Tag: pleno

Onte pola mañá celebrouse, no salón de sesións do Concello de Mos, unha sesión plenaria extraordinaria que constituíu o Pleno Organizativo da nova Corporación Municipal.

O Goberno Municipal do Porriño deu conta ao pleno da liquidación das contas do ano 2022 cun remanente de tesourería de 13 M de euros e unha conta pendente de pago de facturación de 3,1 M, máis de 2M de euros descontados da facturación pendente de pago deixada polo anterior executivo que ascendía a 5,6 M de euros.

Concello do Rosal leva a Pleno Ordinario a aprobación de dúas propostas de relevancia. A primeira delas é a modificación de crédito orzamentario para a implementación de melloras na Estación de Augas Residuais de Tamuxe, a planta de bombeo principal do concello do Rosal.

O pleno do Concello da Cañiza que comezou cun minuto de silencio polas vítimas do naufraxio do 'Villa de Pitanxo' por iniciativa da Alcaldía, derivou, segundo denuncian os socialistas cañicenses "nun envío continuado de insultos e de sonoros bicos por parte do voceiro do PP da Cañiza contra o alcalde Luís Piña".

O pleno da corporación local aprobou cos votos a favor do Goberno Local e EU SON do Porriño, e a abstención do resto dos grupos, a maior aportación municipal da súa historia para a contratación de persoal. O custe do programa laboral deseñado polo executivo para a contratación de 43 persoas desempregadas ao abeiro da liña 3 do Plan Concellos roza o medio millón de euros: 450.489 euros, dos cales 226.489 corresponden á solicitude aprobada xa polo ente provincial.

O pleno da corporación municipal da cañiza celebrado o pasado xoves, 27 de xaneiro, primeiro do 2022, aprobou a proposta da Alcaldía para asinar un Convenio de colaboración entre o Concello e a Deputación de Pontevedra que permita desenvolver as actuacións recollidas no proxecto Sistemas sostibles de xestión de augas I.

Esta mañá celebrouse o último Pleno do ano 2021 no que se aprobaron por maioría as bases para a presentación de propostas para a letra do himno oficial do Concello de Mos.

A Corporación municipal acordou no último Pleno Ordinario, unha moción de reprobación á alcaldesa, Eva García de la Torre, polo acontecido no Pleno Extraordinario do venres 22 de outubro, moción aprobada por maioría, con 10 votos do Partido Popular e EU SON – grupo municipal que fixo a proposta– e os votos en contra de PSOE, BNG e UDDL.

O Pleno do Concello de Arbo, na sesión extraordinaria de data 5 de novembro, aproba o convenio de Colaboración entre a Deputación de Pontevedra e o Concello de Arbo para a execución do proxecto “Mellora da mobilidade peonil na E.P. 5202 do pq 1+100 ao 1+165 e na E.P. 5203 do pq 1+150 ao 1+529”, recibido o día 30.09.2020 (R.E. núm. 982).

Ante a inquedanza trasladados por veciños de Arbo, o partido popular de Arbo presentaba unha moción para instar ao goberno de España a adopción de medidas para a rebaixa do prezo da luz.

O Pleno da Corporación Municipal de Salceda de Caselas ven de aprobar por unanimidade a proposta do goberno local de novas medidas fiscais encamiñadas a paliar os perxuizos económicos para a veciñanza derivados do proceso simplificado de valoración colectiva levado a cabo pola Dirección Xeral de Catastro no Concello.

O Concello de Tui vai dirixirse ao goberno do Estado para solicitar o reintegro do preto de millón e medio de euros anticipados pola entidade local para facer fronte ao desentullo no barrio da Torre, en Paramos, tras a explosión de material pirotécnico rexistrada o 23 de maio de 2018. Así se acordou onte no pleno ordinario da corporación tudense.

O alcalde de Mondariz, Xosé Emilio Barros, acordou coa Confederación Hidrográfica do Miño-Sil un convenio de colaboración para a execución dun proxecto de mellora e ampliación da senda fluvial da Coviña, que transcorre pola beira do río Xabriña, afluente do Tea e parte do espazo protexido pola Rede Natura 2000.

O Pleno do Concello da Cañiza celebrado este pasado xoves, 27 de maio, acordou a aprobación e modificación da ordenanza reguladora da venda ambulante na no municipio. Asi mesmo o Pleno deu luz verde a nova ordenanza do servizo de saneamento e depuración de augas residuais, inexistente ata o de agora; á modificación da ordenanza da taxa do lixo e da ordenanza fiscal do servizo da Escola Infantil da cañiza.

O Pleno da Corporación da Cañiza que se celebrará hoxe, aprobará, inicialmente, a Ordenanza que regulará o exercicio da venda ambulante no termo municipal de A Cañiza, establecendo a Feira Tradicional da Cañiza que seguirá celebrándose todos os días 6 e 20 de cada mes (coa particularidade de que cando cadre en festivo manterase a súa celebración) e a Nova Feira da Cañiza que se celebrará todos os últimos e antepenúltimos domingos de cada mes.

