11.9 C
Pontevedra
Luns, 4 de Marzo de 2024
Máis
    HomeBaixo MiñoTomiñoO PSOE de Tomiño asegura que a recollida de firmas do BNG...

    O PSOE de Tomiño asegura que a recollida de firmas do BNG a prol da sanidade pública “é un fraude”

    Os socialistas de Tomiño aseguran que a campaña de recollida de firmas en favor da sanidade pública, levada a cabo ao longo desta semana polo BNG no Concello de Tomiño, “é un fraude por non ter validez ningunha ao non requerir nin a sinatura nin o número do DNI dos asinantes”.

    As concelleiras socialistas, Mirta Misa e Violeta De Santiago, ante a evidencia de non estar solicitando o DNI, consultaron diferentes fontes xurídicas con idéntico resultado: “todas esa firmas non son válidas”. 

    Cómpre salientar que para que unha sinatura sexa válida para presentar ante un xuíz ou ante o Parlamento, como pretende o BNG, necesítase nome completo, número de DNI e sinatura en follas seguidas, polas dúas caras e sen espazos entre unha folla e outra. Esta é a única maneira de  poder acreditar e verificar  ditas firmas.

    Violeta de Santiago e Mirta Misa, amosan o seu “estupor” ao comprobar que a razón esgrimida para non esixir o DNI é a COVID-19. 

    “Non entendemos –aseguran– a relación causa efecto que poida derivarse de aportar un DNI ou asinar, co virus, sobre todo cando o bolígrafo é compartido por todas e todos os firmantes, polo que consideramos absurdo o argumento dado como excusa”

    Á vista destes feitos, o PSdeG-PSOE esixe ao goberno municipal do BNG “un mínimo de seriedade e rigor ante un problema tan grave como o da sanidade pública en Tomiño”. As edís socialistas apuntan que “non se pode comprender como gobernando dende hai casi 14 anos se poidan cometer erros como este e mesmo pareza unha burla as persoas usuarias. A veciñanza de Tomiño non merece este trato. Poñámonos a traballar xuntos polo ben común!”, rematan

    LIBROS

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.

    Fran Fernández Davila, «Groenlandia»

    A Fran Fernández Davila gústalle sorprender cos seus traballos literarios, descolocar ao lector para levalo por paisaxes pouco transitadas física e emocionalmente, escapar da rutina diaria e, cunha forte carga de imaxinación, argallar historias nas que a intriga e o humor acaban por se converter en personaxes convidadas da trama.