19.1 C
Pontevedra
Martes, 16 de Agosto de 2022
Máis
    HomeVal MiñorNigránNigrán estrea o programa 'Xantar na Casa' co primeiro reparto de comida...

    Nigrán estrea o programa ‘Xantar na Casa’ co primeiro reparto de comida a domicilio para maiores e dependentes

    Unha decena de persoas de diferentes parroquias reciben desde hoxe un día a semana o menú completo para cada un dos 7 días por un prezo simbólico para o usuario de 1,76 €

    O Concello de Nigrán estrea o ano coa posta en marcha desde hoxe mesmo do programa ‘Xantar na Casa’, un servizo de comida a domicilio destinado a garantir unha alimentación saudable a persoas maiores de 60 anos, dependentes ou en risco de exclusión social , sendo o primeiro municipio na comarca do Val Miñor en participar neste programa conxunto co Consorcio Galego de Servizos da Igualdade e Benestar. En Nigrán arrancou hoxe con 10 usuarios das parroquias de Chandebrito (3), Panxón (2), Priegue (2), Parada (1) e Nigrán (2), sendo 9 deles anciáns dependentes e unha persoa discapacitada con problemas de mobilidade.

    “É un día moi importante para Nigrán porque damos un paso máis no noso proxecto ‘Un Nigrán para todos’ , neste caso dirixido á facilitar a automonía persoal ao tempo que garantimos unha alimentación saudable facilitando tamén a conciliación das familias coidadoras”, resume o rexedor, quen agarda que o número de beneficiarios vaia incrementándose. Así, un día á semana (os venres no caso de Nigrán) reciben no propio domicilio 7 bandexas cos menús correspondentes listos para quecer no microondas e con todas as garantías sanitarias (inclúen pan, primeiro plato, segundo e postre), tendo un custe simbólico para o beneficiario de 1,76 € por menú (Concello e Xunta aportan o resto ata 6,60 €).

    “Os meus avós son maiores e viven sós, ela era quen cociñaba pero cada vez con maior dificultade, xa que non ten case sensibilidade nas mans, o que tamén resultaba un perigo porque se pode queimar sen darse conta”, explica o neto de Rosa e Manuel, un matrimonio de Chandebrito que se mostraba hoxe encantado coa comida. “Está boísima, máis non podemos pedir, isto é marabilloso para nos”, dicía Manuel mentres comía dous platos de mostra e falaba coa técnica. “Para nos é unha axuda enorme, o noso pais vive só e unha irmá se ocupaba de cociñar e traerlle a comida de toda a semana, isto é un respiro, facilita a conciliación moitísimo”, explica a filla de Rafael, outro usuario de Chandebrito. “Moitos maiores que viven sos, especialmente do rural, non teñen a capacidade de ir a mercar os alimentos e poñerse despois a cociñar e, ademais, desexan manter a independencia de vivir nos seus propios fogares, este programa é dunha gran axuda”, engade Bibiana Peixoto, edil de Asuntos Sociais, quen subliña ademais o escasísimo custe económico que supón para o beneficiario.

    Os menús son completos e equilibrados, correctamente condimentados e cunha boa presentación, variados e adaptables ás necesidades das persoas beneficiarias, os seus gustos e hábitos, así como á gastronomía local e á época do ano (trátase dunha dieta basal de 630-840 Kcal., o que supón o 35% do volume enerxético diario total, que no caso dos anciáns oscila entre 1.800 e 2.400 Kcal). Desde ‘Xantar na Casa’ procuran especialmente o uso de produtos de orixe, elaboración ou transformación galega .

    Ademais, ao comezo do servizo comprobouse que as persoas beneficiarias dispoñían de microondas, frigorífico, enxoval e calquera elemento preciso para a preparación e inxesta dos xantares porque no caso de carecer de electrodomésticos póñense a súa disposición en réxime de depósito.

    Desde unha perspectiva integral, ‘Xantar na Casa’ pode complementar ao servizo de axuda o fogar permitindo manter ao máximo a propia capacidade de independencia e autonomía e posibilitando a permanencia nos seus propios fogares nunhas condicións aceptables, evitando o desarraigo ou retardando posibles institucionalizacións.

    COLABORACIÓNS

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Galicia

    Onte, 25 de xullo, celebrouse na nosa comunidade o día da patria galega, polo que esta publicación vai adicala a ela. Este día festéxase oficialmente dende 1979, ainda que a orixe desta celebración remóntase a 1919.

    Un tour por Marruecos

    He estado un poco desaparecida, pero aquí estoy de nuevo 🙂 En mayo viajé junto con cuatro amigas a Marruecos, hicimos una escapada durante el puente de las Letras Galegas. Fue breve, pero intensa. Nos dió tiempo a aprovechar muy bien esos cinco días y a conocer un trocito de ese país tan especial.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    67 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS