9.2 C
Pontevedra
Xoves, 27 de Xaneiro de 2022
Máis
    HomeO CondadoMondarizJosé Luis Fernández apela ao voto socialista para "un goberno de progreso...

    José Luis Fernández apela ao voto socialista para “un goberno de progreso en Mondariz”

    José Luís Fernández Piñeiro presentouse este domingo como candidato á alcaldía de Mondariz. “Se queremos un goberno de progreso en Mondariz, hai que votar socialista, hai que darlle unha maioría suficiente e cualificada para que fagamos os cambios que Mondariz precisa”, asegurou o socialista ante un público entregado de máis de 200 persoas.

    Fernández Piñeiro defendeu a labor levada a cabo polas e polos socialistas no Concello, coa súa portavoz Marina Alfaro á cabeza, á quen lle quixo agradecer “a dedicación e o gran traballo feito nestes anos”.

    “Acúsaseme de ser estranxeiro, de ser un perdedor, de que non coñezo Mondariz”, denunciou o candidato socialista, que rebateu as ideas explicando que en maio, dous días despois das eleccións, fará 25 anos casado coa súa muller, veciña da vila. “A valía da persoa non é por onde nace, e imos poñer un exemplo: o mellor alcalde do mundo, Abel Caballero, non é de Vigo, naceu en Ponteareas; Napoleón non era francés, senón italiano”, explicou.

    Fernández Piñeiro defendeuse do resto das acusacións asegurando que “nin Mitterrand, nin Felipe González, nin Allende gañaron á primeira”. “Temos 11 concelleiros, 12 parroquias, 82 km, 240 empresas, 90 pensionistas non contributivas, e un presuposto de 3,5 millóns de euros”, relatou para deixar claro que coñece a vila, engadindo que tamén sabe que en Mondariz “Tango non é so un baile arxentino, é un veciño; aquí non se poñen unha camisa, bótansa; aquí non se estropean as cousas, aláganse”.

    “Nós non imos ser criados nin mandados por ninguén, temos as nosas ideas e imos defendelas”, explicou o candidato, que acosou ao BNG “de facer valer o dito de Roma non paga traidores e non apoiar fai catro anos un goberno de progreso na vila encabezado por quen gañou as eleccións, Alternativa por Mondariz”.

    “A alternativa somos as e os socialistas”, defendeu Fernández Piñeiro, “xente tolerante, traballadora, que forma equipos serios” e que conta coa experiencia “de 140 anos de servizos prestados a este país”. “Temos que pór a Mondariz no mapa”, rematou o socialista

    Fernández Piñeiro estivo acompañado na presentación polo secretario de organización provincial e candidato á alcaldía da Cañiza, Luís Piña, e polo secretario xeral do PSdeG, Gonzalo Caballero, que asegurou sentirse “como na casa” en Mondariz, “unha vila que vai ir cara arriba con José Luís como candidato”.

    “Temos un magnífico candidato para encarar as próximas eleccións”, asegurou Caballero, que cualificou ao Fernández Piñeiro como un home “con criterio, ilusión e convicción, o alcalde que Mondariz merece”.

    Caballero tamén tivo unhas palabras para a actual voceira municipal, que non “dá un paso atrás, porque vai estar acompañando a José Luís cando sexa alcalde”. “Queda moito por facer para avanzar cara o país que queremos para todas e todos”, asegurou o máximo dirixente galego, para quen as próximas eleccións xerais “son o primeiro paso” das e dos socialistas para conseguir gañar as eleccións municipais e iniciar un proceso que remate “co nefasto goberno de Feijóo, que nos deixa unha Galicia con menos xente, con menos posibilidades de futuro para a xente nova e cuns servizos públicos deteriorados”.

    COLABORACIÓNS

    Xosé Monteagudo, «Eternity»

    Xosé Monteaguro volve a sorprendernos coa súa nova novela, «Eternity», que chega a nós avalada polo premio de narrativa breve Repsol do ano pasado. Nesta ocasión o autor indaga sobre a eterna arela de transcendencia alén da morte, pois a trama desenvólvese arredor da creación dunha empresa tecnolóxica (que presta o título ao relato), ideada para preservar a memoria dos falecidos. Un auténtico cemiterio virtual ateigado de narracións do que foron as vidas dos seus inquilinos, relatadas por familiares e amigos. Deste xeito achégase á idea da morte dende unha perspectiva diferente, pois o protagonismo está na reconstrución das vidas dos mortos, no recurso da memoria como bálsamo para aliviar a perda do ser querido.

    ¡Llega el 2022! el año de los patitos… ¡esperemos que no feos!

    Ha finalizado el año 2021, ese que todo el mundo decía que iba a ser el de la recuperación, el del adiós del dichoso Covid. Ilusos. Algunos pensaban que al comenzar el 2021, con las vacunas ya comenzando a administrarse a la población, el dichoso virus iba a desaparecer cómo un mal sueño. La realidad ha resultado ser muy diferente.

    «A nena lectora» de Manuel Rivas e «De cando o Suso foi Carteiro» de Xosé Neira Vilas, dúas ideas para a ‘carta aos Reis Magos’

    É tradición neste Andel colocar algúns libros para nenos cando chegan as datas do Nadal e este ano, por aquilo de manter as nosas vellas teimas, traemos dúas obras que de seguro farán as delicias dos máis pequenos (e dos non tan pequenos, que nunca somos demasiado vellos para deixarnos enredar por unha obra ben escrita). Pertencen a dous autores que non dubidamos en considerar clásicos: Manolo Rivas e Xosé Neira Vilas, que é tanto como dicir dúas apostas sobre seguro. Teñámolos moi presentes á hora de redactar a nosa misiva aos Reis Magos.

    Rumbo al 2022

    Todos necesitamos pulsar el botón “reset” de vez en cuando, poner un punto y final y volver a empezar de cero. Sin duda, el 1 de enero es el mejor momento, o eso dice el mundo que nos rodea.

    Colaboradores

    Alberto Aliaga Sola
    15 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    8 POSTS0 COMMENTS
    Manrique Fernández
    55 POSTS0 COMMENTS
    Paz de la Peña
    38 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS