7.5 C
Pontevedra
Luns, 6 de Febreiro de 2023
Máis
    HomeVal MiñorBaionaA liga de Inverno de J80 decidirase na última xornada

    A liga de Inverno de J80 decidirase na última xornada

    Un vento sen ganas de estabilizarse e desaparecido por momentos obrigou a suspender, na tarde do sábado en Baiona, a penúltima xornada da liga de Inverno de J80 organizada polo Monte Real Club de Iates. Dificultades para definir o campo de regatas, unha chamada xeral, cambios de percorrido, unha proba suspendida nada máis iniciarse e outra cando estaba pola metade foron algunhas das situacións que se viviron na tarde do sábado na baía baionesa.

    Foi, sen dúbida, unha xornada moi complicada para a navegación, na que nunca se alcanzaron as condicións idóneas para a celebración da competición. Así pois, e tras varias horas infrutuosas na auga, o comité de regata decidiu suspender a xornada.

    [ngg src=”galleries” ids=”9″ display=”basic_thumbnail”]

    Con esta tesitura, a liga de Inverno de J80 chegará á súa última etapa con todo aínda por decidir. O Okofen de Javier de la Gándara é, a día de hoxe, o favorito para levar o título. Tras impoñerse na anterior xornada sácalle 7 puntos ao Cansino de Fernando Yáñez e o Namasté de Luis de Mira, que van empatados en segunda e terceira posición.

    A pesar de todo, e con tres probas por celebrarse, aínda non se pode falar dun claro gañador do campionato de monotipos, que se decidirá, se o vento permíteo, o próximo 6 de abril. Para esa xornada está prevista, ademais da disputa final na auga, a entrega de premios aos gañadores da liga de Inverno de J80.

    COLABORACIÓNS

    Antía Otero, «Barroco»

    É posible que todo viñese suxerido polo título do novo poemario de Antía Otero, «Barroco», pero ao mergullarme nas súas páxinas vivín a sensación de pasear por unha galería de arte na que cada un dos poemas era, en realidade, un cadro ou unha peza escultórica que a autora describía con detalle.

    Ponteareas e a filla pródiga: o novo espectáculo do Circo da Dereita

    Aínda que o pareza, non é un déjà vu, non. É real como a vida mesma. A dereita en Ponteareas regresa ao seu pasado, non sabemos se por convicción nostálxica ou, como parece máis evidente, por non atopar nada mellor que ofrecer. Se cadra, en realidade non hai tal regreso a un pasado que esa dereita nunca abandonou, por máis que durante os últimos anos algúns quixeran convencer a Ponteareas, pleno tras pleno e eleccións tras eleccións, de que aquel negro pasado nada tiña que ver con eles nin cun Partido Popular que, reescribindo a nosa historia política, tería nacido en 1998 coa chegada a Ponteareas dun Salvador chamado para redimir, como novo candidato popular, os imperdonabeis pecados orixinais da dereita ponteareán encarnada até ese momento por un alcalde orgulloso do seu pasado franquista.

    María Solar, «A culpa»

    A metade de camiño entre a novela negra e o thriller, María Solar vén de presentar un novo traballo para adultos no que pescuda nas interioridades da parte máis escura da alma humana a través dun trío de mulleres, protagonistas do relato.

    Antón Riveiro Coello, «Días de intemperie»

    A nova achega de Antón Riveiro Coello, «Días de imtemperie», é unha proposta que contén nove relatos de temática e transfondo diferentes, mais que teñen un elemento en común, como é a guerra no sentido máis amplo da palabra.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    78 POSTS0 COMMENTS
    Paz de la Peña
    41 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    6 POSTS0 COMMENTS
    Avatar
    1 POSTS0 COMMENTS