Tag: ensino

A VI Semana da Educación de Tomiño prepárase xa para a súa VI edición, que se celebrará entre os días 8 e 11 de febreiro. A inauguración das xornadas correrá a cargo do xurista e activista Octavio Salazar, e a súa conferencia poderá ser acompañada de balde por streaming o vindeiro 8 de febreiro ás 19:00 horas.

A concellaría de Ensino, que dirixe a alcaldesa en funcións Cristina Fernández, apoia as demandas da Asociación de Nais e Pais do CEIP Santiago de Oliveira, que piden dende comezo de curso a construción dun ximnasio e oferta de comedor escolar e reclama unha resposta inmediata á Consellería de Educación da Xunta de Galicia.

A concellaría de Mobilidade e Tráfico do Concello de Ponteareas, que dirixe Roberto Mera, informou da posta en marcha este venres do semáforo instalado no IES O Barral. A instalación deste dispositivo de seguridade, unido ao correspondente paso de peóns, sinalización vertical e beirarrúa de 100 mts de lonxitude permite agora ao alumnado, nai e pais e profesionais do centro educativo atravesar con seguridade a N-120.

A alcaldesa de Redondela, Digna Rivas, vén de solicitar unha “reunión urxente” con técnicos de Audasa, responsable da construción do Colexio Igrexa, para darlle conta da necesidade de reforzar o muro de contención da parte traseira do centro escolar “e evitar que se volvan a repetir episodios como os vividos a pasada semana coa entrada de terra nas instalacións”.

Nestes días de Nadal que están a piques de rematar, o comercio do Rosal vístese de gala dun xeito moi especial. Nos seus escaparates e tendas locen uns adornos de excepción, xa que foron elaborados con moito agarimo polas alumnas e alumnos dos colexios do municipio.

“A Escola Infantil para Chapela é un tema irrenunciable para este Goberno porque é un dereito que teñen as veciñas e veciños”, asegurou a alcaldesa de Redondela, Digna Rivas ao reforzar a aposta do executivo que preside coa instalación dunha escola infantil nesa parroquia redondelá. Dende hai ano e medio que o actual equipo de Goberno tomou posesión e pese as insistentes peticións da Alcaldía ante o Consorcio Galego de Servizos de Igualdade e Benestar “a día de hoxe non hai nin tan sequera contestación aos nosos requirimentos dunha xuntanza urxente para tratar este tema”, afirma a alcaldesa.

A delegada territorial da Xunta de Galicia en Vigo, Marta Fernández-Tapias, cifrou hoxe en máis de 3,1 millóns de euros as obras en execución en un total de nove centros de ensino público da área territorial de Vigo. A representante autonómica fixo estas declaracións coincidindo cunha visita ás obras de ampliación do IES Salvaterra do Miño, xunto á alcaldesa Marta Valcárcel, e acompañada polo xefe territorial da Consellería de Cultura, Educación e Universidade, César Pérez Ares.

A Xunta de Galicia acaba de recoñecer o traballo de oito centros educativos galegos co Premio Boas Prácticas de Educación Inclusiva 2020, convocados pola Consellería de Cultura, Educación e Universidade. Este galardón ten como obxectivo impulsar a atención á diversidade e a inclusión educativa, difundir as boas prácticas de inclusión que se realizan nos centros docentes así como recoñecer o labor que, neste sentido, está a desenvolverse actualmente nos centros educativos.

As actividades do Revitaliza para escolares chegaron neste ano 2020 marcado pola COVID-19 a máis de 8.000 escolares. A cifra é considerada como todo un éxito por parte da Deputación xa que, ademais, amplíase ao contabilizar os datos por cursos escolares: no 2019-2020 celebráronse 420 obradoiros para 9.628 crianzas –a pesares de que o terceiro trimestre non foi operativo–, e só no primeiro trimeste deste curso contabilizáronse 2.055 nenos e nenas en 138 actividades.

A presidenta da Deputación, Carmela Silva, celebrou hoxe unha teleconferencia con tres estudantes de Formación Profesional que completan os seus estudos con prácticas no estranxeiro no marco do programa Erasmus+ Practicum Depo impulsado pola Deputación co apoio do Ministerio de Universidades. Silva quixo coñecer de primeira man as experiencias da pontevedresa Diana Martínez, que está en Lecce (Italia); Rocío Feliz, unha dominicana asentada en Vigo e que viaxou ata Braga (Portugal) e Manuel Ares, un mozo de Muxía que estudou en Vigo e vén de regresar da súa estadía en Birgu (Malta).