O xoves día 6 de maio celebrouse no Salón de Plenos do Concello da Guarda unha sesión plenaria de carácter extraordinario cun punto único na Orde do Día sobre a análise da situación real e actual da adxudicataria Transgalaica, S.L. en relación ao servicio da piscina municipal de A Guarda, así como as solucións inmediatas a adoptar para a continuación do servicio municipal na piscina municipal.

O Concello do Rosal continúa a dar pasos no camiño para minimizar os riscos de incendio forestal no municipio. Por unanimidade, o pleno deu luz verde o pasado xoves á aprobación inicial do Plan municipal de de prevención e defensa contra os incendios forestais no concello, a través do que se planificará o territorio segundo o grao de perigo que supón a súa situación actual.

O Pleno do Concello de Tomiño, reunido o luns en sesión ordinaria, aprobou por unanimidade unha declaración institucional do 8M, logo de que esta fora consensuada entre os tres grupos políticos que conforman a corporación municipal. A alcaldesa de Tomiño, Sandra González (BNG), agradeceu a actitude da oposición, que aínda que levaba as súas propias declaracións, decidiu apoiar a do grupo de goberno, logo de debatela e consensuala entre todos os concelleiros e concelleiras.

O Pleno da Corporación Municipal de Ponteareas apoiou por unanimidade este martes a iniciativa do BNG para instar ao Congreso á transferencia da titularidade da AP9 a Galicia e á rebaixa inmediata das peaxes. O concelleiro do BNG Miguel Bouzó sinalou que “a historia da AP-9 é a crónica dun saqueo legalizado e da discriminación con Galiza por parte dos diferentes gobernos do PP e do PSOE".

O goberno de Nigrán aprobou por unanimidade unha moción para ampliar o criterio das axudas municipáis ao sector hostaleiro para que inclúa tamén como beneficiarios aos autónomos empadroados no municipio pero con negocio fora da localidade e viceversa (autónomos non empadroados en Nigrán pero con negocio no municipio). Igualmente, no sector do taxi contémplase tamén como beneficiarios a aqueles empadroados en Nigrán e con licencia do propio Concello independentemente de onde teña o domicilio fiscal o vehículo.

Manifesto Miñor (MM) denunciou onte o que cualificou de "faltas de respecto continuadas cara concelleiras da oposición" ao longo do Pleno extraordinario do pasado luns o que provocou que os grupos políticos da oposición –Manifesto Miñor, BNG e PP– abandonaran a sesión. Entende MM que no exercicio da función de alcalde "existen determinadas liñas vermellas que non se poden cruzar".

A Corporación de Ponteareas vén de aprobar no último Pleno do ano, celebrado o pasado martes, a adhesión do Concello ao Eixo Atlántico, entidade que promove a cooperación entre Galicia e o norte de Portugal. O Concello xa solicitara formar parte da asemblea do Eixo Atlántico, que reúne a cerca de 40 municipios. A proposta do goberno BNG-PSOE foi aprobada por unanimidade recibindo tamén o apoio do PP e do grupo independente ACIP.

No día de hoxe, 23 de decembro, celebrouse no concello da Guarda o pleno no que se debatía a cuestión de confianza do alcalde vinculada a aprobación dos orzamentos municipais para o ano 2021

O pleno da Deputación de Pontevedra reivindicou hoxe a importancia da educación en igualdade para un futuro sen violencias machistas, no marco da celebración do 25N. Fíxoo ao través dun acto previo á sesión ordinaria da corporación provincial, no que se deu lectura ao manifesto elaborado pola mestra Teresa Domínguez, directora do CRA de Tui que vén de ser gañador este 2020 do Premio Escola do Ano da Fundación Princesa de Girona.

A alcaldesa, Eva García expulsou ao voceiro municipal do PP, Alejandro Lorenzo da sesión telemática que celebraba no serán de onte a corporación local porriñesa. Segundo a versión da Alcaldía, o edil do Partido Popular, Alejandro Lorenzo, "foi reprendido e finalmente expulsado do pleno despois de interromper o debate en reiteradas ocasións". O PP, pola súa banda asegura que Lorenzo foi expulsado "por intentar exercer o seu dereito a que un punto da orde do día quedara sobre a mesa".

O grupo Municipal Socialista do Concello de Tomiño presentou no pleno do pasado día 12 de novembro unha iniciativa para a creación dun Punto Limpo no municipio, proposta rexeitada polo Goberno local "pese a recoñecer que é unha boa moción", sinalan as concelleiras socialistas Mirta Misa e Violeta de Santiago. Foi precisamente Violeta de Santiago que defendeu na sesión plenaria a necesidade da implantación dun Punto Limpo para evitar verquidos incontrolados ao longo e ancho do Concello.

A Deputación ponse ao lado dos concellos da provincia reclamando, a través dun acordo plenario alcanzado esta mañá, que a Xunta lles compense os gastos realizados por mor da pandemia de covid19 e polo exercicio das competencias impropias, unha “factura” que se vai incrementando ano tras ano e que...

