16.6 C
Pontevedra
Venres, 20 de Maio de 2022
Máis
    HomeVal MiñorNigránNigrán aproba ampliar as axudas ao sector hostaleiro a empadroados con negocio...

    Nigrán aproba ampliar as axudas ao sector hostaleiro a empadroados con negocio fora do municipio e non empadroados con establecemento en Nigrán

    A moción do goberno inclúe tamén como beneficiarios aos taxistas empadroados no municipio e con licencia municipal de Nigrán con indepedencia de onde tribute o vehículo. O prazo de 10 días de solicitude será efectivo unha vez se publique no BOPP

    O goberno de Nigrán aprobou por unanimidade unha moción para ampliar o criterio das axudas municipáis ao sector hostaleiro para que inclúa tamén como beneficiarios aos autónomos empadroados no municipio pero con negocio fora da localidade e viceversa (autónomos non empadroados en Nigrán pero con negocio no municipio). Igualmente, no sector do taxi contémplase tamén como beneficiarios a aqueles empadroados en Nigrán e con licencia do propio Concello independentemente de onde teña o domicilio fiscal o vehículo. Unha vez esta resolución sexa publicada no BOPP, o Concello abrirá un prazo de 10 días para recibir solicitudes, resolvéndose todas á vez (as da primeira convocatoria e estas).

    “Unha vez aprobadas as bases, démonos conta de que había estes casos puntuais que non queremos que queden fora porque sería inxusto, o obxectivo é que poidan seguir abertos unha vez a situación pase para que sigan xeneranzo riqueza no pobo”, explicou o alcalde, Juan González, en referencia á primeira liña de axudas aberta polo Concello e á que destina 120.000 € do remanente de Tesourería para establecer subvencións directas de entre 1.115 € e 1.080 € aos autónomos do sector e 750 € aos desempregados sen ningún tipo de prestación, sendo Nigrán a primeira administración en ter en conta a situación das persoas contratadas por conta allea. Tal e como avanzou o rexedor, o goberno local ultima un novo plan de rescate ante a persistencia das restricións sanitarias que limitan directamente o traballo do sector.

    Neste sentido, o goberno de Nigrán aprobou unha emenda á moción do PP para reclamar á Xunta que destine ao fondo de cooperación Covid-19 a cantidade proporcional do 1,5% do seu orzamento, tal e como xa fixo a Deputación de Pontevedra, para engadir ás axudas municipáis a hostalaría e o taxi. “O PP pretendía coa súa moción que lle outorgásemos á Xunta os nosos cartos para que eles o distribuísen, de ningún xeito o contemplamos; non entendo a persistencia do portavoz do PP de traer a este pleno cuestións que só defenden os intereses da Xunta, nos os dos veciños”, recriminou González.

    Irmandamento Valdoviño

    O goberno de Nigrán aprobou tamén coa unanimidade da corporación iniciar os trámites de irmandamento co municipio coruñés de Valdoviño co obxectivo de promover e fomentar a cultura surfista que comparten desde a orixe deste deporte en Galicia nos anos 70. Ambos rexedores, Juan González (Nigrán) e Alberto González (Valdoviño) abordaran xa cuestión na presentación do Oceano Surf Museo de Valdoviño na praia de Patos no 2018 e, posteriormente, o alcalde de Nigrán desprazárase ata alí. Sería o primeiro irmandamento para Nigrán e conta xa co apoio da Federación Galega de Surf e a Asociación de Escolas de Surf de Patos. “Os dous concellos desexamos fomentar a cultura surfista común e promover os valores que conleva. Sería unha fórmula excelente para manter e formalizar ese vínculo que xa nos une dende os anos 70”, argumentou o rexedor nigránés, quen confirmou co seu homólogo a intención de que leven a cuestión ao pleno de marzo.

