Os sempre espectaculares montes de Oia acolleron este domingo a disputa do ‘V Trail-Andaina Desafío de Oia’ que este ano, e con 588 deportistas inscritos, batía récord de participación. A diferenza de anteriores anos nos que a choiva e o frío foron protagonistas, nesta quinta edición a proba disputouse baixo un sol de xustiza, circunstancia pouco frecuente dadas as datas nas que andamos. O evento organizado polo Club Marqués de Vizhoja-Cornelios consolídase, logo de cinco anos, como uns dos Trail de referencia.
588 deportistas tomaban a saída repartidos nas tres modalidades de trail –42 km, 21 km e 12km– e da andaina que, pouco a pouco, vaise consolidando. A saída tivo lugar escalonadamente e en función da dificultade das probas e a duración das mesmas, todas elas desde O Mosteiro de Santa María de Oia.
Ás 8:00 h daba comezo o Trail de 42 km. As e os participantes tiñan por diante unha durísima carreira, posiblemente das máis duras de todo o circuíto galego de trail, onde desnivelan 270 m de altura en tan só 600 metros de distancia; só apta para os corredores máis experimentados. Comparte os primeiros 16 km co Trail de 21 km ata a primeira devasa; aí a carreira sepárase e os máis aguerridos continúan a unha das subidas máis espectaculares neste tipo de eventos. Esta modalidade contaba con 78 inscritos.
[ngg src=”galleries” ids=”8″ display=”basic_thumbnail”]Para este percorrido a organización como medida de seguridade optou por poñer a primeira hora de corte no terceiro avituallamiento; transcorridos 22.7 km de carreira onde os corredores tiñan que estar antes das 5 horas e 15 minutos de carreira. E a segunda hora de corte no km 33.5 no quinto avituallamiento no que os corredores deberán estar antes das 7 horas e 45 minutos.
Terminado o TRAIL de 42 km o pódium quedou do seguinte xeito:
Absoluto Masculino
1º Ricardo Silva
2º Fernando Arca Casal
3º Roberto Riobo Estevez
Absoluto Femenino
1º María Martínez Medina
2º Raquel López Gabín
3º Ana Belén Rubio Álvarez
Ás 09:00 horas tivo lugar a saída do Trail de 21 km, proba puntuable para o Desafío Galaico. O Trail 21 km comezaba con 260 participantes e por diante o percorrido ‘marca da casa’ do DesafiOia, a coñecida subida ‘camiño dous burros’ ata chegar á ‘subida do rio’ coa famosa corda para chegar á última devasa de anos anteriores con algunhas modificacións; o seu nivel de dureza segue sendo elevado alcanzando un desnivel positivo de 1.450D+ . Este percorrido non contaba con horas de corte para os corredores.
Ao final, o podio deste trail de 21 quilómetros quedaba así:
Absoluto Masculino
1º Paulo Mesquita
2º Roberto Mata Martínez
3º Samuel Saborido Soñora
Absoluto Femenino
1ª María Ferreiro Pérez
2ª María Fabeiro Romero
3ª Alba Rey Penelas
1º Clasificado De Oia
Iván Pimentel Giráldez
As e os 164 participantes do Mini-Trail 12 km tomaban a saída ás 10:00 para realizar un percorrido que, nos seus primeiros 10 quilómetros, foi compartido co resto de categorías. Dende esa distancia retómase o camiño a meta cun esixente nivel de dureza que un desnivel positivo de 800 m. Mantense, como sinal de identidade, a coñecida subida do ‘Camiño dous burros’, e a famosa devasa de Pedornes
Finalizando o percorrido formouse o seguinte pódium:
Absoluto Masculino
1º Antolín Martínez Martínez
2º Jose Felipe González Álvarez
3º Pablo Rivero Muiños
Absoluto Femenino
1ª María Teresa Barreira Salgado
2ª Laura González Goce
3ª Lucía Dorado Álvarez
1º Clasificado De Oia:
Ismael Pérez Benítez
1ª Clasificada De Oia:
Maria Pereira Da Silva