Comezaron esta semana as actividades do proxecto de intervención socio-educativa para o fomento da igualdade entre o alumnado dos centros educativos das Neves promovido polo Concello. O alumnado de 2º ciclo de Educación Infantil do CEIP Marquesa do Pazo da Mercé e das escolas unitarias de...

O goberno local, a través da súa concellería de Igualdade, dirixida por Nuria Lameiro, puso en marcha onte ás actividades programadas con motivo da celebración do Día Internacional contra a Violencia de Xénero, o próximo 25 de novembro, con 'Contos e Monicreques' proxecto dirixido ao alumnado de 1º de Primaria dos catro CEIP de Gondomar.

O conselleiro de Cultura, Educación e Universidade, Román Rodríguez, presidiu hoxe a reunión da Xunta Autonómica de Directores, onde informou de que o Goberno galego garantirá o subministro de máscaras de protección para o alumnado que máis o necesite durante todo o curso escolar, así como para o profesorado.

A Xunta de Galicia porá en marcha nos vindeiros días, unha unidade específica para atender aos centros escolares no seo da Central de Seguimento de Contactos (CSC). Unha iniciativa, froito da intensa colaboración entre os departamentos de Sanidade e Educación co obxectivo de facer un seguimento da covid-19 máis axustada á realidade educativa e para reforzar, aínda máis, a seguridade sanitaria nos centros.

O conselleiro de Cultura, Educación e Universidade, Román Rodríguez, presentou hoxe en rolda de prensa o Plan de ensino virtual ante a covid-19, unha folla de ruta para blindar os valores que sistema educativo galego, como son a calidade e a equidade. O plan recolle un conxunto de actuacións elaboradas en base a criterios pedagóxicos, didácticos e metodolóxicos que permitirá continuar coa formación do alumnado nos casos nos que sexa preciso pasar ao escenario de educación non presencial por hipotéticos confinamentos.

Un ano máis os colexios de Salvaterra de Miño participan no proxecto Prevención da Violencia de Xénero en Educación, iniciativa posta en marcha dende o Concello de preside Marta Valcárcel e subvencionada pola Deputación de Pontevedra.

O Pleno do Concello de Salceda de Caselas aprobou o xoves por unanimidade a solicitude de construción dunha segunda escola infantil de 0 a 3 anos no municipio, nos terreos que o Concello posúe ao lado do novo centro de saúde, na rúa Mártires de Sobredo.

O portavoz de Educación do Grupo Socialista, Luís Álvarez, vén de solicitar a dotación universal de máscaras para o alumnado galego. O Parlamento aprobou onte a iniciativa socialista que urxe ao goberno galego a regular os criterios de reparto das máscaras hixiénicas entre alumnado en situación de vulnerabilidade co obxectivo de “evitar desigualdades”.

A presidenta da Deputación, Carmela Silva, recibiu hoxe no Pazo Provincial a Teresa Domínguez, directora do CRA Mestra Clara Torres de Tui, e transmitiulle a felicitación da institución polo premio Escola do Ano da Fundación Princesa de Girona, que acaba de recibir o centro polo seu carácter innovador e a súa dinamización da contorna rural. Precisamente, unha das accións que valorou o xurado destes premios foi a iniciativa dos Calendarios Competenciais para Infantil e Primaria, impulsados por esta docente, que a Deputación elabora desde o 2016 e reparte nos centros escolares da provincia.

O alcalde de Gondomar, Paco Ferreira, subscribiu esta semana os convenios de colaboración que o Goberno local, a través da concellería de Educación, mantén anualmente coas Asociacións de Nais e País (ANPAS) dos centros educativos públicos do municipio, cunha dotación total de 9.900 euros.

A Xunta de Galicia vén de incorporar un total de 30 centros educativos de toda Galicia ao programa Radio na Biblio e, entre eles, o CEIP Mestre Valverde Mayo de Mos, CEIP de Cedeira de Redondela e IES San Paio de Tui. Esta iniciativa da Consellería de Cultura, Educación e Universidade ten como obxectivo impulsar a creación de emisoras ou laboratorios radiofónicos no contexto da biblioteca escolar.

