4.3 C
Pontevedra
Domingo, 4 de Decembro de 2022
Máis
    HomeVal MiñorNigránNigrán renovará toda a sinalización do espazo dunar de Praia América-Lorido incluíndo...

    Nigrán renovará toda a sinalización do espazo dunar de Praia América-Lorido incluíndo sistema braille e audioguías

    O proxecto, ao que se destinarán 17.000 €, permitirá outorgar homoxeneidade e actualizar a toda a sinaléctica actual, moi deteriorada tralo paso dos anos e sen ningunha visión global de conxunto

    O Concello de Nigrán dá un paso máis na posta en valor do espazo dunar de Praia América-Panxón ao destinar 17.000 para renovar a totalidade da sinalización do ecosistema dunar Praia América-Panxón e facela inclusiva. O proxecto, que estará rematado ao inicio da tempada estival, permitirá homoxeneizar e actualizar toda a sinaléctica actual, moi deteriorada tralo paso dos anos, e mellorar sustancialmente os deseños e o tratamento interpretativo dos textos.

    “Os paneis existentes teñen décadas de antigüidade, foron feitos en diferentes épocas con distintos materiais e deseños e están moi danados polo efecto do sol e a salinidade ou mesmo presentan pintadas. O obxectivo é outorgar unha visión de conxunto uniforme cunha información actualizada e un deseño atractivo”, xustifica o alcalde, Juan González, quen incide na importancia de que se sumará ao proxecto de accesibilidade universal ‘Un Nigrán para todos’, o que implica que os paneis xerais disporán de sistema de lectura braille e se ofrecerán audioguías descargables en MP3.

    A nova sinalización incluirá fotografías, infografías ou debuxos e ofrecerá á veciñanza e visitantes unha información xeral sobre a importancia do ecosistema dunar ademáis de información específica sobre as especies máis emblemáticas da súa flora e fauna (moitas delas únicas e ameazadas pola perda destes espazos) así como da problemática das especies exóticas invasoras. A maiores, nesta renovación incorpóranse tamén paneis panorámicos para a interpretación da paisaxe e a evolución histórica do ecosistema. “En definitiva, a nova sinalización invitará a realizar o paseo completo ao tempo que concienciará sobre a importancia de preservar este espazo”, incide González.

    Así, constará dunha mesa panorámica instalada na zona da desembocadura do río Muíños cunha ortofoto onde se visualizarán os elementos representativos da paisaxe; dous paneis xerais sobre o ecosistema dunar no principio e fin das dunas; un panel en perspectiva lonxitudinal do ecosistema dunar e unha infografía sobre a gradación das distintas áreas dunares; un panel sobre as especies invasoras de flora e o seu impacto; outro panel coas especies de flora dunares, a súa importancia e as súas ameazas; un panel sobre aves máis representativas da contorna no observatorio ornitolóxico; un panel sobre a Historia e evolución do ecosistema dunar que contrapoña fotos antigas e actuais; un panel sobre a fauna das dunas (anfibios, moluscos, lepidópteros, insectos); dous paneis de zona prohibida a cans na desembocadura do río Muiños para a protección das aves e explicación do motivo; e, finalmente, dous paneis da zona prohibida baño na desembocadura do río Muiños. Asimesmo, os textos dos paneis xerais estarán en braille e as audioguías descargables en MP3 desde a web municipal serán de 10 minutos de duración en galego e castelán e con locución e mezcla de son ambientais.

    “Trátase de dar unha continuidade ás actuacións que vimos realizando desde hai anos para por en valor a contorna prestando ao mesmo tempo especial atención á accesibilidade, como facemos con cada proxecto”, destaca o rexedor. De feito, esta acción engádese á subvención de 45.451,23 € recibida recentemente por parte do GALP que permitíu ao Concello dotar do primeiro observatorio de aves a contorna do espazo dunar de praia América-Panxón, instalar máis ramplas accesibles, mellorar o peche perimetral ou realizar roteiros de sensibilización ambiental e xornadas de voluntariado destinadas a erradicar a herba carniceira e a margarida africana, dúas especies invasoras con gran presenza.

    COLABORACIÓNS

    Despilfarro

    Según la RAE, despilfarro significa "Gasto excesivo y superfluo" y la verdad, que no se me ocurre un término mejor para definir lo que está ocurriendo en muchos de nuestros ayuntamientos con tantas plazas a arreglar y tanto peatonolizar.

    Alba Guzmán Falcón, «Xoaniña de Deus»

    Alba Guzmán era, ata o de agora, unha autora practicamente descoñecida para o gran público, a pesar de contar no seu haber cunha morea de premios en certames de poesía e tamén de narrativa.

    Henrique Dacosta, «O estraño caso da bicicleta amarela»

    Henrique Dacosta vén de entregar ao prelo unha nova proposta narrativa. E digo “narrativa” e non digo ben, pois este volume, «O estraño caso da bicicleta amarela», leva o clarificador subtítulo de «Oito contos e unha traxicomedia» e tal é o contido da obra: oito relatos breves de extensión variable e unha pequena peza teatral, a primeira da que teñamos constancia e da que falaremos máis adiante.

    Xavier Queipo, «Algoritmos»

    «Algoritmos» é un libro sorprendente, algo que, vindo de Xavier Queipo, xa deixou de ser unha novidade. Non estamos a falar dunha novela, nin sequera dunha colección de contos, senón de algo diferente.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    73 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    5 POSTS0 COMMENTS
    Avatar
    1 POSTS0 COMMENTS