O Concello de Tomiño celebrou este xoves 24 un pleno ordinario no que, entre outros asuntos, se aprobou a Conta Xeral do orzamento municipal de 2019. A Conta Xeral é un trámite administrativo que rebela a boa saúde económica do Concello e que permite tanto á corporación como á cidadanía coñecer as actuacións realizadas durante todo o exercicio orzamentario, permitindo controlar o uso dos fondos públicos a xestión económica, financeira, patrimonial e orzamentaria do municipio.

O Bloque Nacionalista Galego presentará no Pleno do mes de setembro, que terá lugar na tarde de hoxe, unha moción na que se realiza un diagnóstico da situación de inicio de curso escolar. Numerosos problemas que afectan a todos os níveis do ensino pre, e obrigatorio, tanto a alumnado, profesorado, direccións dos centros, ademáis das familias e aos propios concellos.

Cos votos de PSdeG-PSOE e o BNG e a oposición do PP, o Pleno da Deputación de Pontevedra aprobou hoxe a moción para esixir da Xunta de Galicia que, diante do clamor social de pais e nais, Anpas, sindicatos, concellos, e de toda a comunidade educativa, se responsabilice dunha vez dunha competencia exclusivísima do Goberno galego como é o inicio do curso escolar que, en palabras do voceiro Carlos Font, “segue sumido nun absoluto caos que deixa á sociedade nunha indefensión intolerable e sen garantías; nin docentes nin sanitarias”

No pleno ordinario do Concello de Ponteareas, celebrado o pasado 28 de xullo, a totalidade dos concelleiros da Corporación Municipal votaron a favor dunha moción presentada pola Plataforma veciñal de Ribadetea, na que se acordou esixirlle á Xunta de Galicia que elabore o proxecto de execución da totalidade do saneamento da parroquia, así como "que cumpra o seu compromiso de aportar o 80 % do seu custo".

O Pleno do Concello de Mos aprobou hoxe por maioría dos seus membros o Plan Económico Finacieiro 2020-2021 e a Dación de Conta da Liquidación do Orzamento do ano 2019 e Informe de Estabilidade Orzamentaria.

O xoves 23 de xullo, cun mes de retraso, celebrouse Pleno ordinario no Concello de Tomiño no que se aprobou a adhesión a rede Ágora impulsada pola Deputación de Pontevedra. As concelleiras socialistas puxeron enriba da mesa unha proposta para as futuras necesidades do Consultorio de Goián como é a ubicación do mesmo no inmoble recén adquirido coñecido como “a casa do Sacana”.

A Casa do Concello de Oia acolleu hoxe xoves, 28 de maio, a celebración dun Pleno extraordinario a petición do Grupo Municipal Socialista e que, na orde do día, trataba das medidas encamiñadas a paliar os efectos económicos da crise do COVID-19 nas pemes e autónomos do municipio.

O Concello de Oia celebrará, a petición do grupo municipal socialista, un Pleno Extraordinario que debido á imposibilidade de facerse por medios telemáticos, dos que o Concello carece, farase con "menos quorum" para permitir que concelleiros e conselleiras poidan gardar as distancias de seguridade marcadas pola situación de pandemia da COVID-19. Asi, nesa sesión extraordinaria só estarán 4 representantes do PP, 2 do PSdeG-PSOE e o concelleiro do BNG.

O Concello de Ponteareas aprobou este luns por unanimidade a modificación do orzamento por un importe de 1.137.000 euros, dos que máis de 650.000 € teñen como finalidade intentar paliar os efectos da crisis sanitaria do coronavirus no Concello. Este foi o segundo punto da orde do día da sesión extraordinaria e urxente celebrada onte, sendo o primeiro pleno virtual da historia de Ponteareas, utilizando o sistema telemático que permite a realización de Plenos, Comisións e Xuntas de Goberno Local non presenciais.

A presidenta da Deputación de Pontevedra, Carmela Silva, comunicou hoxe á Corporación provincial, no primeiro pleno telemático da súa historia, que convocará aos alcaldes e alcaldesas da provincia a fin de “avaliar cos concellos a situación que están a vivir e as consecuencias da crise sanitaria xerada polo Covid19”. Silva confirmou que o vindeiro mércores, 29 de abril, manterá unha primeira reunión cos alcaldes e alcaldesas dos 52 concellos de menos de 20.000 habitantes.

O Concello do Rosal celebrará este mércores 25 de marzo un pleno extraordinario urxente para aprobar o expediente de recoñecemento extraxudicial de crédito para que a Administración poida pagar coa maior axilidade posible as diferentes facturas pendentes sen esperar ao fin da crise sanitaria. A sesión celebrarase a porta pechada e coa asistencia mínima de concelleiros e concelleiras.

Hoxe ás 21 h a Câmara Municipal de Valença celebrou un pleno histórico con motivo do oitavo aniversario da constitución da Eurocidade entre os dous municipios, no que participaron a Corporación Municipal de Tui e a Assembleia Municipal de Valença.

O Pleno da Corporación do Porriño aprobou, cos votos a favor de PSOE, EU Son, BNG e UDDL, que o Concello porriñes apoie institucionalmente a manifestación en Defensa da Sanidade Pública de Galicia prevista para o vindeiro 9 de febrero en Santiago.