10.2 C
Pontevedra
Venres, 29 de Marzo de 2024
Máis
    HomeO CondadoPonteareasO ciclismo volve as rúas de Ponteareas co Trofeo Festas de Setembro-Gran...

    O ciclismo volve as rúas de Ponteareas co Trofeo Festas de Setembro-Gran Premio Borja Gómez Méndez

    Unha carreira inclusiva incorpórase este domingo ao programa da cita ponteareá no que o ciclismo volve a ser, unha vez máis protagonista nunha vila que sabe deste deporte como poucas

    As bicicletas volven as rúas do centro de Ponteareas esta fin de semana. A vila do Tea acollerá este domingo a segunda edición do Trofeo Festas de Setembro – Gran Premio Borja Gómez Méndez, unha proba de ciclismo en estrada que arrincará ás 09:00 horas e que ten como principal novidade a celebración dunha carreira inclusiva.

    A presentación do evento contou coa presenza das corredoras e corredores do Club Ciclista Ponteareas Escola Borja Gómez Méndez, membros da xunta directiva, corpo técnico, técnico da Federación Ciclismo Galego (FCG) Jacobo Ucha e, por suposto, do padriño da proba, Borja Gómez Méndez. 

    O ciclista que dá nome a este Gran Premio será un dos participantes na carreira inclusiva que se disputará antes da competición cadete e júnior. As outras categorías, tanto femininas como masculinas, que rodarán polo corazón da vila do Tea serán as de Promesas, Principiantes, Alevíns, Infantís e Cadetes.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.