O Concello de Ponteareas vén de acadar unha subvención de 199.377,25 euros para acometer obras de reforma e eficiencia enerxética nas escolas de Areas, Moreira, Parada (Xinzo), Pías e Ribadetea todas elas integradas no CRA (Colexio Rural Agrupado) A Picaraña, segundo deu conta hoxe a primeira tenenta de alcalde e concelleira de Ensino, Cristina F. Davila.

A concellaría de Ensino, que dirixe a tenenta de alcalde Cristina Fernández Davila, vén de poñer en coñecemento de todas as interesadas e interesados que, nos vindeiros, días comezarase a aboar as axudas concedidas a 176 alumnos/as para libros e material escolar para o curso 2020/21 a educación infantil (4º, 5º e 6ª), FP básica, ciclos formativos e bacharelato.

O Concello do Rosal asumirá o custo das tarefas de desinfección dos centros educativos do municipio por responsabilidade co ensino público e coa saúde de todas e todos. Non obstante, a administración local é unicamente responsable da limpeza dos centros escolares pero non da súa desinfección.

A Concellaría de Ensino do Concello de Ponteareas que dirixe a tenenta de alcalde Cristina Fernández Davila, vén de poñer en coñecemento de todas as persoas interesadas, que xa están publicadas na páxina web do Concello as listaxes definitivas da concesión das axudas para libros e material escolar para o curso 2020/21 destinadas ao alumnado matriculado en educación infantil (4º, 5º e 6ª), FP básica, ciclos formativos e bacharelato.

O Concello de Nigrán ven de acondicionar a pista deportiva do Centro de Educación Especial Juan María coa colaboración de Hormigones Valle Miñor, compartindo ambos a partes iguais os 8.000 € de investimento total. Esta unión público-privada permitíu mudar sen custe algún para o centro a superficie de aglomerado asfáltico existente, totalmente deteriorada polo paso do tempo.

Tomiño súmase á reivindicación para que a Xunta dote de suficiente profesorado e persoal aos centros escolares, garantindo así a actividade educativa ao longo deste curso en calquera dos escenarios posibles. O Concello aprobou este xoves unha moción similar á presentada de forma conxunta por BNG e PSdG-PSOE e aprobada en sesión plenaria na Deputación de Pontevedra, na que se solicita ao goberno autonómico que asuma a responsabilidade e adopte medidas que son da súa competencia.

O Consello Escolar Municipal de Tomiño celebrou o pasado 18 de setembro a súa primeira reunión deste novo curso para abordar todas as novidades do vindeiro ano escolar. Durante este encontro, os e as integrantes do consello, composto por representantes de todo o tecido educativo, económico, social... tomiñés, coñeceron de primeira man o programa EncaixaT, un proxecto pioneiro co que se busca dar apoio ás familias que máis o necesitan dende un enfoque integral, positivo e participativo

O Bloque Nacionalista Galego presentará no Pleno do mes de setembro, que terá lugar na tarde de hoxe, unha moción na que se realiza un diagnóstico da situación de inicio de curso escolar. Numerosos problemas que afectan a todos os níveis do ensino pre, e obrigatorio, tanto a alumnado, profesorado, direccións dos centros, ademáis das familias e aos propios concellos.

Ante o que cualifican un comezo de curso "inseguro e improvisado" a ANPa 'Paulina Sánchez Otero' do IES San Simón de Redondela mírase na obriga "de chamar a atención ás familias sobre o perigo que corren e que poden propagar se a Consellería de Educación empeñase en abrir o instituto sen garantir as normas de prevención contar o Covid que ela mesma considera imprescindibles". "Para evitar esta propagación do coronavirus no noso pobo chamamos a responsabilidade das familias non deixando aos seus fillos ou fillas acudir ao instituto se continuan as actuais condicións" sinala a ANPA.

A escasos días do comezo do curso escolar as nais e país do IES do Barral de Ponteareas lamentan "que a Xunta incumpra os compromisos publicitados nos medios de comunicación de baixar as ratios dos centros de ensino aumentando o número de Mestres para o presente curso". ANPA e representantes das nais e pais no Consello Escolar, instan á Consellería de Educación "a reforzar de carácter urxente o equipo de docentes do centro".

