5.5 C
Pontevedra
Luns, 24 de Xaneiro de 2022
Máis
    HomeO CondadoMondarizMondariz levará a Pleno a mellora e ampliación dunha senda fluvial no...

    Mondariz levará a Pleno a mellora e ampliación dunha senda fluvial no río Xabriña

    O proxecto de mellora e ampliación da senda fluvial da Coviña, de gran impacto turístico entre os barrios da Pedreira e do Escobeiro, supón un investimento de 530.000 €

    O alcalde de Mondariz, Xosé Emilio Barros, acordou coa Confederación Hidrográfica do Miño-Sil un convenio de colaboración para a execución dun proxecto de mellora e ampliación da senda fluvial da Coviña, que transcorre pola beira do río Xabriña, afluente do Tea e parte do espazo protexido pola Rede Natura 2000.

    Este convenio, que deberá ser aprobado polo Pleno da Corporación Municipal para ser efectivo, prevé un investimento total de 530.000 € en catro anos para elaborar e executar o proxecto. A Confederación Hidrográfica aportará o 80 % do orzamento (424.000 €), e o Concello de Mondariz, o 20 % restante.

    Segundo consta no acordo, o proxecto de mellora e ampliación da senda fluvial da Coviña sería redactado pola Confederación Hidrográfica e consistiría na construción dun novo treito desde o barrio da Pedreira para enlazar coa actual senda na marxe dereita do río Xabriña e darlle continuidade polo barrio do Escobeiro, xa na marxe esquerda do río, a través de pontes e pasarelas. O resultado será unha senda circular peonil na contorna deste espazo protexido pola Rede Natura 2000 de 3.225 metros.

    “Durante estes dous anos de goberno en minoría buscamos activamente a colaboración institucional para emprender proxectos que puxeran en valor os atractivos naturais que ten o Concello de Mondariz, como o río Tea e os seus afluentes, e así promover tanto a calidade de vida da poboación como o desenvolvemento dun turismo de natureza”, comenta Xosé Emilio Barros, alcalde da localidade.

    O Concello de Mondariz conta actualmente con varios vieiros de uso peonil na ribeira do Tea e os seus afluentes. A senda máis destacada é a que transcorre entre Mondariz e Ponteareas, pasando pola ponte de Cernadela e a praia fluvial do Val, que está deteriorada nalgúns treitos polas riadas que se rexistraron hai uns anos.

    O río Xabriña, malia ser menos caudaloso e coñecido que o Tea, ofrece no seu curso estampas naturais de gran beleza e valor etnográfico, xa que durante séculos foi escenario de actividades produtivas como a moenda do millo ou mesmo a fabricación de papel. Os numerosos muíños que se atopan á beira do río son testemuña dese importante dinamismo.

    “O Concello de Mondariz ten un enorme potencial de desenvolvemento turístico arredor da auga e dos ríos, que son fonte de vida. Estamos traballando noutros proxectos de sendas, mesmo de longo percorrido e que abarquen todas as parroquias. Xunto a outros concellos de Condado-Paradanta, tamén optamos a un centro BTT de ámbito comarcal. Son proxectos que requiren colaboración institucional e certo tempo para poder chegar a desenvolvelos, pero os pasos que se dan son firmes”, afirma o alcalde de Mondariz.

    COLABORACIÓNS

    Xosé Monteagudo, «Eternity»

    Xosé Monteaguro volve a sorprendernos coa súa nova novela, «Eternity», que chega a nós avalada polo premio de narrativa breve Repsol do ano pasado. Nesta ocasión o autor indaga sobre a eterna arela de transcendencia alén da morte, pois a trama desenvólvese arredor da creación dunha empresa tecnolóxica (que presta o título ao relato), ideada para preservar a memoria dos falecidos. Un auténtico cemiterio virtual ateigado de narracións do que foron as vidas dos seus inquilinos, relatadas por familiares e amigos. Deste xeito achégase á idea da morte dende unha perspectiva diferente, pois o protagonismo está na reconstrución das vidas dos mortos, no recurso da memoria como bálsamo para aliviar a perda do ser querido.

    ¡Llega el 2022! el año de los patitos… ¡esperemos que no feos!

    Ha finalizado el año 2021, ese que todo el mundo decía que iba a ser el de la recuperación, el del adiós del dichoso Covid. Ilusos. Algunos pensaban que al comenzar el 2021, con las vacunas ya comenzando a administrarse a la población, el dichoso virus iba a desaparecer cómo un mal sueño. La realidad ha resultado ser muy diferente.

    «A nena lectora» de Manuel Rivas e «De cando o Suso foi Carteiro» de Xosé Neira Vilas, dúas ideas para a ‘carta aos Reis Magos’

    É tradición neste Andel colocar algúns libros para nenos cando chegan as datas do Nadal e este ano, por aquilo de manter as nosas vellas teimas, traemos dúas obras que de seguro farán as delicias dos máis pequenos (e dos non tan pequenos, que nunca somos demasiado vellos para deixarnos enredar por unha obra ben escrita). Pertencen a dous autores que non dubidamos en considerar clásicos: Manolo Rivas e Xosé Neira Vilas, que é tanto como dicir dúas apostas sobre seguro. Teñámolos moi presentes á hora de redactar a nosa misiva aos Reis Magos.

    Rumbo al 2022

    Todos necesitamos pulsar el botón “reset” de vez en cuando, poner un punto y final y volver a empezar de cero. Sin duda, el 1 de enero es el mejor momento, o eso dice el mundo que nos rodea.

    Colaboradores

    Alberto Aliaga Sola
    15 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    8 POSTS0 COMMENTS
    Manrique Fernández
    55 POSTS0 COMMENTS
    Paz de la Peña
    38 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS