3.1 C
Pontevedra
Martes, 31 de Xaneiro de 2023
Máis
    HomeComarcasRedondelaO Pleno de Redondela apoia á xestión do concelleiro de Deportes fronte...

    O Pleno de Redondela apoia á xestión do concelleiro de Deportes fronte ás críticas “infundadas e lamentables” do grupo popular

    O Grupo Municipal Socialista asegura lamenta que o PP pida “contratar persoal” cando o anterior alcalde recoñecía por escrito, no 2018, a necesidade desta contratación “e non foi quen de facela en dous mandatos”

    O Pleno do Concello de Redondela rexeitou, por maioría, unha moción do grupo municipal do PP que cuestionaba a actuación do concelleiro de Deportes, Ignacio González, na actual situación de crise sanitaria. Aseguraban os populares “sentirse especialmente preocupados” pola seguridade sanitaria dos pavillóns e cualificaban de “grave incumprimento” que non se previse persoal para controlar os accesos aos pavillóns, non se repuxesen os xeles hidroalcohólicos ou mesmo que “os club sexan os que teñan que encargarse da limpeza e desinfección das instalacións”.

    No que á seguridade das instalacións, fai referencia, o concelleiro de Deportes lembra que todos os clubs teñen unha pauta de recomendacións ata que se remate a redacción dun protocolo definitivo “algo complexo dado que, cada día, as normas da Consellería de Sanidade son distintas”. En todo caso, afirmou con rotundidade Ignacio González, non é certo que haxa inseguridade sanitaria nas instalacións “xa que os clubs réxense, como documento marco, polas recomendacións das súas respectivas federacións”. “Que en todo este tempo non haxa ningún caso de contaxio, amosa claramente que, unha vez máis, o PP falta á verdade”, afirma o edil socialista.

    En todo caso, e para “frear a preocupación do PP” polo feito de que os clubs teñan que facer a limpeza e desinfección, engadiu González, “deberían coñecer os concelleiros e concelleiras populares que os protocolos das federacións de balonmán e fútbol, para unha mellor protección dos seus e súas deportistas, contemplan que a desinfección e limpeza de instalacións sexa levada a cabo polos propios clubs”.

    Pola súa banda, o grupo municipal do PsdeG-PSOE coincide en que “existe escaseza de persoal” como sinalan os populares, pero non deixa de ser curioso, sinalan, “que o PP, durante oito anos, non fixera absolutamente nada ante este problema” e o mais sangrante é que nun documento de marzo de 2018, recoñecía o goberno do PP a necesidade de contratar ata catro conserxes máis “unha conclusión que, para chegar a ella, o sr. Bas precisou de 6 anos e, a pesar de recoñecer a necesidade desas contratacións por escrito, non foi quen de realizalas en dous mandatos”.

    O triste das críticas do PP, afirma o Grupo Municipal Socialista, “é que non teñen filtro” e non só poñen en tela de xuízo o traballo do concelleiro, “senón de todos os técnicos e directivos que traballan arreo para sacar adiante o deporte” do mesmo xeito que “menosprezan a labor dos conserxes que, día a día, esfórzanse por dar un mellor servizo preocupados sempre pola seguridade das persoas usuarias” e consideran “indigno” que o grupo Popular “apóiese nas dificultades que leva aparelladas a crise da COVID, para facer oposición, dando con iso unha visión negativa da situación do deporte no municipio”.

    Ignacio González é rotundo ao afirmar que, unha vez máis, “o PP recorre ás falsidades” cando asegura que no se baleiran as papeleiras e que non se repón o xel hidroalcohólico ao igual que non existen itinerarios de entrada e saída “que son ben coñecidos e utilizados por todos os usuarios e usuarias”. Doutra banda, “crer que as persoas usuarias descoñecen cal é a distancia de seguridade é tomalos por parvos” e cualificar este feito de “extrema gravidade” amosa que o PP “ten unha visión distorsionada da realidade”.

    O grupo socialista remata poñendo en valor “o traballo e dedicación” do concelleiro Ignacio González, “nunha labor recoñecida polos propios clubs e deportistas que saben, como ninguén, a labor que desenvolve e os seus desvelos para que Redondela siga a ser un referente deportivo en Galicia”.

    Do mesmo xeito, o grupo municipal do PSdeG-PSOE quere agradecer “o enorme esforzo que están a facer os conserxes dos centros deportivos municipais e que, a maioría das veces, vai máis aló do seu cometido nunha mostra de profesionalidade para poder garantir, nestes tempos complicados, a seguridade de todas as persoas usuarias das instalacións”.

    COLABORACIÓNS

    Ponteareas e a filla pródiga: o novo espectáculo do Circo da Dereita

    Aínda que o pareza, non é un déjà vu, non. É real como a vida mesma. A dereita en Ponteareas regresa ao seu pasado, non sabemos se por convicción nostálxica ou, como parece máis evidente, por non atopar nada mellor que ofrecer. Se cadra, en realidade non hai tal regreso a un pasado que esa dereita nunca abandonou, por máis que durante os últimos anos algúns quixeran convencer a Ponteareas, pleno tras pleno e eleccións tras eleccións, de que aquel negro pasado nada tiña que ver con eles nin cun Partido Popular que, reescribindo a nosa historia política, tería nacido en 1998 coa chegada a Ponteareas dun Salvador chamado para redimir, como novo candidato popular, os imperdonabeis pecados orixinais da dereita ponteareán encarnada até ese momento por un alcalde orgulloso do seu pasado franquista.

    María Solar, «A culpa»

    A metade de camiño entre a novela negra e o thriller, María Solar vén de presentar un novo traballo para adultos no que pescuda nas interioridades da parte máis escura da alma humana a través dun trío de mulleres, protagonistas do relato.

    Antón Riveiro Coello, «Días de intemperie»

    A nova achega de Antón Riveiro Coello, «Días de imtemperie», é unha proposta que contén nove relatos de temática e transfondo diferentes, mais que teñen un elemento en común, como é a guerra no sentido máis amplo da palabra.

    Árbol de Navidad relleno de chocolate

    Aunque estas fechas tienen sus dulces típicos, no a todo el mundo le gustan los turrones, polvorones y demás. Lo que casi con seguridad gusta a todo el mundo (y sobre todo a los peques) es el chocolate y este postre une la Navidad y el chocolate de una forma muy muy sencilla.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    77 POSTS0 COMMENTS
    Paz de la Peña
    41 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    6 POSTS0 COMMENTS
    Avatar
    1 POSTS0 COMMENTS