Máis de 400 persoas reclamaron, este sábado 7 de agosto en Tomiño e respondendo a un chamamento da Plataforma en defensa da sanidade Pública de Tomiño, mais médicos, mais administrativos e a reapertura do consultorio médico de Goián, en suma, unha Asistencia Sanitaria Digna da que se ven privadas moitas localidades e que é especialmente sangrante no Baixo Miño.
O acto que presentado por Violeta de Santiago que, en nome da Plataforma, agradeceu a todos e todas a asistencia a concentración; no decurso da concentración tomaron tamén a palabra Conchi, de Tebra, unha usuaria do Centro Médico de Tomiño que padece múltiples problemas de saúde e que tamén é membro da plataforma.
A concentración contou, unha vez máis, co apoio e presenza de Jesús Araujo Nores, médico especialista en otorrinolaringoloxía, exdirector de centro do Chuvi e membro da asociación galega en defensa da Sanidade Pública e da Plataforma SOS Sanidade Pública e con María José Diéguez, secretaria de CCOO de Sanidade de Vigo e presidenta da Xunta de Persoal da área de Vigo.
O acto pechouse dando á coñecer ás e aos participantes que se abría un tempo para recollida de firmas e que, ao mesmo tempo, se irá informando das distintas fases de actuación da Plataforma nas parroquias e no centro de Saúde en Tomiño.
