7.6 C
Pontevedra
Venres, 29 de Marzo de 2024
Máis
    HomeComarcasRedondelaA ANPA do IES Illa de San Simón de Redondela denuncia "o...

    A ANPA do IES Illa de San Simón de Redondela denuncia “o desprezo” da inspección educativa “polas familias e a saúde do alumnado”

    A ANPA ‘Paulina Sánchez Otero’ do IES Illa de San Simón de Redondela vén de denunciar o que cualifican de “desprezo” por parte do Servizo Territorial da Inspección Educativa, dependente da Consellería de Educación, ao obviar a preocupación de nais e pais pola imposibilidade de implantar as novas tecnoloxías correctamente co programa Edixgal e que expresaban nun escrito remitido á inspección o 25 de outubro.

    A imposibilidade, tal e como sinala a ANPA ‘Paulina Sánchez Otero’, “tiña como consecuencia o principio de lesións lumbares entre o alumnado” polo que solicitaban que se investigara dita cuestión e que se informara ás nais e pais, demanda “que tivo a calada por resposta”, afirma a ANPA.

    O triste do asunto, sinalan nais e pais, é que non é a primeira vez que se ignoran as demandas da ANPA e subliñan que “a nosa paciencia e discreción ten un límite” que foi sobrepasado por esta última actuación da inspección. Nais e pais síntense “desprezados” logo de amosar a súa preocupación “pola educación das nosas fillas e fillos, en escritos dirixidos á inspectora correspondente” a quen, afirman, faltoulle “humildade” para atender a ningún deles.

    Lembran que obter unha resposta dun servizo de inspección “é un dereito propio dun sistema democrático” e non dubidan e cualificar como “caciquismo” a actuación do servizo de inspección. “Esta Inspección Educativa so atende na intriga dos seus despachos ou con chamadas de teléfono persoais” e lamentan que os casos nos que as familias diríxense á inspección “fan todo o posible para que quede no escurantismo e nada saia á luz. Promesas, declaracións de intencións, avisos privilexiados… pero nunca nada que quede por escrito”.

    Finalmente a ANPA, que asegura non ter recibido con este asunto “nin tan sequera unha chamada”, sospeitan que o silencio ven dado “porque presentamos os escritos ben, en regra e formalmente, como é propio nun estado de dereito”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.