Tag: juan gonzález

O Concello de Nigrán dará resposta definitiva este outono á gran demanda histórica da veciñanza do interior: por vez primeira no municipio, unha liña municipal de autobús comunicará todas as parroquias cos núcleos urbanos de Nigrán, A Ramallosa, Panxón e Porto do Molle. Este fito resulta posible tras manter o goberno local diferentes reunións coa Dirección Xeral de Mobilidade e acadar finalmente que sexa incluído como 'Servizo de Interese Municipal' (SIMU) dentro do Plan de Transporte Metropolitano de Galicia, figura que estreará Nigrán en toda a provincia e practicamente en Galicia.

A parroquia de Parada, en Nigrán, vai experimentar “un cambio total e absoluto na mobilidade” coas obras de seguridade viaria que Deputación e Concello abordarán na estrada provincial EP-2106 entre o barrio da Areíña e a contorna da Igrexa, e que inclúen unha senda peonil dun quilómetro de lonxitude para facilitar o tránsito peonil nesta zona na que se sitúan amais do templo distintas dotacións municipais.

O Concello de Nigrán recibirá 900 000 € da Deputación de Pontevedra para humanizar a rúa Otero Pedrayo grazas ao convenio ReacPon, o plan de investimento público más ambicioso da Historia da institución. O alcalde, Juan González, asinou onte o convenio no Pazo Provincial xunto á presidenta Carmela Silva, o que significa que a Deputación asumirá o 70 % do custe das obras.

O Concello de Nigrán traballa xa sobre terreo para crear o primeiro parque forestal da comarca na zona que máis sufríu os incendios de 2017. Así, a través da empresa Laxes Ambiental, iniciou esta semana os traballos de roza dos sendeiros e muíños que discorren por 'Os Matos-Río Táboas', en Camos en Chandebrito, como parte do plan de prevención e defensa contra incendios imprescindible para comezar a desenvover este espazo natural.

O Concello de Nigrán ofrecerá o vindeiro venres 24 de setembro ás 20:00 horas no Auditorio Municipal a charla do surfista Aitor ‘Gallo’ Francesena, actual campión nacional e internacional de Surf Adaptado na categoría para cegos e quen tratará de revalidar estes títulos en Patos, praia que coñece pero onde todavía non surfeou.

O Concello de Nigrán ofrece desde o mércores 18 ao sábado 21 a segunda edición do Parrulas Fest no esteiro de A Foz da Ramallosa, festival producido desde a cooperativa Charlatana e dirixido a público infantil e familiar.

O presidente da Mancomunidade do Val Miñor, o alcalde de Gondomar, Paco Ferreira, acompañado polos rexedores dos outros Concellos que integran esta entidade –Carlos Gómez, rexedor de Baiona, e Juan González, alcalde de Nigrán–, xunto a xefa territorial de Emprego e Igualdade da Xunta en Vigo, Marta Mariño, inauguraron onte o obradoiro 'Pedras do Miñor', enmarcado no Plan de Garantía Xuvenil, cofinanciado por l Fondo Social Europeo e a Iniciativa de Emprego xuvenil, cunha dotación de preto de 369.493 euros.

O Boletín Oficial da Provincia de Pontevedra publica onte o anuncio coa apertura do prazo para a concesión de subvencións do Concello de Nigrán para as diferentes entidades do municipio (culturais, veciñais, festeiras ou deportivas). O prazo de solicitude é dun mes, finalizando o 9 de setembro (inclusive).

O Concello de Nigrán reprograma finalmente o seu festival Solpor Monteferro para o vindeiro luns e martes (16 e 17 de agosto) con inscrición previa obrigatoria a través do formulario da web www.nigran.es e limitado igualmente a 500 persoas por xornada (as prazas cubriranse por rigorosa orde de inscrición, abríndose as solcitudes ás 9:00 horas deste mércores 11).

O Concello de Nigrán, ante a previsión de choiva, vese na obriga de adiar novamente o festival ‘Solpor Monteferro’ previsto para este xoves 22 e venres 23 e o concerto do tenor José Manuel Zapata programado este sábado 24 no CPI Arquitecto Palacios. O primeiro trasladarase para o 16 e 17 de agosto e o segundo para o 4 de setembro.

O festival Nigranjazz, organizado polo Concello de Nigrán e co apoio da Deputación de Pontevedra, volverá a reunir na súa décimoquinta edición o 30 e 31 de xullo no esteiro de A Foz (A Ramallosa) aos músicos nacionais e internacionais con maior proxección planetaria nun ano marcado novamente polas limitacións da pandemia.

O Concello de Nigrán vén de anunciar o adiamento do Solpor Monteferro aos días 22 e 23 de xullo por mor das malas previsións meteorolóxicas para esta fin de semana. O Festival volve ao seu escenario inicial, "o mellor escenario do mundo", o miradoiro de Monteferro tras terce celebraro o ano 2020 no espazo público de Gaifar.

O Concello de Nigrán regresa ao mellor escenario do mundo, o miradoiro de Monteferro, para abrir a programación de verán coa quinta edición do festival Solpor os días 2 e 3 de xullo tras o ano 2020 no espazo público de Gaifar. Isius e Eladio e os Seres Queridos...

O Concello de Nigrán, coa colaboración da Comunidade de Montes de Parada, celebrou este domingo con gran éxito a súa primeira proba de 'Orienta Aventura' na contorna de Monte Castelo (Parada). Un total de 150 persoas divididas por equipos de 2 a 5 persoas en dúas categorías –'Explorers' só para maiores de 12 anos e 'Pequenos castores' para grupos con algún menor de 12– percorreu durante dúas horas e media o monte na procura de puntos escondidos en balizas coa única axuda dun mapa.

Zona Franca de Vigo abriu as portas de Porto do Molle (Nigrán) nunha xornada na que mostrou os resultados do proxecto ambiental europeo 'Run4 Life', para transformar as augas negras (augas dos inodoros) en fertilizantes de baixo impacto.

O Concello de Nigrán ofrece este sábado 15 de Maio desde as 19:00 horas no Auditorio Municipal o seu acto central das Letras Galegas, adicado integramente á figura de Xela Arias, cunha charla-coloquio e posterior concerto-homenaxe.

O Concello de Nigrán, tal e como publica onte o Boletín Oficial da Provincia (BOPPO número 88) abre desde mañá e ata o 10 de Xuño o prazo para solicitar as axudas do segundo plan de rescate municipal ao sector hostaleiro e do taxi. O goberno local consignou a este fin 120.000 € do Remanente de Tesourería que se suman aos outros 120.000 € do primeiro plan, aos que se engadirán 60.000 € dun terceiro rescate municipal para outros sectores especialmente afectados pola crise sanitaria.

O Concello de Nigrán continúa coa súa campaña de promoción do comercio local 'Eu son de mercar en Nigrán. E ti de quen ves sendo?' co lanzamento mañá ás 17:00 horas nas súas redes sociais do primeiro dos vídeos. Así, a estrea estará protagonizada por Amador Domínguez, propietario desde hai 17 anos do xa histórico establecemento Venus, situado no centro do municipio.

O Concello de Nigrán, a través da súa concesionaria de recollida de basura e limpeza viaria, Cespa-Ferrovial, ofreceu onte a derradeira clase que pon fin ao curso de ‘Limpeza Vial e Mantemento de zonas axardinadas’ que estiveron levando a cabo desde inicios de ano 7 mozos e mozas do CEE Juan María. O Concello facilitara previamente os seus espazos verdes para a realización de prácticas laborais pertinentes.

O director xeral de Maiores e Persoas con Discapacidade, Fernando González Abeijón, acompañado da delegada territorial da Xunta en Vigo, Marta Fernández Tapias, e dos alcaldes de Nigrán e Gondomar, Juan González e Paco Ferreira, respectivamente, asistiron esta pasada semana á reapertura da caseta que o Centro Especial de Emprego Juan María de Nigrán ten no Paseo de Torrente Ballester.

O Concello de Nigrán dá un paso máis na posta en valor do espazo dunar de Praia América-Panxón ao destinar 17.000 para renovar a totalidade da sinalización do ecosistema dunar Praia América-Panxón e facela inclusiva. O proxecto, que estará rematado ao inicio da tempada estival, permitirá homoxeneizar e actualizar toda a sinaléctica actual, moi deteriorada tralo paso dos anos, e mellorar sustancialmente os deseños e o tratamento interpretativo dos textos.

O Concello de Nigrán financiará con 8.500 € a terapia canina do Centro de Educación Especial Juan María (Parada) durante todo o vindeiro curso escolar, así o confirmou hoxe mesmo o alcalde nunha visita para coñecer de preto esta metodoloxía con beneficios científicos contrastados. Deste xeito, o alumnado continuará recibindo estas sesións que estrearon este ano coa empresa especializada Yaracan tras autofinanciarse coa venda de almanaques solidarios.

Tal e como xa anunciara o Concello, o programa #MestredeObra de Sistema Lupo tamén deseñará un bosque-escola para o CEIP Carlos Casares de Vilariño, tal e como demanda desde hai anos a comunidade educativa. Neste caso, trátase de integrar unha parcela municipal lindeira de 2.000 metros cadrados (separada físicamente por un muro e alambrada) e que no 2018 o Concello bautizou como 'Souto Casares' tras realizar unha plantación na que participou todo o colexio e os dous fillos do escritor.

O Concello de Nigrán proporá no vindeiro pleno destinar 185.000 € do Remanente de Tesourería á dotación da nova Biblioteca Municipal unha vez que as obras están a piques de rematar. Así, os traballos avanzan a gran ritmo con todos os oficios traballando simultáneamente para estar concluídas a inicios de maio, mentras que o goberno local ultima xa os pregos para licitar o equipamento.

Concello de Nigrán, asociación de empresarios Ovalmi e A.V. de Veciños Monteferro-Panxón, rexeitan a decisión de Abanca de pechar a súa única oficina en Panxón a partires do 17 de marzo e demandan á entidade que reconsidere a súa postura, xa que prexudicaría gravemente á veciñanza e empresarios de todo o litoral nigranés.

O Concello de Nigrán consignará 7.000 € do orzamento municipal 2021 á redacción dun proxecto paisaxístico para crear un 'Bosque-Escola' no CEIP Carlos Casares aproveitando a parcela municipal ao su carón coñecida como 'Souto Casares'. O deseño correrá a cargo do programa #Mestradeobra que o colectivo galego Sistema Lupo ven realizando en colexios públicos de Galicia e que a comunidade educativa de Vilariño ten como referencia ao defender o xogo como o mellor método de aprendizaxe.

A deputada socialista por Pontevedra, Leticia Gallego, mantivo esta mañá unha xuntanza co alcalde de Nigrán, Juan González, e co seu concelleiro de Urbanismo, Diego García, para avaliar as necesidades do municipio. Gallego criticou a “falla de investimentos” da Xunta de Galicia no Concello de Nigrán, onde o goberno galego “non fai nada, ao igual que ocorre noutros municipios que están gobernados por alcaldes do PSdeG”.

O Concello de Nigrán ven de investir 9.500 euros na compra dun piano de cola Yamaha negro pulido de 151 cm (e a correspondente funda acolchada a medida) para poder ofrecer a aprendizaxe deste instrumento na actividade municipal de Música, conformada actualmente por 58 alumnos de guitarra e violín. O obxectivo do Concello é poder ofrecer desde este mesmo curso esta nova posibilidade, polo que abrirá nas vindeiras semanas un periodo de preinscrición co obxectivo de determinar a necesidade horaria en función da demanda.

O Concello de Nigrán estrea o ano coa posta en marcha desde hoxe mesmo do programa ‘Xantar na Casa’, un servizo de comida a domicilio destinado a garantir unha alimentación saudable a persoas maiores de 60 anos, dependentes ou en risco de exclusión social , sendo o primeiro municipio na comarca do Val Miñor en participar neste programa conxunto co Consorcio Galego de Servizos da Igualdade e Benestar.

Unha vintena de alumnos-traballadores comezou hoxe a segunda edición do obradoiro dual de emprego 'Crea e Coida Miñor' promovido polos tres concellos do Val Miñor e que está orientado por un lado a formación en atención sociosanitaria a persoas dependentes en institucións sociais ou en domicilio, e, por outro, a deseño de produtos gráficos destinados a promover a comarca.

O Concello de Nigrán arranca o luns 14 coa xira do Paxe e Buzón Real unha programación de Nadal realizada na súa totalidade por artistas do municipio e que, en boa medida, se achegará a cada parroquia cos mesmos espectáculos para manter aforos reducidos acordes á realidade sanitaria. O deseño da oferta cultural de Nadal realizouse tras establecer o goberno local unha bolsa de contratación específica dirixida a este sector e conta coa colaboración das entidades veciñais como respectivas sedes para poder ser itinerante.

O Goberno de Nigrán levará ao Pleno do 21 de decembro a aprobación das bases para establecer axudas directas de 120.000 € ao sector hostaleiro afectado polo peche sanitario do 4 de novembro e ao sector do taxi da localidade afectado polas restrición de mobilidade. A cantidade da subvención finalmente incrementouse para incluír tamén a bonificación na hostalaría do recibo trimestral da auga e a parte proporcional do lixo e, no sector do taxi, a axuda será de 70 € para compensar o imposto de Rodaxe.

O Concello de Nigrán leva dende onte a súa campaña de promoción do comercio local 'Agora máis que nunca este Nadal merca en Nigrán' a 60 escaparates do municipio adheridos a Ovalmi. Así, grazas á colaboración da asociación de empresarios, o Concello contratou o servizo do deseñador gráfico de Sabarís Juan Hernández e o seu irmá Ignacio (ilustrador profesional) para pintar con rotulador branco sobre vidro o hashtag '#VivoEnNigránComproEnNigrán' dun xeito decorativo.

O Concello de Nigrán acenderá o alumeado de Nadal hoxe mércores, 2 de decembro, ás 19:00 horas nunha xornada na que se estará proxectando en bucle –desde as 17:00 h ás 20:00 horas no Auditorio Municipal– unha mensaxe sorpresa dos Reis Magos aos nenos e nenas de Nigrán. Trátase dun vídeo de 2 minutos de duración elaborado exprofeso desde Oriente por Melchor, Gaspar e Baltasar para a infancia de Nigrán.

Na mañá de onte, unha comisión xestora formada por representantes de OVALMI (a Asociación de Empresarios e Comerciantes do Val Miñor) e representantes dos hostaleiros do Val Miñor, mantiveron unha reunión co alcalde de Nigrán, Juan Gonzalez, de cara a transmitirlle as diferentes problemáticas ás que se enfronta o sector hostaleiro no seu concello.

Gondomar clausurón oficialmente onte as actividades do Obradoiro de Emprego 'Crea e Coida Miñor' que se desenvolvía dende novembro de 2019, e cuxo remate retrasouse como consecuencia da alerta sanitaria decretada no país en marzo. Na mañá de onte os 20 alumnos e alumnas recollían os seus diplomas e poñían punto e final a un curso que, o seu director José Abraira Arias, cualificou “como exemplar tanto pola entrega como polo interese demostrado en aprender”.

O Concello de Nigrán rematou hoxe os traballos para dotar dun espazo axardinado o cruce entre a rúa Manuel Lemos e o Camiño da Cabreira, na Ramallosa. Tras inhabilitarse un carril de saída de vehículos polas obras de mellora da seguridade viaria na PO-552 a cargo da Xunta, o Concello aproveitou ese lugar para crear un punto verde de 50 metros cadrados.

O Concello de Nigrán iniciou a tramitación para gañar en San Pedro, concretamente no coñecido como 'Monte de Santa Cruz', unha nova área forestal para o disfrute da veciñanza. En total, trátase de 12.700 m2 situados ao carón do coñecido como Monté Eiró ou Das Agullas (Parada). Esta zona boscosa, composta nun 95 % por pino do país, está históricamente desatendida ao non figurar como inscrito en man común ou propiedade privada.

O Concello de Nigrán cancela o concerto do sábado de ‘Xardín Desordenado’ no Auditorio Municipal con motivo do Día das Letras Galegas ante o regreso hoxe do municipio ao nivel vermello por Covid-19 (semáforo establecido polo Sergas cando se confirman máis de 21 contaxiados confirmados por PCR na última semana). O goberno local, tal e como fixo coa gala dos Premios Nigrán e a suspensión de actos cando se rexistrou alerta vermella, toma esta decisión por responsabilidade. Deste xeito, aprázase ata novo aviso reprogramándose unha vez que a situación sanitaria mellore.

A praza da Carrasca xa está recuperada para o desfrute da veciñanza de Nigrán e, especialmente, da parroquia de Parada. Os deputados de Cooperación, Santos Héctor, e de Infraestruturas, Gregorio Agís, visitaron hoxe a actuación, na que se teñen investido 73.795 euros con cargo ao Plan Concellos, acompañados polo alcalde, Juan González.