11.4 C
Pontevedra
Venres, 8 de Decembro de 2023
Máis
    HomeVal MiñorNigránNigrán e Cespa-Ferrovial ofrecen unha clase práctica de limpeza vial e mantemento...

    Nigrán e Cespa-Ferrovial ofrecen unha clase práctica de limpeza vial e mantemento de zonas verdes para o alumnado do CEE Juan María

    O Concello de Nigrán, a través da súa concesionaria de recollida de basura e limpeza viaria, Cespa-Ferrovial, ofreceu onte a derradeira clase que pon fin ao curso de ‘Limpeza Vial e Mantemento de zonas axardinadas’ que estiveron levando a cabo desde inicios de ano 7 mozos e mozas do CEE Juan María. O Concello facilitara previamente os seus espazos verdes para a realización de prácticas laborais pertinentes. Nesta ocasión, os rapaces se desprazaron ao Torreiro de Camos para coñecer in situ o funcionamento de diferente maquinaria de limpeza.

    Un total de 7 persoas con discapacidade intelectual realizaron esta actividade formativa dirixida a mellorar a súa empregabilidade no marco do Programa Operativo POISES 2014-2020- ‘Uno a Uno-Ano 2020’. O curso constou de 366 horas e mesturou a formación teórica (201 horas) coa práctica matinal (165 horas) en zonas verdes do Concello de Nigrán e no camping de Playa América.

    “Desde o Concello de Nigrán consideramos que é o noso deber como administración facilitar todos os medios para a realización deste tipo de actividades formativas. Nos xa sabemos de primeira man que son os mellores traballadores porque os temos contratados para o mantemento das beirarrúas en Porto do Molle”, explica o alcalde, Juan González.

    O proxecto busca fomentar as capacidades e competencias persoais, sociais e laborais destas 7 persoas co obxectivo de que desenvolvan unha actividade profesional da que obterán a súa correspondente acreditación final. Ao mesmo tempo, preténdese que adquiran competencias de cara á busca de emprego, acceso, e mantemento do mesmo, para o que contan con módulos formativos específicos.

    LIBROS

    Amador Castro Moure, «Pronto hei de volver»

    A emigración, como non podía ser doutra maneira, é un deses temas aos que a literatura galega volve unha e outra vez. Dende distintas perspectivas e con diferentes enfoques e intencións, forma parte troncal do noso sistema literario dende o momento en que comezou a tomar forma.

    Xosé M. Eyré, «Ou as dúas estaredes mortas»

    Moito temos falado neste mesmo espazo dos cada vez máis difusos lindes entre xéneros literarios; de como novela e relato –tamén a poesía ou o teatro– semellan lidar pola posesión de espazos que tradicionalmente lles eran alleos e que pretenden converter en propios, alimentando así unha fusión que, no fondo, non deixa de ser a procura de novas vías de expresión aínda non transitadas.

    Raquel Castro, «Sobremesas sobre versos»

    Dende fai xa varios anos, Raquel Castro é unha das habituais na literatura infantil galega, pero a maioría dos seus traballos publicados enfocábanse cara ao mundo do teatro para nenos, onde deixou pezas de excelente facturación.