    Bonificación do IBI

    O Concello de Nigrán aprobou como cada ano a declaración de ‘entidade de utilidade municipal’ ás asociacións veciñais e culturais da localidade que anualmente o solicitan (Centro Cultural As Angustias, A.V.A Camoesa, A.V. A Unión, O Torreiro de Priegue, Bolos da Carrasca, O Castro de Chandebrito…), o que implica unha rebaixa media no seu recibo anual de preto de 1.300 euros. Esta bonificación cadra nun intre especialmente duro para as entidades, xa que actualmente manteñen as instalacións pechadas por decreto da Xunta. Esta bonificación do 95% do Imposto de Bens Inmobles e a máxima permitida por lei e foi aprobada polo goberno de Nigrán no 2016.

    O goberno local trasladou á Xunta, coa abstención do PP, a petición de colaboración para humanizar ‘Camiño Vello’, a obriga de reparar o emisario submariño e a solicitude de que destine ao fondo de cooperación Covid-19 o 1,5% do orzamento. “Nos si que votamos a favor de reducir o IVE aos salóns de peiteado, cuestión que atañe ao goberno socialista de Pedro Sánchez, e o facemos porque defendemos aos veciños de Nigrán, en cambio, o grupo municipal popular xamais votou a favor en ningún pleno de pedir nada á Xunta, é lamentable esa falta de compromiso co seu cargo de concelleiro de Nigrán”, referíu.

    Camiño Vello

    Ante a moción do PP para instar ao goberno local a humanizar a rúa Camiño Vello do centro de Nigrán, o rexedor confirmou que xa hai un proxecto aprobado e actualmente os veciños están a firmar as cesións, con só un propietario en contra, o que non impediría levar adiante a obra. Neste sentido, o rexedor presentou unha emenda para que a Xunta colabore coa partida orzamentaria de 618.988 €, tendo en conta que desde 2016 non investiron nin 1 € en obras solicitadas desde o Concello, mentras que a Deputación o fixo por importe de 1.600.000 € (rúa do Ceán, Mariñeiro, Torreiro de Parada, rúa Rial…). Finalmente, o PP non respaldou que a Xunta colabore económicamente nesta humanización.

    Emendas

    O goberno de Nigrán, ante a petición do PP para que Deputación e Augas de Galicia reparen as redes de abastecemento e saneamento presentou unha emenda reclamando á Xunta a reparación do emisario submariño de Praia América, de competencia autonómica, e para que ao mesmo tempo invista en obras de reparación, xa que desde 2016 non destinou nin 1 € a Nigrán pese a cobrar aos veciños un cánon en cada recibo. Contrariamente, a Deputación investíu más de 650.000 € neste fin (Caranquexo, San Roque, Areíña, A Carrasca…). Novamente, o PP declinou pedirlle á Xunta estas cuestións. 

    COLABORACIÓNS

    ¡El mago de la electrónica, ha muerto!

    El personaje de la portada, es probable que a muchos lectores no le suene, quizás algunos al ver los cachibaches que está utilizando, se puedan hacer una pequeña idea, pero los seguidores de la música electrónica clásica y el Krautrock, seguro que si lo conocen perfectamente. Estamos hablando del mago de la electrónica, uno de esos pioneros que elevaron este estilo musical y la forma de hacer música al grado de celestial. Esta semana nos ha dejado el gran e inigualable, Klaus Schulze.

    Ledicia Costas, «O neno de lume»

    Ledicia Costas ten unha imaxinación poderosa e unha rara habilidade para a construción do que poderiamos chamar «relato marabilloso», ese que mistura realidade e fantasía, no que conviven persoas do común con seres sobrenaturais dotados de habilidades especiais.

    Mamá

    Cuatro letras de una de las palabras que primero aprendemos, que más pronunciamos a lo largo de nuestra vida y que más seguridad nos transmite.

    Brillante papel do CN Ponteareas nos campionatos de España de Torremolinos

    Torremolinos, en Málaga, foi a sede do XXII campionato de España “Open” Absoluto–XXXVIII Campionato de España júnior, que se disputou en piscina de 50 metros do 9 ao 13 de abril. O evento congregaba aos principais nadadores e nadadoras nacionais e foi retransmitido en directo pola canle Teledeporte.

    Colaboradores

    Alberto Aliaga Sola
    19 POSTS0 COMMENTS
    Bea Sanfa
    12 POSTS0 COMMENTS
    Manrique Fernández
    63 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS