Unha persoa resultou ferida ao bater contra unha ladeira mentres practicaba parapente na parroquia de Belesar, no concello de Baiona. Os feitos aconteceron pasadas as 19 horas cando un particular chamaba ao 112 Galicia para dar conta que un parapentista atopábase ferido, logo de bater contra unha ladeira no alto do Cortelliño e que, ademáis, estaba nun lugar de difícil acceso.
Dada a orografía complexa onde tivo lugar o accidente, o 112 Galicia amais de dar aviso ao persoal das Urxencias Sanitarias, Bombeiros do Baixo Miño e Garda Civil, puxo os feitos en coñecemento do Servizo de Gardacostas de Galicia por se fora precisa a aintervención do helicóptero de salvamento para o rescate do ferido.
Finalmente, a intervención dos servizos aéreos foron descartados ao poder ser rescatado o ferido, nunha padiola polos servizos de emerxencia en terra. Logo de ser atendido polo persoal das Urxencias Sanitarias, o parapentista foi trasladado ao Hospital Álvaro Cunqueiro de Vigo.
