O Club Patinaxe Artística Condado de Salvaterra de Miño asinou, o pasado 22 de marzo en Alcoy (Alacante) un extraordinario papel no Campionato de España de Grupos Show Junior. O club do Condado foi quen de clasificarse no top ten rematando a competición en noveno posto entre un total de 20 equipos que participaban nesta esixente competición
Coa súa coreografía ‘Vogue’, o CPA Condado, actual subcampión galego, acadou un total de 67,60 puntos. A representación galega nestes campionatos de España a completaban o Campus Stellae de Santiago de Compostela, actual campión galego, que remataba na oitava praza; o Ribex de Tui que remataba noveno e o Fontiñas de Santiago que acadaba a décimo terceira posición.
A candidata socialista á alcaldía e actual concelleira de Urbanismo de Ponteareas, Chus Garrote, criticou hoxe o proxecto da popular Belén Villar de construir “unha zona lúdica con piscinas pioneira na provincia”, é recoméndalle “aterrar no mundo real e deixar as ensoñacións, pois están moi lexos dos problemas cotiás da cidadanía”.
Por outra banda os socialistas ponteareás sinalan que non lles colle de sorpresa esta “falsa promesa”, pois é a mesma que presentou o antigo alcalde do Partido Popular no 2011, xusto antes dunhas eleccións municipais. Por entón o exalcalde Salvador González Solla prometía construír “dúas piscinas ao aire libre na Freixa e un servizo de alquiler de bicicletas que xamais se chegou a realizar”, explican os socialistas.
“Os veciños de Ponteareas estamos aburridos das falsas promesas do Partido Popular antes das eleccións. Solla tivo catro anos para facelo e o resultado coñecémolo tódolos veciños. Xa non enganan a ninguén”, afirma Chus Garrote. Neste senso, Garrote sinala que mentres Belén Villar se “dedica a descargar debuxos de parques acuáticos de internet os veciños de Ponteareas seguen sufrindo os recortes da Xunta de Galicia no centro de saúde” e insta á candidata do PP a “aclarar a súa orde de prioridades”.
Por outra parte, Chus Garrote, insta a Belén Villar facer público un informe económico viable donde conste a financiación e a viabilidade de dito proxecto. “Polo de agora Belén Villar ten un debuxo que pode enmarcar e colgar na súa casa. Ponteareas merece proxectos serios e viables para o seu futuro como os que está a realizar o goberno”, sentencia Chus Garrote.
Por outra banda, o PSdeG-PSOE de Ponteareas apunta que Belén Villar non é a única candidata do PP que está a vender “parques acuáticos” na provincia de Pontevedra, pois tamén o alcalde Popular de Meis anunciaba no mes de decembro un proxecto semellate. Neste senso, o Partido Socialista pídelle a Belén Villar que explique como Ponteareas “será pioneira na provincia de Pontevedra” cando outros candidatos do PP están a vender a mesma promesa.
A Deputación de Pontevedra aprobou por resolución presidencial tres novas achegas para o concello da Guarda ao abeiro da liña 1 do Plan Concellos. Concretamente a institución provincial pon a disposición da vila do Baixo Miño un total de 139.801,68 euros.
Máis polo miúdo, A Guarda recibirá 43.268,11 euros para a renovación de pavimentos en diversas rúas da vila; 48.396,88 euros para a iluminación ornamental do Centro Cultural, e 48.136,69 euros para o acondicionamento de beirarrúas para a mellora da accesibilidade na Rúa Galicia.
O Concello das Neves, aproveitando a chegada do bo tempo, vén de iniciar un plan de asfaltado nos viais municipais de cara a rematalos nos vindeiros meses. Nestes momentos están en marcha traballos en Calvario (Rubiós) e Casal (Taboexa) amais o Concello sinalou que xa están adxudicadas as obras do acceso a Setados, no barrio de Lamela e de Gende en Rubiós.
Tal e como adiantou o alcalde das Neves, Xosé Manuel Rodríguez Méndez, están en proceso de contratación as obras máis importantes, “tendo en conta o tráfico das estradas, o servizo que prestan e o mal estado no que se atopan”, dende Guimeráns, en San Pedro, ata Santa Eulalia de Batalláns e a pista dende a Igrexa de San Pedro ate o Pousadouro en San Xosé de Ribarteme.
O rexedor local salientou o feito de que está a piques de rematar a fase de adxudicación do plan de retirada de raíces “en máis dunha dúcia de puntos”, en moitas das parroquias e o Goberno local tramitou xa a subvención do ‘Plan Camiños’ da Xunta de Galicia, para renovar o asfaltado nos barrios da Chan e Filgueira.
Entre o 23 de marzo e o 14 de abril, A Guarda ofrece unhas máis que atractivas fins de semana gastronómicas coa Lamprea do Miño de protagonista. O Concello da Guarda, en colaboración cos establecementos hostaleiros da vila, organiza estas xornadas gastronómicas nas que participarán 10 bares e restaurantes co obxectivo de potenciar A Guarda como destino gastronómico da lamprea.
Durante estas xornadas, as veciñas e veciños da nosa vila e a súa contorna poderán degustar a lamprea na súa preparación máis tradicional, á bordalesa, a un prezo único por ración de 22 €. A lamprea enteira terá un prezo de 65 €. Dada a larga elaboración que precisa este manxar é preciso a reserva previamente nos restaurantes. Os establecementos adheridos a esta campaña son os restaurantes Area Grande, Arruaz, Brétema, Bar Casa Aquilino, Enxebre, La Pizzicata, Marbella, O Cangrexal, O Roxo e Xantar.
Esta nova iniciativa gastronómica transformouse o ano pasado da vontade conxunta de impulsar a gastronomía local e a súa riqueza, centrando os esforzos na exaltación dun dos manxares máis descoñecidos do noso río. Este ano aumentáronse as fins de semana para que todos os interesados podan degustar a lamprea na súa elaboración máis tradicional e como leva preparándose durante xeracións na Guarda.
A lamprea e os escolares Dentro desta mesma campaña, o alumnado de 6º de primaria dos centros de ensino da Guarda participarán na xornada didáctica «Coñecedes a lamprea?», unha iniciativa que leva organizando dous anos. Dada a boa acollida da proposta, os cativos e cativas repetirán a experiencia, na que poderán achegarse ás técnicas de pesca da lamprea no río Miño, agora en temporada.
Esta xornada componse de dúas partes: unha primeira actividade didáctica que se realizará na Casa dos Alonso, onde as nenas e nenos poderán coñecer máis polo miúdo a lamprea a partir dunha reportaxe audiovisual sobre a pesca desta na desembocadura do Miño. Contarán, ademais, co testemuño de pescadores, que explicarán a súa profesión aos cativos e cativas mediante os aparellos de pesca que empregan e, como non, as vivencias e anécdotas.
Deseguido, o alumnado poderá elaborar na aula uns debuxos coa temática «Desembocadura do Miño e a lamprea». Os traballos exporanse na Praza de Abastos dende o sábado 13 de abril.
Exaltación da lamprea A lamprea é un produto de temporada polo que estas xornadas organízanse para dar a coñecer a lamprea do Miño como un produto gastronómico de excelencia.
A temporada de pesca na desembocadura do Miño comeza en xaneiro e finaliza a mediados de abril e durante estes meses pódese observar a decenas de pescadores nas súas embarcacións como realizan este duro traballo largando a rede, coñecida como lampreeira, e izándoa mentres as correntes do río os desprazan.
Como peche a esta campaña está previsto a realización dun showcooking o sábado 13 de abril na Praza de Abastos. Esta actividade amosará como se elabora unha receita de lamprea.
Programación nas fines de semana É moi interesante percorrer os sendeiros das praias da desembocadura do río Miño contemplando a paisaxe e os pescadores de lamprea traballando durante a subida da marea. Nestas praias aínda se conservan coa marea baixa restos de varias pesqueiras (construcións en pedra) que debido a súa antigüidade descoñecese si tamén empregaban para capturan as lampreas ademais de peixes. Doutra banda, como complemento idóneo, as xornadas contarán cunha ampla programación cultural e deportiva.
Sábado 30 de marzo • Carreira de Orientación (precisa inscrición ata o 27 de marzo) • Concerto do Coro Gli Pasionatti no Centro Cultural
Sábado 6 de abril • Concerto e gravación do disco do grupo Na Revolta no Centro Cultural
Domingo 7 de abril • Concerto de Corda xuvenil–infantil KV2211 no Centro Cultural • Proba de Enduro precisa inscrición ata o 27 de marzo)
Sábado 13 de abril • Showcooking: Cociñar a lamprea do Miño • 21:00 h Serán das Festas de Buxán na Praza de Buxán
Domingo 14 de abril • 11.00h Bendición de ramos e palmas na Praza de San Benito
Concello de Nigrán e Aqualia, empresa xestora do Servizo Municipal de Auga de Nigrán, celebraron onte o Día Mundial da Auga cunha excursión dos alumnos de 5º e 6º de Primaria do CEIP Da Cruz de Camos, á ETAP (Estación de Tratamento de Auga Potable) de Nigrán, situada na parroquia de Priegue. Na visita, na que participou o alcalde, Juan González, a propia xefa de Servizo, Marián Lago, explicou aos nenos e nenas algunhas claves do funcionamento do servizo.
Lago, dunha maneira práctica, visual e ilustrativa, faloulles aos e ás escolares sobre importancia social e repercusión ambiental do sistema de abastecemento. Así, nenos e nenas puideron comprender de primeira man e paso a paso como chega a auga dende o embalse de Zamáns e o tratamento que recibe ata ser apta para o consumo. A ETAP de Nigrán pode depurar de xeito constante 200 litros/segundo.