O Concello de Baiona, en colaboración cos centros educativos do municipio, implantou unha serie de medidas para protexer á comunidade escolar ante a actual situación sanitaria. Entre as medidas levadas a cabo atópase a distribución de espazos nos centros polo que dende o Concello axudaron nesta tarefa mediante a cesión de valos, que permiten a correcta circulación e disposición do alumnado.

Unha aula do CEIP Outeiro das Penas de Cesantes foi clausurada no día de onte logo de coñecerse a existencia dun PCR positivo nun alumno de segundo de primaria. Ao alumnado e profesorado desa clase fóronlle realizados os PCR dos que se coñecerán mañá os resultados e mentres seguen confinados nos seus domicilios, tal e como sinalan os protocolos sanitarios.

O Concello de Redondela comezou onte, tal e como estaba previsto, a distribución de máscaras de protección nos centros escolares do municipio, unha iniciativa na que tamén se inclúe a distribución, a cada un dos colexios, do vídeo-testemuña sobre a COVID-19 realizado ao abeiro do programa 'Faino por Todxs'.

Hoxe martes, 15 de setembro, o Concello de Tui vén de abrir o prazo de presentación de solicitude das axudas municipais de material escolar e comedor dirixidas ao alumnado de Infantil, Primaria e Secundaria para o curso 2020/21. Estas axudas van dirixidas prioritariamente a menores de familias con dificultades socioeconómicas e dificultades para conciliar a vida familiar e laboral.

O vindeiro luns, 14 de setembro, o Concello de Redondela iniciará a distribución de máis de 3.200 máscaras de protección entre o alumnado de infantil, primaria e ESO –o ensino obrigatorio– dos centros públicos do municipio. A concelleira de Educación, Olga García Ballesteros, destacada que esta medida responde á “fonda preocupación” do Concello de Redondela, ante un inicio de curso rexido por un protocolo “claramente mellorable”

O conselleiro de Cultura, Educación e Universidade, Román Rodríguez, subliñou hoxe o esforzo da Comunidade educativa para adaptar os centros de FP aos requirimentos hixiénico-sanitarios derivados da covid-19, facendo destes espazos uns verdadeiros “talleres seguros”. Tamén reiterou o compromiso do seu departamento para achegar todo o profesorado que sexa necesario para cumprir coas normas sanitarias en canto a seguridade nas aulas e nos talleres de FP.

Cos votos de PSdeG-PSOE e o BNG e a oposición do PP, o Pleno da Deputación de Pontevedra aprobou hoxe a moción para esixir da Xunta de Galicia que, diante do clamor social de pais e nais, Anpas, sindicatos, concellos, e de toda a comunidade educativa, se responsabilice dunha vez dunha competencia exclusivísima do Goberno galego como é o inicio do curso escolar que, en palabras do voceiro Carlos Font, “segue sumido nun absoluto caos que deixa á sociedade nunha indefensión intolerable e sen garantías; nin docentes nin sanitarias”

O conselleiro de Cultura, Educación e Universidade, Román Rodríguez, anunciou hoxe o adiamento nunha semana do inicio de curso en Secundaria, en concreto aos días 23, 24 e 25 de setembro. A decisión foi consensuada coa Xunta Autonómica de Directores, nunha reunión celebrada esta mañá cos representantes dos centros de Secundaria xunto cos xefes da Inspección educativa nas catro provincias. A decisión do adiamento foi comunicada tamén aos representantes das familias e dos profesionais dos centros.

Co inicio do novo curso escolar á volta da esquina, operarios municipais e profesorado do CPI Manuel Suárez Marquier traballan man a man para preparar os espazos interiores e exteriores do centro e adaptalos ás medidas de precaución e aos protocolos de prevención de contaxios por COVID-19 marcados nos últimos días pola Consellería de Sanidade. A alcaldesa do Rosal, Ánxela Fernández, reuniuse nos últimos días no Concello coa dirección do CPI para ultimar as necesidades do centro e coñecer como abordará os retos para este curso escolar somerxidos nesta nova realidade.