O Centro Artístico Sportivo de Ponteareas acolleu, o pasado sábado ás 20 horas, a presentación do grupo local de Ciudadanos en Ponteareas, grupo que se suma aos xa existentes en toda Galicia e que se enmarca “dentro do plan de expansión e implantación da formación laranxa” sinalan dende Cs. Ponteareas engádese aos máis de 60 concellos de Galicia que xa contan con agrupacións locais desta formación.
No acto de presentación tomaron a palabra os integrantes da nova directiva, Alejandro Doval como coordinador; Bruno Iglesias como responsable de redes sociais e labores de portavocía e David Alonso será o enlace municipal.
A nova xunta directiva estivo arroupada por representantes de Cs Galicia, entre eles, o responsable autonómico, Laureano Bermejo e o portavoz provincial, Javier Alonso. Ámbolos dous destacaron o “crecemento imparable” do partido e agradeceron aos afiliados “o seu compromiso co partido”.
