Tag: política local

O grupo municipal do PP de Tui vén de censurar, no pleno municipal, a xestión do goberno socialista no proxecto de construción dun parquin subterráneo, cuxo contrato foi revogado pola corporación a proposta do alcalde malia ser o seu impulsor e que, paralelamente, siga sen dar solucións definitivas á falla de prazas de aparcamento mentres continúan a eliminalas do centro urbano.

O Partido Popular ten un problema de violencia no mundo local. Así o afirma o secretario xeral do PSdeG-PSOE da provincia de Pontevedra, David Regades, despois de coñecer a sentencia pola que se condena ao representante do PP na Entidade Local Menor de Morgadáns por agredir a un funcionario do Concello de Gondomar durante a precampaña das últimas Eleccións Xerais.

O voceiro do PP rectificou as súas acusacións contra Digna Rivas sobre a solicitude dunha subvención logo da denuncia presentada pola alcaldesa por un presunto delito de calumnias. Bas Corugeira, que acusara á alcaldesa de “firmar e enviar documentación falsa para obter unha subvención”, declarou ante a xuíza que a súa intención “non era dicir que Rivas elaborase ningún documento falso”.

Tras a primeira reacción nos pasados días, o BNG analizou o borrador de orzamentos para o 2024 en Ponteareas, que irá a Pleno extraordinario o vindeiro luns 20. Na súa valoración, o BNG sinalou que coa presentación pública dos orzamentos, o goberno liderado polo PP protagonizou “un espectáculo bochornoso e lamentable de mentira, manipulación e engano a cidadanía cun desfile de cifras que ninguén cre”.

O grupo municipal do PSdG-PSOE de Salceda de Caselas considera aceptada a súa proposta sobre a redistribución da organización interna do Goberno local "xa que se axusta aos límites de masa salarial que dende o inicio das negociacións marcamos dunha forma clara na cantidade de 136.360 euros", explica a portavoz socialista Verónica Tourón.

O Pleno do Concello de Tomiño celebrado o xoves 21 de setembro aprobou, co voto favorable das concelleiras do Grupo Municipal Socialista, a realización dunha auditoría da empresa Aqualia –responsable do servizo municipal de abastecemento de auga–, e da aprobación inicial da ordenanza fiscal das taxas de Abastecemento e Saneamento.

Na sesión plenaria do Concello de Tomiño, celebrada o pasado xoves 10 de agosto, tratouse, entre outros temas da orde do día, a aprobación inicial da modificación puntual n° 10 do plan xeral de Tomiño para, nun futuro, implantar solo industrial no concello. Dita modificación abrangue unha zona comprendida...

O BNG de Tui, a través dun comunicado de prensa, quixo aclarar á opinión pública que "despois dun proceso de negociación co PSOE lamentablemente no se alcanzou un acordo para un goberno de coalición". Aseguran os nacionalistas terse manifestado sempre "durante a campaña electoral, a mesma noite electoral e en entrevistas posteriores, a nosa disponibilidade para conformar un goberno progresista en Tui".

O Grupo Socialista do Concello da Cañiza denuncia o que cualifica como "mentiras e manipulacións" nas redes sociais do PP que, segundo as e os socialistas cañicenses "mostran dous decretos da alcaldía para seguir argumentando falsamente que o Alcalde lle prohibiu o acceso á documentación a Domínguez (portavoz do PP).

Belén Carballo, actual concelleira do BNG no Concello de Covelo, vén de facer pública a súa candidatura á Alcaldía. Os nacionalistas veñen de depositar a súa confianza e apoio no bo facer da edil nos últimos anos. Natural de Godóns e licenciada en Socioloxía e Antropoloxía, colaborou como socióloga no proxecto Vidas con historia da Deputación de Ourense, na Reserva da Biosfera Transfronteiriza Gerés–Xurés.

A dirección local do BNG do Porriño anunciou que vai favorecer un acordo de esquerdas "pero non comparte que nas negociacións mantidas entre os grupos se antepoñan intereses partidistas nin que se esixan salarios e cargos de confianza". A situación actual, aseguran os nacionalistas "esixe amplitude de miras para poñer por diante o interese xeral e a calidade de vida das persoas, que para nós é o prioritario".

A Corporación municipal acordou no último Pleno Ordinario, unha moción de reprobación á alcaldesa, Eva García de la Torre, polo acontecido no Pleno Extraordinario do venres 22 de outubro, moción aprobada por maioría, con 10 votos do Partido Popular e EU SON – grupo municipal que fixo a proposta– e os votos en contra de PSOE, BNG e UDDL.

A recente reunión de Paula Bouzós co conselleiro de Economía e Industria, Francisco Conde, “non ten máis obxectivo que buscar a foto”, asegura o alcalde de Gondomar, Paco Ferreira, xa que nela “non se achegou información nova sobre o noso municipio e simplemente trasladáronse obviedades sobre asuntos que en Gondomar avanzaron grazas á xestión do noso Goberno e non á intervención do executivo galego”.

A Alcaldía do Porriño deu a coñecer a denegación á convocatoria de Pleno Extraordinario que solicitaba o grupo municipal do Partido Popular. Os motivos para dita denegación son o “non constar acreditada a autenticidade das firmas e a vontade dos concelleiros solicitantes” e, como consecuencia a ese feito, a solicitude de Pleno "non ven correctamente firmada polo número necesario de concelleiros”, unha cuarta parte dos membros da Corporación.

A alcaldesa do Porriño, Eva García de la Torre, desmentiu “rotundamente” que vaia a dimitir como alcaldesa do Porriño e asegura que o rumor é "alimentado de xeito interesado” apuntando directamente ao grupo municipal de EU Son. García de la Torre afirma que "nin o 6 de outubro nin noutra data inminente teño pensado dimitir” ao que engade que rematar o mandato "é idea e o meu compromiso”.

O Pleno do Concello de Redondela rexeitou, por maioría, unha moción do grupo municipal do PP que cuestionaba a actuación do concelleiro de Deportes, Ignacio González, na actual situación de crise sanitaria. Aseguraban os populares “sentirse especialmente preocupados” pola seguridade sanitaria dos pavillóns e cualificaban de “grave incumprimento” que non se previse persoal para controlar os accesos aos pavillóns, non se repuxesen os xeles hidroalcohólicos ou mesmo que “os club sexan os que teñan que encargarse da limpeza e desinfección das instalacións”.

Instar a todas as administracións competentes para que as entidades locais teñan presenza e sexan tidas en conta no proceso de desescalada e de saída da crise sanitaria, foi hoxe a reivindicación principal que compartiron a Deputación de Pontevedra e os sete concellos da provincia de entre 20.000 e 50.000 habitantes. O encontro telemático que mantivo a presidenta Carmela Silva cos alcaldes e alcaldesas de Vilagarcía, Redondela, Ponteareas, Cangas, Lalín, Marín e A Estrada desenvolveuse nun clima de cordialidade, lealdade e vocación de acordos.

Roberto Mera, concelleiro do Concello de Ponteareas e avogado, vén de remitir unha carta aberta dirixida, tanto aos medios de comunicación coma a opinión pública, de cara a rematar a polémica xurdida "sobre a miña compatibilidade entre o meu cargo no Concello de Ponteareas e o exercicio da avogacía", sinala o concelleiro ponteareán.

O goberno municipal do Porriño, cos votos dos concelleiros do PSOE, BNG, EU Son e Manuel Carrera, acadou desbloquear parte dos pagos pendentes de facturas que se viñan arrastrando desde hai tempo. Do total que se levaba a aprobación plenaria acadouse aprobar os pagos de case que 1,7 millóns de euros.

PSOE e BNG subscribiron, na noite de onte, un pacto que permitirá a formación dun Goberno de coalición presidido pola alcaldesa do Porriño, Eva García de la Torre, e no que o voceiro nacionalista Pedro Pereira será o primero tenente alcalde e Lourdes Moure, voceira socialista, ocupará a segunda tenencia de alcaldía.

Alfonso Porto presidirá a comisión xestora, nomeada pola Comisión Executiva Federal do PSOE tal e como determinan os estatutos federais e o regulamento de desenvolvemento de ditos estatutos, que rexerá a agrupación local de Ponteareas tras a dimisión da Secretaria Xeral, Chus Garrote, e a sua Executiva.

O Grupo Municipal do PP de Ponteareas mantivo unha reunión para repartir "o traballo de fiscalización" e propostas entre os cinco concelleiros que están a representar ao PP no consistorio de Ponteareas. A portavocía mantena Belén Villar, quen tamén será a responsable de fiscalizar ao goberno e facer propostas en...

O concelleiro de Bo Goberno do Concello de Ponteareas, Roberto Mera, amosou a súa sorpresa diante das críticas do Partido Popular en relación coas nóminas do persoal municipal. “Entendo que o PP e Villar non respecten nin os tradicionais 100 días de graza, porque a derrota de maio foi...

O PSdG e a Agrupación de Electores de Redondela, AER, asinaron na tarde do martes o acordo polo que se conforma o goberno local para os vindeiros catro anos. Deste xeito, Redondela contará cun goberno inédito ata o de agora. Por unha banda, os socialistas recuperan a Alcaldía do...

O portavoz de Alternativa Ciudadana de Ponteareas, ACiP, Juan Carlos González Carrera mantivo hoxe que as subas de gasto nos salarios do goberno local "supoñen máis dun 60 % respecto ao ano 2015" e lamenta que o executivo local utilice as "descualificacións aos grupos da oposición para ocultar este...

A noitiña do xoves pasado, o Bloque Nacionalista Galego de Redondela debateu a postura a tomar ante a conformación dun novo goberno municipal, debate que tivo lugar no que, fontes nacionalistas, cualificaron de  "intensa e moi productiva Asemblea con numerosas intervencións" e na que se adoptou a decisión de...

O Centro Artístico Sportivo de Ponteareas acolleu, o pasado sábado ás 20 horas, a presentación do grupo local de Ciudadanos en Ponteareas, grupo que se suma aos xa existentes en toda Galicia e que se enmarca "dentro do plan de expansión e implantación da formación laranxa" sinalan dende Cs....