“Dende o Concello de Nigrán estamos totalmente satisfeitos co traballo que desenvolve Aqualia no municipio, temos a máxima confianza nesta concesionaria e, precisamente, traballamos xuntos para que a rede de abastecemento chegue no menor espazo posible de tempo a tódalas áreas”, indica González, alcalde de Nigrán.
O Concello de Baiona, ‘Plan Concellos 2019’ vén de formalizar 13 novos contratos, a xornada completa (35 horas semanais), e cunha duración de 6 meses. Máis polo miúdo o Concello baionés contratou 1 condutor de camión, 4 operarios de limpeza viaria e recollida de lixo, 7 peóns de obra pública, e 1 técnico superior de turismo.
Os novos empregados e empregadas son persoas empadroadas no municipio de Baiona e que estaban inscritos nas listas do INEM como demandantes de emprego. Ademais, tivéronse en conta unha serie de requisitos á hora de facer a selección, de forma que tiveron preferencia as mulleres vítimas de violencia de xénero, os maiores de 45 anos e valoráronse tamén as cargas familiares dos solicitantes.
Cómpre salientar que despois de varios anos as mulleres volven a estar presentes no departamento de Vías e Obras, sen dúbida unha moi boa noticia xa que é un sector estereotipado no que a maioría dos traballadores son homes. Ángel Rodal, alcalde de Baiona, considera unha “moi boa noticia” que 13 veciños e veciñas de Baiona “poidan beneficiarse deste tipo de contratos, xa que lles garante uns ingresos. Ademais, co seu traballo axudarán a manter e a mellorar diversos servizos municipais que son moi necesarios.”
Estas incorporacións xa se fixeron efectivas, quedando pendentes 8 contratacións máis dentro do mesmo ‘Plan Concellos’ que está previsto que se realicen nos próximos meses e que, sumadas ás anteriores, farán un total de 21 novos empregos.
El nombre de Keith Flint,
no le sonará a mucha gente, pero si decimos “The Prodigy”,
seguro que a muchos más les sonará ya que estamos hablando de una
de las bandas electrónicas más importantes de los últimos años.
Fundada en 1990 en Essex,
Inglaterra, han vendido más de 25 millone sde disocs, ganado
diversos premios musicales y durante los años ’90 y comienzos del
2000 fueron una de las referencias musicales dentro de la música
electrónica, incluso se puede considerar que son pioneros dentro del
estiglo “Big Beat” (género de música basado en una
técnica de creación musical que se compone en esencia de una
secuencia de break de un base rítmica formada por golpes de batería
en forma de compás que termina con un big beat de batería final,
mucho más contundete que el resto de la secuencia.
Keith Flint fue primero
bailarín y despuésta cantante de la banda, tuvo problemas con las
drogas y adicción a ciertos medicamentos, estos procó que incluso
no llegará a participar en algunas de las canciones de los últimos
trabajos de la banda.
El pasado cuatro de marzo
fue encontrado muerto en su casa, según se ha confirmado, fue un
suicidido, al parecer, no logró superar la rotura con su esposa, la
DJ japonesa Mayumi Kai, la mujer que lo había logrado salir de su
adicción por la drogas.
Sin lugar a dudas, estamos
ante uno de los grupos más importantes de la electrónica de los
últimos años, y ante una pérdida muy importante para la formación,
pero probablemente, siguen publicando trabajos, ya que come
indicábamos, ya no estaba participando en todos los temas de las
bandas, por lo que seguiremos disfrutando de la música de éste
proyecto, aunque sus actuaciones en directo, con el particular en
inconfundible estilo de Keith Flint, no serán iguales.
O Centro de Información á Muller (CIM) da Guarda organiza no mes de abril dous obradoiros sobre sexualidade adicado especialmente a adultos e ao alumnado dos centros educativos da vila.
«Como lle falo diso?» O Obradoiro «Como lle falo diso?» é un obradoiro pensado para público adulto que terá lugar o vindeiro mércores día 3 de abril na Casa dos Alonsos en horario de 16:30 h a 18:30 h para profesionais (docentes, educadores/as, traballadores/as sociais, etc.) e en horario de 19:00 h a 20:30 h para familias.
Neste obradoiro se pretende facilitar a toma de conciencia de familias e profesionais de que é imposible non educar e que o silencio tamén educa, de que a educación sexual comeza dende a infancia e ten que ver con aspectos tan importantes como a autoestima, os afectos, o autocoñecemento, a comunicación, as relacións e os vínculos que establecemos cos demais, os roles, o xénero, a diversidade sexual, o pracer ou o consentimento. Farase unha exposición dos contidos clara e amena, con material audiovisual, favorecendo a participación, a reflexión e a formulación de dúbidas por parte do público participante.
Contarase coa presenza de Martina González Veiga, Sexóloga, Psicóloga Xral. Sanitaria especializada en Intervención e Acompañamento Psicolóxico en Diversidade Sexual e de Xénero
«De bo rollo» O Obradoiro «De bo rollo» é un obradoiro que vai dirixido ao alumnado dos centro educativos da Guarda cunha programación de horarios adaptada especialmente a cada centro.
Neste traballarase co alumnado nun aspecto xeral sobre sexualidade, diversidade e xestión saudable das relacións, tendo como eixes transversais o autocoñecemento, a xestión das emocións, o bo trato e a autoestima, traballando a comunicación asertiva a posta de límites e a negociación para garantir as relación desexadas libres de coacción e violencias. Realizarase unha exposición dos contidos clara e amena, acompañada material audiovisual.
Estes obradoiros están organizados dende o Centro de Información á Muller da Guarda, co apoio da Unión Europea, o Goberno de España, a Secretaría Xeral de Igualdade da Xunta de Galicia e o Concello da Guarda.
El día que mi sobrino Manuel comió este pastel de carne llegó a su casa y se lo contó emocionado a su madre: “¡Mamá, Paz hizo la comida más rica que comí en mi vida!” Puede que Manuel exagerase un poquito, y seguramente ha comido muchas cosas tan ricas como esta (o no…) pero es cierto que este pastel triunfa entre los niños, y sino que se lo pregunten también a Martín, amigo de mi hijo, que un día le dijo a su madre que me llamase para pedirme la receta de “ese pastel de carne tan riquísimo que lleva Álvaro al colegio”.
Así que, no quiero privaros de “la comida más rica del mundo” y, para quienes aún no tenéis la receta, ahí va:
INGREDIENTES(como decimos siempre, si hay una persona celíaca, debemos asegurarnos de que todos sean aptos para celíacos) • Carne picada (750 g ternera y 250 g cerdo) • 2–3 Zanahorias • 1 calabacín pequeño • 1 cebolla • 1–2 dientes de ajo • Coñac • Salsa de tomate • Queso en lonchas (opcional) • Queso para gratinar • Puré de patata (lo confieso, utilizo el de bolsa)
Trituramos las verduras (el calabacín y las zanahorias trituradlos bien, para que no se noten, porque a muchos niños no les gusta encontrar los trozos) y hacemos un sofrito con ellas.
Añadimos la carne salpimentada, dejamos que se haga un poco y añadimos un chorro de coñac. Dejamos que se evapore y que se vaya guisando la carne con las verduras. Cuando está hecha añadimos la salsa de tomate (unas 4 cucharadas) y cocinamos unos minutos más para que todo coja sabor.
Hacemos el puré de patata (de bolsa o natural –mucho mejor este, claro–).
En una fuente que pueda ir al horno ponemos extendemos la carne, sobre ella podemos colocar unas lonchas de queso, y sobre esto el puré bien extendido.
Podemos añadir queso rallado (rallamos unas lonchas o utilizamos mozarela) y ponemos a gratinar hasta que esté dorado el puré o el queso rallado… ¡Y ya está!
Como veis es muy fácil de hacer; las cantidades de las verduras las adaptáis un poco a vuestro gusto. Además, se puede congelar la carne y tenerla preparada para el día que se necesite; se descongela, se hace el puré y listo.
Espero que disfrutéis de esta receta y que vuestros peques os hagan sentir “Una cocinera o cocinero mundial”, como diría Manuel, a quien, por supuesto, va dedicada esta receta.
Este sábado 23 de marzo Sandra González presentará en acto público no Auditorio de Goián, ás 20:30 horas, a súa concorrencia como candidata á alcaldía de Tomiño para as vindeiras eleccións locais de maio. Ana Pontón, portavoz nacional do BNG, e Miguel Anxo Fernández Lores, actual alcalde de Pontevedra e candidato á alcaldía da cidade, arrouparán á candidata neste acto público.
Este acto supón o arranque da precampaña e seguiranlle, sinalan dende a organización nacionalista, reunións coas veciñas e veciños, asociacións, comunidades e axentes sociais co fin de presentar o proxecto e recoller as inquedanzas e preocupacións da poboación.
O BNG salienta que o proxecto de futuro para Tomiño que lidera Sandra González “vén de acadar nos últimos 10 anos grandes cambios e melloras dos que moitas veciñas e veciños de Tomiño fanse eco”. Tamén fóra de Tomiño é ben coñecido o desenvolvemento acadado “gracias á xestión do goberno que Sandra González liderou nos últimos anos”, aseguran os nacionalistas que engaden a necesidade de “consolidar este proxecto de futuro” que na actualidade conta con moitas iniciativas xa en curso e, poñe como exemplo, a Avenida de Tomiño, a peonalización das rúas da contorna do Seixo, a remodelación da praza de Goián e o plan integral de melloras no núcleo de Goián, entre outros moitos.
“A ilusión que infunde o que está por vir é a arma coa que Sandra González se enfronta ás eleccións deste ano, nas que espera renovar a confianza de veciños e veciñas de Tomiño para, todos e todas xuntos, seguir traballando por un Tomiño do que sentirse orgullosos e orgullosas”, conclúe o BNG.
Salceda de Caselas será esta fin de semana, un ano máis, a capital induscutible da camelia de Galicia coa celebración, os días 23 e 24 de marzo, da XI Xornada da Camelia que foi presentada, na mañá de hoxe, na Casa da Cultura Castelao. 75 expositores e expositoras chegados de todos os puntos de Galicia, Portugal e Asturias, amosarán para goce dos visitantes máis de 500 variedades desta flor nunha exposición que se estenderá ao longo de máis de 160 metros cadrados.
A concelleira de Turismo, Loli Castiñeira, foi a encargada de abrir o encontro cos medios de comunicación acompañada polo alcalde, Marcos Besada; Manuel Nieto, responsable de Ekohuerta que organizará a Feira Agrosostible da xornada do domingo; Dori Silva, presidenta da Asociación de Mulleres Rurais e Rosa Estévez, representando a bolsa de voluntariado de Salceda.
Loli Castiñeira, na súa intervención, tiña palabras de recoñecemento para a concelleira de Cultura, Tere Pérez, de quen dependían as primeiras edición desta xornada ao sinalar que, as Xornadas da Camelia pasaron á Concellería de Turismo “non tivemos máis que contiuar o camiño ben feito iniciaro por Tere para converter a xornada da Camelia en algo realmente Turístico”. Nese sentido, Castiñeira puntualizaba que Salceda conta “con moitos alicientes turísticos e dende hai anos podemos dicir que a Camelia é outro deles”.
Logo de lembrar a importancia das xornadas do pasado ano, en que celebraban o seu décimo aniversario “coa colaboración incluída da embaixada do Xapón”, Loli Castiñeira asegurou que nesta edición do 2019 “non baixamos para nada o nivel” e ao aliciente que supón a participación de 75 expositores e expositoras que se darán cita nunha mostra de máis de 160 metros cadrados, a Xornada da Camelia terá “atractivos engadidos” como é a participación da Estación Fitopatolóxica do Areeiro que, adiantou a concelleira de Turismo, “amosaranos diveros usos da camelia, como pode ser a través do té, da madeira ou mesmo o aceite”, tamén salientou Loli Castiñeira a colaboración especial, “por primeiro ano, de AFAGA, cunha exposición de manualidades coa camelia como protagonista e a participación dos nosos colexios, dos nenos e nenas do CEP Altamira que, un ano máis queren gozar da camelia”.
Remataba a concelleira de Turismo salientando a colaboración das asociacións de mulleres do rural, asociacións de xubilados e pensionistas de Salceda “fundamental na organización e desenvolvemento dunha mostra que se ten convertido xa na de maior dimensión de toda Galicia”.
Antonio Rivero, presidente da Asociación de Xubilados/as e Pensionistas e coorganizador da mostra –podería dicirse que alma mater da mesma– mencionou as máis de 500 variedades de flor que se poderán ver esta fin de semana, destacando ademais os produtos derivados da camelia que se poderán tamén coñecer na mostra, tales como marmelada, te, madeira ou aceite, que estarán presentes grazas á Estación Fitopatolóxica do Areeiro, “que realiza unha labor fundamental no estudio e difusión das diferentes posibilidades que ofrece esta flor”, asegurou.
O domingo celebrarase ademais unha nova edición da feira de agricultura ecolóxica e mercado sostible, da man de Ekohuerta, con produtos reciclados e de segunda man, cosmética natural, oficios tradicionais, etc. En palabras de Manuel Nieto, responsable de Ekohuerta, a feira contará con 50 participantes chegados dende toda a xeografía galega, destacando a presenza de artesanía e repostería provinte de Marrocos.
A fin de semana complétase con diversos actos de programación cultural complementaria, como o concerto, sempre atractivo, das Donicelas o sábado ás 16:30 h ou o das Maimiña o domingo ás 17:00 horas, os dous no Auditorio Municipal.
Pechaba a quenda de intervencións o alcalde de Salceda, Marcos Besada, que lembraba “as máis de 2.000 persoas que visitaron a mostra na pasada edición”, e que este ano aspiran a superar. Besada quixo ter un especial agradecemento “ao traballo de tódalas persoas e colectivos que fan posible a mostra: asociacións, voluntariado, colexios, etc.” e aproveitou o rexedor local para convidar a visitar Salceda durante esta fin de semana “non só ás persoas amantes da camelia, senón tamén ás que se acheguen a desfrutar da ampla programación preparada para toda a fin de semana”.
A Guarda ven de publicar a Oferta de Emprego Pública 2019 na que se inclúen 3 Policías Locais e un oficial de Policía local, 4 novos efectivos que formarán parte dos efectivos fixos deste corpo de seguridade para suplir as baixas e reforzar o cadro de persoal existente. Do mesmo, segun anunciou o Concello, teñense solicitado e aprobado na AGASP (Academia Galega da Seguridade Pública) 6 auxiliares de Policía Local que se incorporarán ao longo do ano como reforzo, coincidindo en activo a totalidade dos mesmos durante os meses de xullo e agosto.
Dende primeiros do mes de marzo xa se incorporaron os dous primeiros auxiliares e esta mesma semana se incorporan dous mais, que prestarán servizo nos vindeiros 6 meses. Na actualidade a Policía Local da Guarda conta cun cadro de persoal de 5 axentes fixos, que se verá incrementado ata 9, cun reforzo de 6 auxiliares.
O deputado do BNG no Parlamento Galego, Luís Bará, mantivo un encontro coa comunidade escolar de San Mateo de Oliveira para trasladarlles a proposta que os nacionalistas defenderon hoxe xoves no Parlamento para manter aberta a aula no vindeiro curso 2019/2020 e que sexan aceptadas as solicitudes de escolarización das familias.
O Deputado, acompañado do alcalde Xosé Represas e a concelleira de Ensino, Cristina Fernández, indicou que “existen múltiples razóns para apostar pola escolarización no rural, e neste caso hai demanda para manter a escola aberta, xa que cando menos as familias de oito nenas e nenos solicitan a escolarización nesta aula para o vindeiro curso”.
“Ante a súa incomprensión, dámoslle unha nova oportunidade ao PP para que se posicione e diga se está a favor ou non das escolas rurais e da reapertura desta aula”, indicou Luís Bará, que sinalou que con esta iniciativa “saberemos se o Partido Popular di o mesmo en Ponteareas que na Xunta de Galiza ou se di unha cousa aquí para quedar ben e o contrario cando hai que tomar decisións na Xunta e no Parlamento Galego”
Así mesmo, Bará trasladou os parabéns do BNG aos pais e nais, “por estar levando a cabo unha loita exemplar en defensa da escolarización das nenas e nenos na súa propia parroquia, na escola de sempre, nun entorno ideal de calidade e proximidade para a educación e formación dos nenos e nenas”.
A Deputación de Pontevedra aprobará este próximo venres, en Xunta de Goberno, dous novos investimentos por un valor de 164.707,44 euros para Tui con cargo á liña 1 do Plan Concellos 2019. En concreto, son 94.759,04 euros para a reforma da rede de saneamento e melloras na drenaxe e ventilación da cámara na planta baixa dun edificio de vivendas en Caldelas, e outros 69.948,40 euros para financiar o acondicionamento do parque de Areas.
Máis polo miúdo, no edificio de vivendas de Caldelas proponse a execución dunha nova rede de saneamento comunitaria, tanto horizontal como vertical; a instalación dunha nova rede de pluviais; e a mellora de drenaxe e ventilación do espazo baixo forxado. Estas obras son precisas para emendar os danos producidos no edificio, relativos a humidades, atascos no sistema de saneamento e outras patoloxías.
Por outra banda tamén se van a realizar actuacións de mellora para a adecuación e acondicionamento do parque de Areas. Máis polo miúdo, o que se pretende é crear un lugar de sombra e estancia, mediante a disposición dunha gran xardineira delimitada por un banco corrido de pedra ao longo do muro de peche da parcela, con distintas orientacións, creando un espazo irregular.
O venres 22 de marzo, ás 20:30 h, o escritor porriñés Diego Giráldez presentará a súa novela ‘Hotel para coleccionistas discretos’ no Círculo Recreativo Cultural do Porriño. No evento, aberto ao público, participarán xunto ao autor a presidenta do Círculo, María José Giráldez; a escritora Inma López Silva e o director xeral de Galaxia, Francisco Castro. Giráldez contará tamén coa participación do pianista Alejo Amoedo, que adaptou a piano para a ocasión un tema do músico arxentino Astor Piazzola, que aparece mencionado na novela.
Diego Giraldez salientou que “presentar no Porriño e compartir o lanzamento do libro con xente á que aprezas dá unha sensación poderosa de satisfacción” e agardaba atoparse, mañá venres, “con toda esa xente que sempre me demostrou respecto e agarimo. Presentar no Porriño trae sorte”, comenta.
‘Hotel para coleccionistas discretos’ é unha novela curta con múltiples lecturas e chea de personaxes na que, a través da vida da empresaria Amalia Valverde, se destripa, retorcendo a realidade, a forma de actuar dun grupo de poder bastante particular. A novela xa se pode atopar nas librerías do Porriño e de toda Galicia.
A portavoz e candidata do PP á Alcaldía de Ponteareas, Belén Villar, anunciou esta mañá un dos proxectos máis importantes que levará no seu programa electoral: a construción dunha zona lúdica con piscinas pioneira na provincia de Pontevedra. Villar asegurou que “Ponteareas está triste e nós queremos devolverlle a ilusión. Con esta e outras iniciativas, os ponteareáns van sentirse moi orgullosos de vivir neste municipio”.
“Desde o Partido Popular cremos que xa é o momento de empezar a dar a coñecer algúns dos nosos proxectos para Ponteareas” afirmou a candidata popular quen asegurou que “se gobernamos, queremos facelo para todos, sen distincións, e no noso programa levamos proxectos moi ambiciosos, moitos deles extraídos dunha enquisa que realizamos entre os cidadáns, que converterán ao noso municipio nun referente na provincia en distintos ámbitos”, afirma Villar.
A proposta presentada, esta mañá, é unha zona lúdica con dúas piscinas. Estarán diferenciadas por grupos de idade: unha piscina familiar con elementos acuáticos para nenos e adolescentes, que ademais é inclusiva. Contará con cataratas, chorros, tobogáns e unha zona de splashpad, entre outros elementos. Poderá ser utilizada por nenos, novos e maiores e será de baixa profundidade. A segunda piscina está pensada como zona de relax e nela haberá hamacas.
Por outra banda, está prevista a construción dun parking de 5.000 metros cadrados. Tamén haberá unha zona de vestiarios e oficinas, que ocupará 240 metros cadrados.
En canto á localización, Belén Villar explicou que “valoramos varios sitios posibles, próximos ao centro urbano, pero imos someter a votación cidadá nas redes sociais”.
A candidata do PP asegurou que “é un proxecto co que Ponteareas pode empezar a recuperar a ilusión, co que os cidadáns van estar moi satisfeitos porque seremos pioneiros na provincia de Pontevedra e co que atraeremos a visitantes doutras partes de Galicia, pero tamén de Portugal”.
A psicoterapeuta e psicóloga vasca, Ianire Estébanez, compartirá a mañá deste xoves 21 de marzo co alumnado de varios cursos do IES Antón Alonso Ríos de Tomiño. Estébanez está especializada en prevención de violencia na adolescencia, agresións sexuais, relacións e uso das redes sociais pola xente nova.
Na súa charla, Ianire Estébanez presentará aos estudantes os relatorios os relatorios ‘Conectamos ben?’, sobre o ciberacoso nas redes sociais, a súa prevención e a resposta colectiva de apoio, e ‘Enredámonos?’, sobre as redes sociais, as problemáticas que se poden xerar nas relacións de parella, o cibercontrol, a prevención de relacións tóxicas e o empoderamiento.
Esta actividade, e outras ogranizadas pola Oficina Municipal de Igualdade, o pasado mes de outubro, tiveron que suspenderse por razóns de saúde da psicóloga, que volta agora a Tomiño para impartir esta charla cos estudantes de secundaria.
O Concello de Nigrán vén de encargar un proxecto de reforma para as antigas casas dos mestres, situadas ao carón da Casa Consistorial, para reconvertelas nun local a disposición da terceira idade. A decisión foi tomada polo Goberno local despois de que un grupo de mulleres do municipio presentase 1.600 firmas demandando máis servizos destinados aos maiores.
“Inicialmente estaba proxectado un arquivo para o Val Miñor pero coa construción da nova biblioteca xa se pode garantir ese espazo, polo que é prioritario atender á demanda destas veciñas creando un local para os maiores onde se poidan reunir e socializar; elas pedían que fose un sitio céntrico e este cumpre perfectamente”, explica o alcalde de Nigrán, Juan González.
Baixo este propósito, o arquitecto nigranés Severo Fernández traballa xa nunha reforma que responda as súas necesidades e que abranga tamén ao perímetro das casas. “É o momento de que se humanice a contorna dándolle prioridade ao peón e creando un espazo máis amigable, estamos ao carón dun centro educativo e da casa consistorial, polo que ten que ser un punto neurálxico no que a veciñanza se senta a gusto e segura”, incide o rexedor.
Por outra banda, dende o Concello pídese unha vez máis celeridade a Tesorería General de la Seguridad Social para que aprobe a cesión do antigo centro de saúde de Panxón co obxectivo de adaptalo a un centro municipal para maiores. “Os nosos servizos xurídicos están en contacto coa Tesorería e é un obxectivo prioritario para o goberno local, pero mentras non se realice a cesión non podemos facer nada porque non é titularidade do Concello”, insiste González.
Nesta xuntanza, estivo tamén presente o máximo responsable da Garda Civil na provincia, o tenente coronel, Manuel Touceda e o capitán da compañía da zona Sur da provincia. No encontro e ante os datos dos últimos roubos decidiuse ampliar o operativo de seguridade na vila no que participará a Garda Civil e a propia Policía Local dentro das súas posibilidades.
A subdelegada considerou que en materia de seguridade cidadán sempre existen “picos” de incrementos, pero a realidade é que A Guarda é unha localidade segura xa que o ano pasado os corpos e forzas de seguridade do Estado acadaron un descenso do 20 por cento nas infraccións penais.
A realidade é que nos últimos días producíronse uns roubos que teñen intranquila á poboación polo que vaise a intensificar a vixiancia. Maica Larriba tamén aproveitou para solicitar a colaboración cidadán para que alerten ante a posibilidade de sospeitosos e que tamén denuncien sen medo.
A Deputación de Pontevedra aprobou, mediante resolucións presidenciais, catro novos investimentos para o concello de Gondomar ao abeiro da Liña 1 do Plan Concellos 2019 por un total de 169.783,73 euros.
Máis polo miúdo, destinaranse 30.375,30 euros ao acondicionamento do camiño Barrio Cristillón (Mañufe); 41.428,69 euros para financiar o proxecto de acondicionamento do camiño barrio Brandulfe (Vincios); outros 48.351,89 euros para as obras de pavimentación do camiño público dende estrada Levadas a Cruz (Mañufe); e , por último, 49.627,85 euros para financiar o proxecto de acondicionamento da pista deportiva exterior na Avenida do Campo da Feira.
O alcalde de Baiona e responsable de Turismo, Ángel Rodal, fixo entrega no Salón de Plenos do Concello de Baiona dos distintivos de calidade ás 29 empresas e servizos que superaron o comité de decembro pasado. Rodal agradeceu aos establecementos turísticos, o seu compromiso coa calidade e a súa continuidade nun proxecto que se perpetúa no tempo.
O rexedor local manifestou que sendo Baiona o primeiro municipio en acadar a «Excelencia Turística Galega», sentíase orgulloso de que Baiona fora “un dos poucos destinos galegos que xestionen este importante selo de calidade”.
Na actualidade hai 42 empresas de Baiona –representativas de 14 sectores– adheridas ao Sicted, das que 40 están distinguidas e dúas en fase de implantación.
Baiona viuse recompensada en dúas ocasións, recibindo o terceiro premio como ‘Mellor Destino Sicted’ –entre máis de 200 destinos participantes de toda España– nos anos 2014 e 2016
As empresas e servizos tanto distinguidos coma en fase de implantación de Baiona son a estación de Servizo Monte Real; Hotel Anunciada; Monte Real Club de Iates; Oficina de Turismo de , Baiona; Óptica Baiona; Parador de Turismo ‘Conde de Gondomar’; Policía Local de Baiona, Hotel Tres Carabelas, Casa Rural San Lourenzo, Apartamentos Ababides, Casa do Marqués, Estelas, Hotel Arce, Hotel Rompeolas, Jamonería Jaqueyvi, Joyería Tula, La Crep, La Pedalería, Le Sept, Luna Baiona, Mirador Ría de Bayona, Peluquería Belmer, Recuncho Mariñeiro, Restaurante Pedro Madruga, Praia Ladeira, Praia Ribeira, Praia Barbeira, Praia de Sta. Marta, Praia de Frades, Praia Concheira, Bibendum, Mesón Fonte de Zeta, Mesón Xamonaría Fidalgo, Viajes Val Miñor, Benestar Baiona, Restaurante el Túnel, Queimada Gastrobar, La Llave, Casa de la Navegación, Momo Baiona Gastrobar, D´Sastre (fase implantación); Bayona Playa (fase implantación)
A presidenta da Deputación, Carmela Silva, deu a coñecer esta mañá a chegada a Valencia da exposición «Galaicos: un pobo entre dous mundos» que poderá visitarse no Museo da Prehistoria entre o 27 de marzo e o 1 de setembro. A mostra da institución pontevedresa prosegue, deste xeito, o seu percorrido polo territorio estatal tras pasar polo Museo Arqueolóxico Nacional de Madrid, onde foi visitada por 18.000 persoas.
«Galaicos: un pobo entre dous mundos» pretende amosar o nexo de unión e de confluencia cultural entre dous mundos: o Atlantico e o Mediterráneo. Deste xeito, tal e como informou a presidenta provincial, “a mostra, de marcado carácter didáctico e explicativo, combina obxectos orixinais, réplicas, imaxes, ilustracións, textos e recursos audiovisuais que permitirán dar a coñecer o rico patrimonio arqueolóxico e cultural da nosa comunidade”.
Como principal novidade, con respecto ás pezas xa amosadas en Madrid, ata Valencia viaxarán catro pezas novas que dan boa mostra da “nosa cultura milenaria”, segundo detallou Silva. Así, exhibirase unha hacha de talón e punta de jabalina, de bronce e pertencente ao xacemento da Cabeciña de Oia para explicar a transición do Bronce Final á Idade de Ferro; a Arracada de Vilar de Santos, que pretende amosar as influencias do mundo mediterráneo en Galicia; a Tabula Lougeiorum, de comezos do século I, que introduce a chegada de Roma e simboliza os pactos de hospitalidade entre galaicos e romanos; e a ánfora de San Mariño de Bueu.
A presidenta da Deputación tamén informou doutra novidade da exposición «Galaicos: un pobo entre dous mundos», que contará en Valencia con materiais de divulgación en italiano, debido ao numeroso público de Italia que visita a comunidade interesado pola civilización fenicia. “Interésanos que as italianas e italianos poidan coñecer esta exposición como unha vía para atraelas e atraelos ás Rías Baixas”, indicou a presidenta. Silva aproveitou a ocasión do anuncio da apertura da mostra «Galaicos: un pobo entre dous mundos» en Valencia, para agradecer a colaboración do Museo da Preshistoria e do presidente da Deputación valenciana “que se están implicando dun xeito moi especial con nós para a materialización da mostra”.
«Galaicos: un pobo entre dous mundos» xurdiu como resultado do programa integral que está a desenvolver a Deputación de Pontevedra para poñer en valor os xacementos galaico-romanos da provincia mediante unha estratexia de promoción turística. Así, a través deste proxecto preténdese comprender a dinámica socioeconómica da provincia de Pontevedra na antigüidade, ampliar a oferta turística cultural que tamén é un dos obxectivos do Plan Estratéxico de Turismo, e recuperar os espazos patrimoniais.
Un ano máis, con motivo da celebración do día da árbore, a Concellería de Medio Ambiente do Concello de Salvaterra de Miño, que dirixe Marta Valcárcel, organiza varias actividades involucrando aos Centros Educativos do Municipio de cara a concienciar, aos nenos e nenas, na necesidade de coidar e protexer o medio natural.
A celebración deste día sirve como recordatorio da importancia de protexer as superficies arboradas, así o Concello lémbralles aos alumnos e alumnas que “as árbores, entre outros moitos beneficios, transforman o dióxido de carbono, responsable do efecto invernadoiro, en biomasa, minimizan os riscos de inundacións, evitan a erosión…”
Este día internacional naceu como unha recomendación do Congreso Forestal Mundial aceptada pola Organización de Nacións Unidas para a Agricultura e a Alimentación (FAO) no 1971, e o día elixido para a celebración no noso país foi o 21 de marzo, co fin de poñer en valor e recordar a gran importancia de protexer un ben tan preciado e tan necesario para a nosa subsistencia, tomando conciencia do papel que teñen os recursos forestais e o coidado que se lle debe brindar ás árbores, iso lévanos a necesidade de introducir aos nenos e nenas o antes posible, no coñecemento e a práctica dunha tarefa a longo prazo como é o aprendizaxe no coidado e conservación da natureza.
Sabedores da gran importancia que teñen estas iniciativas o Concello de Salvaterra de Miño plantará diversas árbores nos seus Centros Educativos para conmemorar o Día Internacional da Árbore facendo partícipes aos máis cativos. Así plantaranse diversas froiteiras e carballos no CEIP Infante Felipe de Borbón, no CEP Carlos Casares de Alxén e no CEIP de Leirado, os nenos e nenas do CRA A Lagoa farán a plantación no Parque Público A Canuda, “ese Xardín sobre o Miño que é o pulmón verde da comarca” sinala a Concellería de Medio Ambiente. Ademais nenos e nenas poderán gozar do espectáculo infantil ‘Planta e replanta’, buscando a concienciación dos máis cativos no coidado e respecto hacia o medio ambiente. O día 21 realizara a actividade o CEP Carlos Carares, o 22 no CEIP de Leirado e en abril o CRA A Lagoa e o CEIP Infante Felipe
Desta maneira o Concello de Salvaterra quere poñer en valor “a gran importancia da natureza e do medio ambiente realzando a gran labor que realizan as árbores, a través dos nenos e nenas do municipio. Temos que recordar que Salvaterra é un dos Concellos que ten mais metros cadrados de zonas verdes ten por habitante, paseos polos seus ríos, ademais de ter máis de 1.000 árbores plantadas na Vila”.
O BNG de Redondela xa conta con candidatura para as próximas eleicións municipais do 26 de maio, candidatura que será presentada á veciñanza nun acto aberto que terá lugar o xoves 21 de marzo, ás 20 horas, no multiúsos da Xunqueira e no que participará a voceira nacional do BNG, Ana Póntón; Maria Xosé García, Cecilia Pérez, Jessica García, e Xoán Carlos González.
A lista que presentao o BNG á cita electoral de maio está formada, segundo sinala o candidato á alcaldía, Xoán Carlos González, por “un grupo de mulleres e homes, que centrarán todos os seus esforzos en mellorar as condicións de vida dos e das redondeláns”.
Destaca González, que 13 mulleres, forman parte do total de 24, que contando suplentes, conforman a lista. Afirma que o primeiro treito, constitúeo un grupo que xa levan traballando en labores de apoio ao grupo municipal dende hai varios meses. Destaca o papel desenvolvido por Jessica Garcia, Anxo Lusquiños e Pilar Sotelino, números 2,3,5 respectivamente.
Como independentes figuran na candidatura a veciña de Chapela Gabriela Álvarez no posto 4, Teresa Muíños no 6, Maria Xesús Couñago no 10, dinamizadora cultural. Xoán Carlos González destacou que moitos dos integrantes “veñen participando de diversas asociacións, e entidades culturais, e mesmo do sindicalismo nacionalista, como nos caso de David Couñago, Ana Santomé e Maria Xosé García”. Doutra banda, o grupo de ‘xente moza’ o forman Jessica García, Brais Ferreiro e Iria Custodio.
Roberto Cabaleiro de Trasmañó, Lucía Martínez e Ramón Iglesias de Redondela, Elena Álvarez e Daniel López do Viso, e Roi Grande xunto a Manuel Campos de Chapela, constitúen o grupo de militantes do BNG, que forman parte da Candidatura. Finalmente as exconcelleiras Rosa Costas, Mari Ánxeles Babarro, e a histórica militante, tamén candidata ao Senado Cecilia Pérez, completarían a lista do BNG de Redondela.
“Presentámonos ante a veciñanza, como a verdadeira oposición a Javier Bas. Unha oposición que defende os intereses dos e das redondeláns por riba de todo. Que considera que Redondela, está ferida por mor das políticas lesivas do goberno do PP que, –lembra o candidato nacionalista– goberna en minoría”.
Xoán Carlos Gonzalez asegurou sentirse “enormemente satisfeito” na conformación da candidatura, “polo respaldo e apoio que nos prestaron moitas persoas coa súa presenza”. “Presentámonos para abandeirar un goberno alternativo a Javier Bas e ao PP”, afirma Xoán Carlos González. “O rigor, compromiso, responsabilidade e lealdade aos veciños e veciñas, caracterizan aos intergrantes da lista do BNG”, afirma.
O Concello de Ponteareas vén de poñer en coñecemento de todos os interesados e interesadas que o vindeiro venres, 22 de marzo, remata o prazo para presentar na oficiña de emprego a documentación de acceso aos 43 postos de traballo que se ofertan dentro do ‘Plan Concellos’ no que, concello e Deputación de Pontevedra, destinan máis de 600.000 euros á contratación de persoas desempregadas.
Os e as interesads deberán trasladar á oficina de emprego local o códido CNA do posto de traballo ao que queren optar. Os contratos serán a xornada completa e cunha duración de entre 7,5 e 10 meses segundo as necesidades dos servizos e os salarios que recibirán os contratados serán iguais aos dos traballadores do Concello.
A través dun proceso de transparencia e igualdade de oportunidades, o INEM realizará unha preselección que facilitará ao concello para que o tribunal formado por empregados públicos realice a entrevista e proba práctica, se procede, ás persoas previamente seleccionadas polo INEM. Na vindeira semana o concello fará pública a data da entrevista e proba práctica. Toda a información relativa ao proceso de contratación está dispoñíbel na web do Concello na pestaña “oferta de emprego público” ou nesta ligazón, e fisicamente no taboleiro de anuncios da Casa do Concello.
Con estas contratacións reforzaranse numerosos servizos como medioambiente e rozados, oficina técnica, vías e obras, administración, educación infantil, limpeza, turismo, residencia de maiores, escola infantil e servizos sociais. Na selección terán preferencia as vítimas de violencia de xénero, persoas maiores de 45 anos, persoas con familiar monoparental con fillos a cargo, persoas con niveis de renda máis baixa e persoas con cargas familiares.
Este é o cuarto exercicio do Plan Concellos que, desde o 2016, permitíu contratar en Ponteareas a 150 persoas desempregadas, destinando para ese fin case 1,5 millóns de euros. O pasado ano por vez primeira o concello puido aportar 100.000 euros e neste ano 2019 a súa achega alcanza os 330.000 euros grazas ao saneamento da economía municipal, o que permite acadar a axuda máxima da Deputación e o máximo de contratos posibeis.
O alcalde de Ponteareas, Xosé Represas salientou que “nunca antes se realizara en Ponteareas un plan de emprego destas características que permite a contratación de persoas con especiais dificultades para o acceso a un emprego. Ao millón e medio de euros destinados a crear emprego con este plan hai que engadir o investimento feito nos obradoiros de emprego de carácter formativo ou nas axudas municipais directas á contratación de persoal no sector privado”.
Información sobre os códigos (C. N. O.) dos postos de traballo que o Concello solicitará á Oficina de Emprego nos vindeiros días para iniciar a selección de contratación:
O Concello de Redondela iniciará esta semana os traballos de colocación de trampas e implementará a segunda fase na loita contra a invasión da vespa Velutina, tamén coñecida como asiática. As medidas de seguridade centraránse en zonas públicas, onde hai maior confluencia de persoas como prazas públicas, colexios, parques infantís e praias. A primeira fase dos traballos desenvolveuse entre os meses de maio e decembro, nos que se levou a cabo a retirada de nidos de velutina en todas as parroquias.
Segundo o Concello, os traballos foron atendidos “por orde de prioridade”, sacando en maio os nidos de velutina máis próximos ás vivendas, ao lados dos colexios e parques infantís. Por último, e xa ben entrados nos meses de outono e inverno, os traballos continuaron as zonas de fincas, montes e regatos lonxe de vivendas.
En total, en 2018 retiráronse máis de 300 niños de velutinas, unha cifra á alza posto que desde que se contabiliza esta acción, en 2015, a cantidade non deixou de medrar. Nese ano tan só se retiraron 35 niños, pero xa en 2016 a cifra foi incrementando até os 100 e no 2017 a cifra foi de 200 niños.
Neste senso, o alcalde de Redondela, Javier Bas, quixo destacar a importancia das “medidas de control” que leva a cabo o Concello cada ano, recordando tamén que “o medioambiente é unha tarefa de todos”. O goberno local fixo un chamamento “á colaboración de todos os veciños” para que se poñan en marcha medidas de prevención contra esta especie invasora, especialmente se contan con prantas ou árbores de orixen asiático no seus xardíns, tipo camelia ou palmeiras.
Cabe recordar que en cada niño de velutina poden convivir entre unhas 3.000 e 5.000 vespas da que sairán, aproximadamente, unhas 200 avispas raíñas, que serán as que colonicen novos niños na seguinte tempada.
Pola súa banda, o edil de medioambiente, Miguel Ángel Álvarez, destacou que algúns dos niños que aínda son visibles a día de hoxe “non se retiraron por considerarse inactivos” e que os expertos indican que “o recomendable nestes casos é esperar a que caian” xa que no caso de manipularse, poderíase ocasionar o efecto contrario.
O telón do Teatro Principal será exposto, no mes de abril, durante as festas de San Telmo logo de realizar unha limpeza e análise do mesmo. A pasada semana levouse a cabo o exame organoléptico para avaliar o estado de conservación da cortina de boca do Teatro Principal. Segundo a especialista en conservación, a peza a pesar do seu manifesto deterioro, presentaba a nivel de soporte a suficiente resistencia para ser exhibido.
O telón foi pintado polo artista tudense Benigno Lorenzo con motivo da celebración dos Xogos Florais de Galicia de 1891. Nel represéntase un pórtico aberto cara un xardín e unha paisaxe arborada no horizonte enmarcados por unha espléndida cortinaxe vermella e elementos arquitectónicos. Simbolicamente, aparecen representados unha palmeira coroada por unha lira, en alusión ao renacemento literario de Galicia. A criterio do catedrático de Historia da Arte Jesús Ángel Sánchez García, trátase do mellor exemplo de pintura escenográfica que actualmente se conserva en Galicia. A peza, orixinalmente completábase na parte superior cunha gardamalleta orixinal de 1844 onde aparecía representado o escudo municipal, que perdeuse tralo colapso da teitume do inmoble.
O soporte está realizado en tecido de algodón, conformando un total de seis faixas verticais cosidas entre si. Sobre o mesmo presenta unha capa de preparación vermella composta a base de cola natural con carga terrosa sobre a que finalmente aplicouse a cor.
A peza foi depositada pola Fundación Teatro Principal en dependencias da Área Panorámica en 2006, onde permaneceu embalada ata a semana pasada. Xa naquela altura presentaba notables danos. A nivel estrutural presenta faltas e rasgaduras na parte inferior do soporte e a nivel pictórico perdeu parte da policromía e especialmente o brillo. Este deterioro foi debido a un incorrecto sistema de almacenamento e a unhas condicións de humidade e temperatura absolutamente adversas producidas antes do seu depósito na Área Panorámica.
No próximo mes, será sometido a unha limpeza superficial para a eliminación de residuos e fungos e posteriormente levarase a cabo a fixación da policromía. Unha vez concluídos estes traballos será exposto durante as festas de San Telmo nunha sala que mantén unhas condicións climáticas estables e que presenta a característica de que se atopa a dobre altura. Deste xeito o espectador poderá observar a peza dun modo semellante a como se estivese na platea ou nos palcos do teatro. A exhibición dará a coñecer este elemento singular do patrimonio tudense e de Galicia, oculto durante case 50 anos e ao mesmo tempo permitirá a súa necesaria ventilación e estiramento. Non obstante, nun futuro inmediato será necesaria unha intervención para a súa completa restauración.
O BNG de Redondela xa conta con candidatura para as próximas eleicións municipais do 26 de maio, candidatura que será presentada á veciñanza nun acto aberto que terá lugar o xoves 21 de marzo, ás 20 horas, no multiúsos da Xunqueira e no que participará a voceira nacional do BNG, Ana Póntón; Maria Xosé García, Cecilia Pérez, Jessica García, e Xoán Carlos González.
A lista que presentao o BNG á cita electoral de maio está formada, segundo sinala o candidato á alcaldía, Xoán Carlos González, por “un grupo de mulleres e homes, que centrarán todos os seus esforzos en mellorar as condicións de vida dos e das redondeláns”.
Destaca González, que 13 mulleres, forman parte do total de 24, que contando suplentes, conforman a lista. Afirma que o primeiro treito, constitúeo un grupo que xa levan traballando en labores de apoio ao grupo municipal dende hai varios meses. Destaca o papel desenvolvido por Jessica Garcia, Anxo Lusquiños e Pilar Sotelino, números 2,3,5 respectivamente.
Como independentes figuran na candidatura a veciña de Chapela Gabriela Álvarez no posto 4, Teresa Muíños no 6, Maria Xesús Couñago no 10, dinamizadora cultural. Xoán Carlos González destacou que moitos dos integrantes “veñen participando de diversas asociacións, e entidades culturais, e mesmo do sindicalismo nacionalista, como nos caso de David Couñago, Ana Santomé e Maria Xosé García”. Doutra banda, o grupo de ‘xente moza’ o forman Jessica García, Brais Ferreiro e Iria Custodio.
Roberto Cabaleiro de Trasmañó, Lucía Martínez e Ramón Iglesias de Redondela, Elena Álvarez e Daniel López do Viso, e Roi Grande xunto a Manuel Campos de Chapela, constitúen o grupo de militantes do BNG, que forman parte da Candidatura. Finalmente as exconcelleiras Rosa Costas, Mari Ánxeles Babarro, e a histórica militante, tamén candidata ao Senado Cecilia Pérez, completarían a lista do BNG de Redondela.
“Presentámonos ante a veciñanza, como a verdadeira oposición a Javier Bas. Unha oposición que defende os intereses dos e das redondeláns por riba de todo. Que considera que Redondela, está ferida por mor das políticas lesivas do goberno do PP que, –lembra o candidato nacionalista– goberna en minoría”.
Xoán Carlos Gonzalez asegurou sentirse “enormemente satisfeito” na conformación da candidatura, “polo respaldo e apoio que nos prestaron moitas persoas coa súa presenza”. “Presentámonos para abandeirar un goberno alternativo a Javier Bas e ao PP”, afirma Xoán Carlos González. “O rigor, compromiso, responsabilidade e lealdade aos veciños e veciñas, caracterizan aos intergrantes da lista do BNG”, afirma.
O alcalde de Ponteareas, Xosé REpresas, a tenente de alcalde, Chus Garrote e a concelleira de Comercio, Inés Vidal, presentaron ás e aos praceiros do mercado municipal o anteproxecto de rexeneración destas instalacións e o dictame técnico sobre o informe de pataloxías, encargados en abril do ano 2018 conscientes da necesidade de potenciar o mercado municipal e das súas carencia estruturais.
Nun encontro mantido con todos e todas as praceiras do mercado municipal, Xosé Represas, Chus Garrote e Inés Vidal expuxeron as conclusións do dictame técnico encargado polo goberno ao detectar deficiencias que non foran contempladas na reforma que o partido popular fixo no ano 2013.
Co estudo na man, explicaron ás vendedoras e vendedores do mercado municipal as melloras necesarias como a colocación de ventilación e renovación do aire, retirada de humidades, substitución de materiais pouco axeitados ou pavimentación, entre outras reparacións que suporán un total de 174.791,99 €.
Por outro lado, a iniciativa do goberno foi máis aló presentando un anteproxecto que plantexa unha renovación da imaxe externa do edificio, unha proposta que recolle un lucernario no tellado, amplos ventanais na planta 1 donde se ubican as pescaderías, ventanas máis grandes na fachada e entrada principal, mellora do aspecto das escaleiras do Cantón de Boavista, aparcamentos no andar 0 donde se ubican os almacéns e unha entrada de persoas tamén neste andar baixo para acceder directamente da zona de aparcamento exterior ao interior do mercado municipal.
O obxectivo é facer das instalacións do mercado municipal un lugar máis vistoso, que teña maior visibilidade e resulte máis agradable para a clientela. Atraer clientes e por en valor os produtos frescos do mercado é, segundo Inés Vidal, a intención desta remodelación.
Chus Garrote adianta que estes dous proxectos, tanto o de resolución de deficiencias como o da remodelación precisarán ser executados en varias fases e figuran entre as prioridades da axenda municipal.
O goberno aproveitou tamén para adiantarlles a proposta de humanización do entorno entre o auditorio e o mercado que xa contempla as primeiras medidas de mellora da entrada da praza e que será exposto o xoves 21 ás 18:30 horas na sala multiusos do auditorio municipal e financiadas cos fondos europeos da estratexia “Ponteareas, Hábitat Saudable”.
O vindeiro domingo, 24 de marzo, ACD Sanomedio, coa colaboración do Concello das Neves, organizan a VIII ruta BTT ‘Los 66 del Requesón’, e unha nova ruta de Sendeirismo polos montes da vila. Ámbalas dúas actividades forman parte da programación da Festa do Requeixo, que terá lugar nas Neves os días 19 e 20 de abril.
A Ruta BTT, ten dous percorridos de dificultade media: un longo de 66 quilómetros e outro curto de 33 quilómetros. As persoas interesadas poden formalizar a súa inscrición nesta ligazón da ACD Sanomedio.
A organización pon a disposición dos participantes: duchas, lavado de bicis, ‘Coche escoba’, ambulancia medicalizada, avituallamentos (un sólido máis un líquido, dous líquidos máis froita) e asistencia e ruta. Ó finalizar a proba habilitarase unha zona de asistencia fisioterapéutica da man de Equilibrio; Centro de Rehabilitación, Fisioterapia, Osteopatía e Biomecánica para os participantes que o precisen.
Ademais, na meta os deportistas terán agardando un prato de pasta, requeixo e viño de Rubiós. O prezo xeral é de 10€.
Sendeirismo Paralelamente a esta BTT terá lugar unha Ruta de Sendeirismo por Cerdeira que finalmente terá a distancia duns 8 quilómetros e pensada para todas as idades. Dispón de avituallamento sólido e líquido e de Seguro de Accidentes e desplazamento en autocar de ida e volta a Cerdeira.
Será obrigatorio a inscrición previa entrando nesta ligazón ou por medio de SMS ou WhatsApp aos teléfonos 616 992 177 ou 629 270 651. Tamén se pode facer mandando un correo electrónico ao enderezo organizació[email protected]. O prezo é de 5 €.
O Pleno da Corporación Municipal de Ponteareas debatirá, a iniciativa do goberno municipal, o proxecto de humanización da rúa Redondela, un tramo para completar o saneamento no barrio do Peso na paroquia de Areas e a reforma e rehabilitación ca casa cultural de Arnoso, entre outros proxectos para os que se investirá un total de 741.332 €.
“O goberno da un paso máis para a humanización da rúa Redondela que conta cun orzamento de licitación de 520.226,70 € e co apoio unánime da veciñanza que así o manifestou no encontro no que se expuxo o proxecto técnico”, asegura o Goberno local ponteareán. Unha vez aprobado o proxecto polo pleno da corporación, procederá á licitación das obras para que esta rúa dispoña de beirarrúas máis amplas e cómodas con árborado e cun único sentido de circulación desde a rotonda da estrada de As Neves até o entronque da rúa Redondela coa rúa das Pombas.
Desde aí até a rotonda do Axente Comercial manterase o dobre sentido de circulación. A alternativa escollida pola veciñanza contempla a ampliación substancial das beirarrúas que oscilarán entre un mínimo de 2,50 metros e un máximo de 6,00 metros. Ademais contémplase a plantación de 27 árbores e a instalación de 12 farolas con tecnoloxía led, 6 bancos, papeleiras, dispensadores de bolsas para excrementos de cans e paneis informativos para colocación de información municipal. Tamén se reducirá o límite de velocidade aos 30 km/h. En canto aos estacionamentos de vehículos, dun total de 90 prazas existentes na actualidade, tan só se eliminarán 18 (o 20%). Crease unha zona a maiores de carga e descarga.
No pleno do mércores tamén se presentará a aprobación do proxecto de ampliación de potencia e reforma da instalación eléctrica da piscinan por valor de 32.978 € e proxecto de instalación de alumeado nas pistas de tenis na área recreativa da Freixa por valor de 26.086€ contemplando todos os traballos precisos para a instalación de proxectores led de alto rendemento.
O Goberno que preside Xosé Represas tamén buscará a aprobación do proxecto de saneamento do barrio do Peso en Areas, obra que conta cun orzamento total de 23.735,67 € e a aprobación da rehabilitación da casa cultural de Arnoso para a mellora da eficiencia enerxética, accesibilidade, funcionalidade e conservación cun investimento total de 112.000€ que supón unha intervención no aillamento, na urbanización da parcela, nas fachadas e cimentacións, entre outros moitos traballos.
Alcalde e tenente de alcalde adiantan que tamén levarán ao pleno a aprobación da construción de distintos redutores de velocidade en diferentes puntos de Ponteareas cun custe total de 26.307 €. Estas actuacións, sinalaron Xosé Represas e Chus Garrote, “xunto a outras previstas para este ano persiguen a mellora dos espazos de uso público e a previsión do goberno é que todas estas obras se executen dentro deste ano 2019”.
Na mañá do luns 18 de marzo o alcalde da Guarda, Antonio Lomba, mantivo unha xuntanza no Concello co Comandante do Posto da Guarda, Eligio Rivas, de cara a trasladalle a preocupación de comerciantes, veciñanza e responsables municipais, polos roubos que últimamente véñense producindo na Guarda.
Sabedor de que as forzas de seguridade comparten esta preocupación, o alcalde Antonio Lomba, –que estaba acompañado polo xefe da Policía Local, Manuel Ángel González e o concelleiro delegado da Policía Local, Paulino Rodríguez— trasladou a necesidade de aumentar a vixiancia na vila, sobre todo en horario nocturno.
O Comandante coincidiu co alcalde na necesidade de intensificar a presenza policial e asegurou que “dende hoxe mesmo” (luns 18 de marzo) A Guarda contará cun núcleo operativo que prestará servizo nocturno na vila.
Do mesmo xeito o alcalde púxose en contacto coa Subdelegación do Goberno e manterá este mesmo mércores unha xuntanza coa subdelegada, Maica Larriba, e representantes dos corpos de seguridade, para trasladarlle a preocupación pola seguridade cidadá na Guarda e solicitar reforzo policial.
O concello de Ponteareas homenaxeou o domingo, 17 de marzo, a un grupo de mulleres, propostas por colectivos e asociacións veciñais, nas que se quería representar a todo o colectivo de mulleres do municipio. A iniciativa enmarcábase dentro das programadas polo Concello con motivo do Día da Muller. O Goberno local, no acto público celebrado no Auditorio Municipal, agradeceu “o traballo e exemplo de esforzo” das mulleres ponteareás.
O alcalde Xosé Represas e a concelleira de Igualdade, Verónica Carrera, destacaron “o relevante papel da muller na sociedade”. Pluriempregadas e polifactéticas as mulleres supoñen, na maioría dos casos, o eixo central das familias á vez que contribúen á economía familiar con traballos remunerados ou sen remunerar como as tarefas no campo ou no mar.
Verónica Carrera en colaboración cos distintos colectivos sociais e veciñais quixo que o domingo fixérase visible a loita das mulleres “que no seu día a día conviven con persoas con enfermidades mentais” e, a proposta de Avelaíña, recibiron unha sentida homenaxe María Lueiro, Rosa Barreiro, Olivia María da Rocha e Enma Otero.
Tamén subiron ao escenario do auditorio as coñecidas como “mozas de ouro de Prado”: Carmen Tellado, María Diz, Josefa Cuña, Hermosinda Álvarez, Isolina Cuña, Divina Rodríguez e Nieves Rodríguez.
Ademais, a parroquia de Xinzo decidíu que as primeiras mulleres da Banda de Música Xuvenil de Xinzo tiveran un recoñecemento: Mª Isabel Giráldez, Milagros Carrera, Mª Carmen Giráldez, Mª de las Nieves Ibáñez, Carmen Rodríguez, Ana Isabel Troncoso e Mª Purificación Giráldez.
A primeira muller en traballar no centro de saúde de Ponteareas, Berta Mosquera lembrou no auditorio os seus comezos e “a necesidade de seguir traballando pola igualdade”. Pilar Pérez Tato, primeira muller en ter o seu propio negocio, compartíu co público as súas vivenzas e a alfombrista Teresa Carrera declarouse orgullosa de ser muller e alfombrista.
Todas elas deixaron no auditorio ponteareán o seu legado, o do esforzo e o da ilusión, un legado compartido por moitas mulleres de Ponteareas que participaron nos vídeos proxectados durante a homenaxe e no que os conceptos de traballo, amor, loita, igualdade, liberdade e futuro foron reiterados coprotagonistas.
Verónica Carrera, acompañada do alcalde Xosé Represas e de distintas concelleiras do goberno local, agradeceron “a participación de todos os colectivos, de todo o público asistente e das homenaxeadas polo seu exemplo de superación”.
O novo centro de compostaxe comunitaria situado á beira da Casa da Xuventude de As Neves xa funciona a pleno rendemento. Persoal técnico do Plan Revitaliza da Deputación de Pontevedra esta pasada semana, con motivo da súa posta en marcha, unha charla informativa entre a veciñanza da zona para explicar o funcionamento e como achegar o lixo orgánico.
Segundo explican as mestras e mestres composteiros, todas as veciñas e veciños que acudiron á convocatoria mostráronse moi receptivos ante o novo modelo de xestión do lixo. Explicouse como achegar os restos de comida e vexetais do lixo doméstico e fixéronse prácticas coa materia que trouxeron dúas persoas, botando os restos dentro do módulo aberto e tapándoos con estruturante.
A maior parte dos participantes, que acudiron en varias quendas, manifestaron a súa satisfacción polo fácil e sinxelo que é compostar, e tamén subliñaron os beneficios e a mellora ambiental deste modelo de xestión do lixo. Por outra banda, manifestaron moita sorpresa ao coñecer o custe real do sistema actual de recollida dos colectores e do seu posterior tratamento, que rolda unha media de 120 euros por familia ao ano, se ben a taxa do lixo é sensiblemente inferior na maior parte dos concellos da provincia.
As preguntas máis frecuentes que tivo que responder o persoal técnico foron relativas a posibles cheiros, á necesidade de tapar o lixo con estruturante, e a quen se vai ocupar da xestión dos composteiros. Os mestres e mestras composteiros explicaron que os malos olores non se producen nunca cando hai un seguimento e control por parte deles, xa que se encargan de vixiar os niveles de enchido, de se a mestura entre o lixo e o estruturante é a correcta, de facer os remexidos correspondentes, de tomar as temperaturas para garantir que o compost se hixieniza, e de facer as trasfegas dos materiais entre os módulos de maduración. Ante as explicacións, os asistentes aplaudiron que a compostaxe sexa un proceso controlado por profesionais e que haxa sempre unha figura técnica á que acudir se hai dúbidas ou problemas de calquera tipo.
Finalmente, houbo moito interese sobre o aproveitamento do produto final: o compost. Este estará a disposición da veciñanza que participa na compostaxe, que poderá levalo para usar en hortas e macetas solicitándollo á mestra ou mestre composteiro. Tamén houbo preguntas sobre as datas de reparto de composteiros invididuais para vivendas con horta.
Ademais desta charla para a veciñanza, o persoal técnico do Plan Revitaliza realizou durante os días previos un traballo de información porta a porta para explicar todo sobre a compostaxe. Repartíronse tamén pequenos caldeiros para separar máis facilmente os residuos orgánicos nos domicilios.
O centro de compostaxe comunitaria da Casa da Xuventude está dimensionado para atender a toda a cidadanía dun radio duns 150 metros, é dicir, ás persoas que viven nas 77 vivendas máis próximas, ademais de asumir os incrementos poboacionais que se poidan producir por vacacións ou por novos habitantes.
As seguintes postas en marcha de composteiros comunitarios en As Neves serán o xoves 21 de marzo ás 18:30 horas nas inmediacións do centro de compostaxe da rúa Marquesa do Pazo, e o mércores 27 –á mesma hora– no composteiro situado no aparcadoiro anexo ao cemiterio.
O Concello de As Neves recibiu da Deputación unha subvención de 298.386 euros para desenvolver o Plan Revitaliza (o 87,06 % do orzamento solicitado para mercar composteiros individuais, colectivos e materiais complementarios), ademais dun investimento de 92.430 euros para o convenio coa asociación ecoloxista Adega, co fin de prestar apoio á veciñanza na compostaxe individual e facer seguimento dos composteiros para garantir a calidade do compost que se produce.
A concellería de Ensino do Concello de Ponteareas, que dirixe Cristina Fernández, vén de trasladar á Dirección Xeral de Centros, dependente da Consellería de Educación da Xunta de Galicia, a necesidade de incorporar a especialidade do idioma francés na oferta de estudos da delegación da Escola Oficial de Idiomas (EOI) en Ponteareas. A extensión da EOI de Vigo en Ponteareas ubícase no IES do Val do Tea impartindo a especialidade de inglés.
Cristina Fernández traslada á Xunta de Galicia esta demanda da veciñanza da comarca que precisa ampliar a súa formación e curriculum. “Está demostrado que temos capacidade de poboación suficiente como para ampliar a nosa oferta formativa e entre os novos estudos debe figurar o idioma francés”.
A concelleira insiste na necesidade de ofertar todas aquelas formacións que teñan alta demanda para garantir que os e as interesadas poidan acceder sen ter grandes desprazamentos e sen sair da súa comarca.
A piscina de Carballo-Calero no concello coruñés de Carballo acolleu, este domingo, 17 de marzo, as probas do Campionato Galego de Fondo na categoría Máster. O equipo feminino do Club Natación Ponteareas formado por Nuria Mutilba, Marta Abreu, Vero Varela, Clarisa Gesto, Paula González, María Lourdes Melón y María Acuña, volveu a demostrar a súa extraordinaria capacidade competitiva proclamándose Campión Galego.
Os nadadores e nadadoras dos distintos clubs de Galicia enfróntabanse a probas de longa distancia de 800 e 1.500 metros libres. Ao campionato galego das féminas, o Club Natación Ponteareas engadiu tamén medallas individuais que amosan o excelente momento polo que atravesa o club ponteareán, un dos equipos a ter moi en conta en todas as competicións nas que participa.
O BNG de Redondela trasladou tanto ao ao alumnado coma ao profesorado do IES Mendiño os seus parabéns por terse implicado “decididamente para poder participar neste Certame de Debate” ao mesmo tempo que rexeitan “actitude manifestamente hostil do alcalde, Javier Bas ante a negativa a colaborar con este grupo de alumnos e alumnas, e profesorado”.
O BNG salienta o feito que os gastos do traslado á capital da provincia para particirpar no encontro ,“asumírono en grande parte as familias, ademáis de aportacións económicas do propio profesorado”. Consideran “vergoñento que o noso fose o único Concello que non colaborou neste certame”.
Para os nacionalistas trátase dun feito de enorme gravidade, centrando as súas críticas no alcalde, Javier Bas, “ quen asumíu a área de normalización lingüística, e en ningún momento quixo saber do tema”. Recordan que “non foi o BNG quen se creu o discurso de que o PP de Redondela é diferente, tamén co idioma, facilitando que goberne en minoría”.
Acrecenta as súas críticas o voceiro nacionalista, Xoán Carlos González, pois hai un mes Redondela adheríuse á Rede de Entidades Locais pola Lingua Galega, organizadora deste evento escolar. “Xa advertimos, que a Javier Bas únicamente lle interesaba a publicidade. Agora demóstranse as nosas sospeitas, pois o Certame claramente entra dentro das finalidades da Rede”.
Esixen dende o BNG que o alcalde preste todo o apoio económico necesario para que o alumnado do IES Mendiño, poida continuar participando neste Certame. Sinalan que “pouco queda para que en Redondela se volva a traballar dende a base pola posta en valor, e dignificación do galego, ao dar por finiquitado o periplo do PP no goberno do noso concello”.
Tui será o punto de partida do Camiño de Santiago en kaiak de mar. Do 18 ao 21 de abril realizarase unha experiencia piloto e a continuación as rutas poranse en marcha de forma estable até outubro, sempre que as condicións do tempo o permitan. O alcalde, Carlos Vázquez Padín, presentou este mediodía esta iniciativa xunto a Alberto Rocha, promotor da mesma, e Antonio Paz, presidente da Asociación Galega de Kaiak de Mar.
O rexedor tudense explicou na presentación que dende o Concello se apoia todas aquelas vías de peregrinación que teñan Tui como punto de partida. Destacou neste caso a realización do Camiño por vía fluvial e marítima indo de Catedral a Catedral.
Alberto Rocha explicou que esta peregrinación en kaiak de mar brindará unha visión totalmente distintas dos lugares por onde pasa, dende o río ou o mar cara terra. Explicou que en abril, do 18 ao 21, farán unha experiencia piloto con etapas un pouco máis longas do que serán logo as rutas que propoñen. Así a partir de aí aqueles que desexen participar nesta iniciativa poderán optar por realizar o Camiño en 5 ou en 10 etapas, completando en todo caso 85 quilómetros en kaiak de mar, e os 25 quilómetros últimos a pé dende Padrón ata Santiago. Cada grupo deberá estar formado por un mínimo de 4 persoas e un máximo de 20, indo sempre acompañado por guías, e podendo optar por un k1 ou un k2.
Antonio Paz, presidente da Asociación Galega de Kaiak de Mar, destacou coma nesta iniciativa se xuntan a parte deportiva coa busca de novos retos. Pódese ampliar a información sobre esta iniciativa en www.spainkayak.com.
Utilizamos cookies para mejorar su experiencia y nuestros servicios, analizando la navegación en nuestro sitio web. Si continua navegando, consideramos que acepta su uso. Puede obtener más información pulsando aquí:.Saber MásAceptar
Cookies
Privacy Overview
This website uses cookies to improve your experience while you navigate through the website. Out of these, the cookies that are categorized as necessary are stored on your browser as they are essential for the working of basic functionalities of the website. We also use third-party cookies that help us analyze and understand how you use this website. These cookies will be stored in your browser only with your consent. You also have the option to opt-out of these cookies. But opting out of some of these cookies may affect your browsing experience.
Necessary cookies are absolutely essential for the website to function properly. This category only includes cookies that ensures basic functionalities and security features of the website. These cookies do not store any personal information.
Any cookies that may not be particularly necessary for the website to function and is used specifically to collect user personal data via analytics, ads, other embedded contents are termed as non-necessary cookies. It is mandatory to procure user consent prior to running these cookies on your website.
