10.2 C
Pontevedra
Venres, 29 de Marzo de 2024
Máis
    HomeVal MiñorGondomarManifesto Miñor acusa ao alcalde de Gondomar de "faltas de respecto continuadas"...

    Manifesto Miñor acusa ao alcalde de Gondomar de “faltas de respecto continuadas” ás concelleiras da oposición

    Os grupos da oposición (Manifesto Miñor, BNG e PP) decidiron abandonar a sesión plenaria

    Manifesto Miñor (MM) denunciou onte o que cualificou de “faltas de respecto continuadas cara concelleiras da oposición” ao longo do Pleno extraordinario do pasado luns o que provocou que os grupos políticos da oposición –Manifesto Miñor, BNG e PP– abandonaran a sesión. Entende MM que no exercicio da función de alcalde “existen determinadas liñas vermellas que non se poden cruzar”.

    Unha das frases detonantes de toda a situación foi a dirixida polo alcalde de Gondomar á portavoz do PP, Paula Bouzós: “vostede non sabe nin o que presenta, vostede presenta o que lle escriben”. De seguido, e ante o que a formación asemblearia cualifica de “novo alarde de autoritarismo” e diante das queixas da concelleira do BNG, Manuela Rodríguez, o “apagoulle o micrófono para impedirlle facer a súa intervención”.

    Entende Manifesto Miñor que “non se pode poñer en cuestión a valía dunha concelleira”. “Silenciar sistemáticamente ás compañeiras da oposición, só deixa en evidencia canto queda por loitar contra o machismo nas institucións públicas”, engade a formación que encabeza Antonio Araújo.

    “Reproducir e normalizar este tipo de comportamentos prepotentes dende a institución municipal é impresentable” afirman, aínda máis cando veñen dun alcalde que se define como “socialista”. Por iso Manifesto Miñor expresa a súa solidariedade coas compañeiras agredidas e denuncian publicamente uns feitos “que non son novos”.

    Asegura Manifesto Miñor que o PSOE de Gondomar, “que permite e mesmo fomenta estas salidas de ton de Ferreira, é cómplice da deriva antidemocrática e antifeminista do goberno municipal” e lamentan que tras o abandono das concelleiras e concelleiros da oposición (agás o concelleiro de Ciudadanos) do salón virtual de plenos, “as concelleiras socialistas preferiron defender ao alcalde en lugar de mostrar o seu apoio ás dúas compañeiras que se viron degradadas por comentarios e actuacións totalmente fóra de lugar”.

    MM esixe do alcalde de Gondomar “unha disculpa pública polos comentarios ofensivos e a forma despótica que tivo de silenciar ás compañeiras da oposición”. Para Manifesto Miñor “calar diante do machismo non é unha opción”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.