23.6 C
Pontevedra
Luns, 5 de Xuño de 2023
Máis
    HomeA ParadantaA CañizaO Goberno local da Cañiza desminte que se lle negara información ao...

    O Goberno local da Cañiza desminte que se lle negara información ao Grupo Popular

    Para o grupo socialista "o PP de Domínguez segue enredando con mentiras e manipulacións" e acusa ao candidato popular de "seguir montando o circo con novos falsos argumentos"

    O Grupo Socialista do Concello da Cañiza denuncia o que cualifica como “mentiras e manipulacións” nas redes sociais do PP que, segundo as e os socialistas cañicenses “mostran dous decretos da alcaldía para seguir argumentando falsamente que o Alcalde lle prohibiu o acceso á documentación a Domínguez (portavoz do PP).

    A falsidade destes argumentos, sinalan fontes socialistas, veñen demostradas polo feito de que “un decreto ratificaba, de maneira redundante, o acceso; e o segundo anula o primeiro, por ser innecesario”. O certo, subliñan, é que “en ningún deses decretos se prohibe o acceso á documentación, pois dito acceso está concedido automaticamente ao non existir denegación por escrito nos 5 días seguintes á petición. ROF Art. 14: “La petición de aceso a las informaciones se entenderá concedida por silencio administrativo(…) en el término de cinco días a contar desde la fecha de solicitud…”

    Polo tanto queda demostrado, afirman, que nunca se denegou ó acceso á documentación. “O PP de Domínguez usa esta denuncia, falsa, a menos de 2 meses dunhas eleccións, para atacar ao alcalde socialista Luis Piña, xa que carece de argumentos de ningún outro tipo para poder facelo”.

    Por outra banda, a Secretaria Municipal certifica que o alcalde xamais denegou o acceso a un expediente a ningún concelleiro ou concelleira. Para que exista o delito que acusa o PP de Domínguez, engade o PSOE cañicense, “tería que existir un decreto negando acceso a documentación, cousa que en ningún caso existe tal como acredita un certificado emitido pola secretaria municipal”.

    As dilixencias previas iniciadas nun xulgado son un paso normal ante unha querella. O que non é tan normal, aseguran, “é presentar documentación manipulando a realidade: un decreto anula o outro decreto, pero o acceso xa o tiña dende antes por silencio administrativo”.

    “Ao afirmar que se lle prohibe o acceso á documentación o PP da Cañiza minte”, conclúe o PSdeG da Cañiza .

    COLABORACIÓNS

    Pilar Pallarés, «Unha boa gatucada!»

    A primeira incursión de Pilar Pallarés na literatura infantil e xuvenil resultou ser unha grata sorpresa, unha colección de poemas (en realidade un longo poema narrativo fragmentado), que ten como protagonistas un grupo de gatos que conviven cunha humana.

    Aperitivos de hojaldre sin gluten

    Mayo es el mes de las personas celíacas. El día 16 se celebró el Día Internacional de la Enfermedad Celíaca y hasta este año, el 27 de mayo se celebraba en España el Día Nacional (este año nos unimos al resto de los países y lo celebramos el día 16).

    Ponteareas diante das eleccións (II): a Xeración do cambio, un recordo para que a Historia non se repita

    “De onde vimos? quen somos? onde imos?”. O título do cadro de Paul Gauguin e a letra da coñecida canción de Siniestro Total son interrogantes filosóficos que, aplicados ao mundano proceso electoral no que estamos inmersos, serven para lembrarnos que os procesos histórico-políticos son dinámicos e, polo tanto, teñen unha xénese no pasado que explica un presente que, á súa vez, condicionará o futuro decorrer dos acontecementos. A recente historia de Ponteareas non é unha excepción e, a poucos días das eleccións municipais, convén lembrala para non estar condenados a repetila.

    Ponteareas diante das eleccións (I): David contra Goliat e a utopía feita realidade

    Botando unha ollada atrás un non pode deixar de sorprenderse da rapidez coa que transcorre o tempo e a vida. Unha velocidade vertixinosa que tamén acompaña aos acontecementos e procesos sociais e políticos e que explica a facilidade coa que a sociedade pode esquecer tan axiña o seu pasado e, sobre todo, en política, ignorar de onde vimos, onde estamos e cara onde nos diriximos. Esquecemento dos que viviron eses procesos, mais tamén descoñecemento comprensíbel por razóns biolóxicas e xeracionais dos que daquela non naceran ou eran uns cativos.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    84 POSTS0 COMMENTS
    Paz de la Peña
    42 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    8 POSTS0 COMMENTS
    Avatar
    1 POSTS0 COMMENTS