16.5 C
Pontevedra
Domingo, 27 de Setembro de 2020

Tag: sanidade pública

O PP vota en contra, no Pleno da Deputación, dunha moción na que urxe á Xunta a reforzar os centros de saúde

“A Deputación non pode permanecer allea ao enxordecedor clamor social causado polo caos na Atención Primaria, que é a nosa liña de defensa nesta segunda fase da pandemia, e que está a quedar superada por mor do desmantelamento ao que foi sometida pola Xunta de Galicia durante os últimos anos”. Así o manifestou o voceiro do grupo socialista, Carlos López Font, durante o Pleno provincial celebrado hoxe, no que se aprobou a moción que urxe ao Goberno galego a reforzar os centros de saúde con recursos humanos e materiais e a poñer en marcha un sistema de rastrexo eficaz.

O BNG de Redondela canaliza as demandas veciñais “en defensa duns centros de saúde de calidade”

A concentración convocada polo BNG de Redondela en defensa da sanidade pública e de calidade que tivo lugar este venres fronte ao centro de saúde, contou co apoio dun numeroso grupo de redondeláns e redondelás, “que demandan melloras na atención sanitaria”. Tanto usuarios e usuarias, como o persoal facultativo avogan por unha maior contratación de profesionais.

A Plataforma en Defensa da Sanidade Pública da Guarda convoca novas concentracións diante do Centro de Saúde

O próximo xoves, día 30 de xullo, a Plataforma en defensa da Sanidade Pública da Guarda convoca unha concentración ás 12 da mañá diante do centro de saúde da Guarda, protesta que ven provocada, segundo os organizadores, porque “os vellos problemas continúan, ou vense incluso aumentados".

Vinte días de espera para unha consulta de atención primaria no Centro de Saúde do Rosal

A Plataforma para a Defensa da Sanidade Pública do Rosal denuncia a precaria situación na que se atopa o centro de saúde do concello, a falta de persoal e o consecuente deterioro da atención sanitaria, xa que na actualidade a demora nas citas de atención primaria están a ser dunha media de 20 días.

A Guarda esixe á Xunta, unha vez máis, que atenda as demandas do seu centro de saúde

O Concello da Guarda, unha vez máis, vén de solicitar da Xunta de Galicia que atenda as demandas que se fan por parte dos e das profesionais que desenvolven o seu traballo no Centro de Saúde do municipio, un "servizo de saúde pública que ven sendo deficiente dende hai anos". En distintas ocasións, tanto dende o concello como dende o propio Centro de Saúde, trasladáronse demandas de mellora, aos responsables do SERGAS.

Tomiño impulsa a campaña ‘Estamos contigo’ para agradeder a atención sanitaria do centro de saúde local

Agradecer o traballo de todo o persoal do Centro de Saúde de Tomiño, durante estas longas e difíciles semanas de corentena, é a finalidade da campaña 'Estamos Contigo', organizada polo Concello de Tomiño, a través das concellerías de Participación Cidadá e Benestar Social.

O Rosal chama á veciñanza á creación da Plataforma en Defensa da Sanidade Pública

"Logo do deterioro progresivo dos servizos sanitarios de atención primaria no municipio", o Concello do Rosal vén de a todo o asociacionismo, partidos políticos, sindicatos, persoal sanitario, Comunidades de Montes, Comunidades de Augas e veciñanza en xeral a participar este venres 6 de marzo na creación dunha Plataforma en Defensa da Sanidade Pública que teña como obxectivos “denunciar as carencias de atención primaria e reivindicar os servizos sanitarios que nos corresponden”.

Gonzalo Caballero afirma na Guarda que a aposta pola sanidade pública será a súa “principal bandeira”

O candidato do PSdeG-PSOE á presidencia da Xunta de Galicia, Gonzalo Caballero, comprometeu hoxe que a defensa da sanidade pública será “a principal bandeira dos consellos da Xunta despois do 5 de abril cun goberno progresista”. Así o dixo nunha visita ao concello da Guarda, onde participou xunto co alcalde, Antonio Lomba, na concentración para reclamar o reforzo dos servizos sanitarios e a fin do “desmantelamento” da sanidade pública.

O Concello do Rosal apoia á manifestación en defensa da sanidade pública

O Concello do Rosal quere trasladar o seu apoio á gran manifestación en defensa da sanidade pública que se celebrará o vindeiro domingo 9 de febreiro en Santiago de Compostela. O equipo de Goberno anima a toda a veciñanza a participar nesta actividade convocada pola plataforma SOS Sanidade Pública para protestar contra o desmantelamento dos centros de saúde, contra o deterioro da atención primaria e dos PAC de Urxencias e contra a precariedade laboral do persoal sanitario.

A Guarda abre a inscrición para acudir á manifestación en defensa da sanidade pública

Despois da aprobación por parte da Corporación guardesa no pleno celebrado o venres 31 de xaneiro, o Concello da Guarda porá autobuses a disposición da cidadanía para asistir á manifestación. Dende este luns todos os veciños e veciñas interesados en asistir a dita concentración, poden acudir á Alcaldía ou chamar ao 986 610 000 (Alcaldía) para reservar á súa praza para o autocar que os levará a Santiago de Compostela na mañá deste domingo día 9 de febreiro.

O PSOE de Tomiño habilita un autobús para á manifestación convocada por SOS Sanidade Pública

O Grupo Municipal Socialista de Tomiño vén de poñer en coñecemento de toda a veciñanza que, o vindeiro domingo 9 de febreiro, poñerá un autobús gratuíto para que, aqueles e aquelas que o desexen, poidan acudir en Santiago á manifestación convocada polo colectivo SOS Sanidade Pública contra o deterioro da Atención Primaria, o desmantelamento dos Hospitais Públicos, as interminables listas de espera e a precariedade dos traballadores e traballadoras.

O Concello da Guarda apoia a manifestación en defensa da sanidade pública do 9 de febreiro

A Corporación Municipal guardesa aprobou por unanimidade, no pleno celebrado o venres 31 de xaneiro, unha proposta da xunta de portavoces para apoiar a mobilización que terá lugar en Santiago o día 9 de febreiro ás 12 da mañá. A corporación quere así reivindicar melloras no seu centro de saúde e por extensión na sanidade pública. O Concello da Guarda porá autobuses a disposición da cidadanía para asistir á manifestación.

O Goberno de Nigrán pedirá no pleno a integración de POVISA no Sergas

O goberno municipal de Nigrán proporá no vindeiro pleno ordinario do 28 de outubro que toda a corporación aprobe unha declaración institucional do Concello na que se pida a futura integración do Hospital Povisa na rede pública do SERGAS. O propio alcalde de Nigrán, Juan González, mantivo esta semana un encontro con representantes dos traballadores, que se mostraron moi inquedos tras a venda deste centro sanitario a un grupo de EEUU.

Colaboradores