo, Cañiza, As Neves e Salvaterra), terá máis de 2.000 metros de desnivel acumulado nun percorrido esixente pero asumible, e pasará por 3 altos de montaña.

    O alcalde Pablo Castillo amosa a súa satisfacción pola realización da proba e lembra a importante conexión que hai entre o noso concello e os afeccionados/as ao ciclismo, “é unha clásica moi arraigada no Condado Paradanta, que da a coñecer os dez concellos así como a riqueza natural e paisaxística axudando a posicionar este territorio como un destino de calidade para turismo deportivo. Covelo é un concello de grande atractivo para os ciclistas e, a diario, vemos como adestran nas nosas estradas tanto profesionais como afeccionados. Para nós é unha satisfacción e un espectáculo poder ter a tantos deportistas na nosa praza, véndoos chegar e saír para continuar a proba”.

    Os organizadores, Plan C, estiman este ano unha participación de 500 corredores/as tras o éxito da pasada edición. Desde a organización adianta que o último tramo de inscricións que comezou o 18 de abril e ten un prezo de 45 euros pechará o 8 de maio ás 23.59 horas.

    A organización confirma a dispoñibilidade de prazas para todos aqueles que aínda desexen inscribirse, a través da páxina web oficial www.clasicaalvaropino.com.

    La Sestelo-Álvaro Pino está patrocinada por Grupo Sestelo e Grupo Asegurador Lynalfa e conta co apoio e coa colaboración do Concello de Ponteareas, da Deputación de Pontevedra e o GDR Condado Paradanta.

    COLABORACIÓNS

    Heterodoxos

    A editorial Galaxia vén de sacar do prelo unha nova colección que, baixo a denominación xenérica de «Heterodoxos», pretende darlle voz a autores ou obras que, polas súas peculiaridades, non teñen cabida dentro das coleccións habituais das editoriais.

    Teatro para nen@s

    Sempre fun dos que defenden a valía do teatro como asignatura en todos os niveis da educación. Polas súas evidentes compoñentes pedagóxicas e pola súa capacidade para aprender a expresarnos en público e a empatizar con outros, tan distintos de nós, merecería un espazo de honra no noso curriculo educativo. Por iso non quero deixar pasar o inicio do novo curso escolar sen facer un par de recomendacións de pezas teatrais dirixidas aos máis pequenos da casa.

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    69 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS