16 C
Pontevedra
Sábado, 1 de Outubro de 2022
Máis
    HomeO CondadoMondarizNova mobilización en Mondariz organizada pola Plataforma en Defensa da Sanidade do...

    Nova mobilización en Mondariz organizada pola Plataforma en Defensa da Sanidade do Condado e A Paradanta

    O vindeiro xoves 17 de febreiro a Plataforma en Defensa da Sanidade Pública do Condado e a Paradanta volverá mobilizarse. Desta volta a concentración será diante do Centro de Saúde ás 20 h. Cómpre destacar que Mondariz foi o primeiro Concello das comarcas de O Condado e A Paradanta onde se realizaron mobilizacións en defensa da sanidade pública.

    No ano 2018, xunto coa veciñanza de Mondariz Balneario e Covelo, organizáronse concentracións e manifestacións reclamando o servizo de pediatría neses concellos para non ter que depender de Ponteareas. Case que catro anos máis tarde e despois de distintas declaracións por parte da Xunta “dando a entender que se ía a solucionar o problema a situación empeorou, pois na actualidade, ademáis da falta do servizo de pediatría hai unha médica de familia de baixa laboral e baixas en enfermería sen cubrir”, apuntan fontes da Plataforma.

    Dende a Plataforma insístese na necesidade de defender unha sanidade pública e universal de calidade “unha sanidade de calidade á que poidamos acceder en condicións de igualdade independentemente da nosa capacidade económica” e considera urxente “parar esta destrución da sanidade pública intencionada que se está a levar dende hai anos”.

    Para a Plataforma, detrás do deterioro da sanidade pública “están as grandes corporacións médicas agardando a obter beneficios. De feito a privatización paulatina da sanidade é xa unha realidade dende hai anos. Concertos con hospitais privados como POVISA, a construción do Álvaro Cunqueiro, a atención telefónica, o mantemento dos equipos ou as cociñas e cafeterías dos hospitais, son algúns exemplos de como se vai privatizando aos poucos a sanidade pública para transformala nun negocio”, denuncian.

    Por todo iso, a Plataforma chama unha vez máis á veciñanza das comarcas do Condado e A Paradanta e do resto do país “a mobilizarse na defensa da sanidade pública e acudir a esta nova concentración diante do centro de saúde de Mondariz”.

    COLABORACIÓNS

    Heterodoxos

    A editorial Galaxia vén de sacar do prelo unha nova colección que, baixo a denominación xenérica de «Heterodoxos», pretende darlle voz a autores ou obras que, polas súas peculiaridades, non teñen cabida dentro das coleccións habituais das editoriais.

    Teatro para nen@s

    Sempre fun dos que defenden a valía do teatro como asignatura en todos os niveis da educación. Polas súas evidentes compoñentes pedagóxicas e pola súa capacidade para aprender a expresarnos en público e a empatizar con outros, tan distintos de nós, merecería un espazo de honra no noso curriculo educativo. Por iso non quero deixar pasar o inicio do novo curso escolar sen facer un par de recomendacións de pezas teatrais dirixidas aos máis pequenos da casa.

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    69 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS