Tag: deportes

Os próximos 1 e 2 de abril o pavillón de deportes de Baiona acollerá o 'Torneo de Minibasket' que reunirá a 32 equipos de toda Galicia, Portugal e do territorio nacional. No torneo que esta mañana foi presentado no Concello de Baiona, participarán 16 equipos femininos e 16 masculinos todos eles ca categoría Alevín.

As bicicletas volven as rúas do centro de Ponteareas esta fin de semana. A vila do Tea acollerá este domingo a segunda edición do Trofeo Festas de Setembro - Gran Premio Borja Gómez Méndez, unha proba de ciclismo en estrada que arrincará ás 09:00 horas e que ten como principal novidade a celebración dunha carreira inclusiva.

Un total de 160 nadadores participarán na primeira proba da terceira edición da Tripla Coroa Illas Atlánticas, que se disputará o vindeiro sábado 10 de setembro entre as illas Cíes e Baiona, cun percorrido de 15 quilómetros. Trátase dunha das probas de natación máis duras de España, que arrinca este ano coa súa terceira edición, que se celebrará ata 2024 con tres probas de longa distancia e un total de 57 km en tres anos.

O vindeiro 9 de xullo, dende as 16 horas, Redondela converterase no punto de atención do ciclismo nacional nas categorías Élite e sub23, coa celebración do I Trofeo Concello de Redondela organizado pola Concellería de Deportes que dirixe Nacho González e polo Retelec Team Cycling Galicia. Neste trofeo daranse cita máis de 100 deportistas pertencentes aos 10 equipos galegos de ciclismo aos que se engaden os xa confirmados Bicicletas Carlos de León e Ciudad de Oviedo e dous equipos máis, de León e Portugal, pendentes de inscrición.

Oia acolle este verán unha nova edición do seu campus deportivo, que se celebrará do 5 ao 16 de xullo nas instalacións do campo de fútbol das Tornas e no CEIP Mestre Manuel García. Dirixido a nenos e nenas de entre 5 e 14 anos, a programación incluirá actividades como fútbol, tenis e escalada, entre outras.

Este pasado venres presentouse, nas instalacións da empresa Celtamotor –patrocinador do Club Deportivo Futevolei Vigo–, a nova edición da Superliga Galicia de Futevolei. Participaron no acto a tenente de alcalde da Guarda, Montse Magallanes, o concelleiro de deportes de Nigrán, José Luis Sanromán, o presidente do Club Futevolei Vigo, Germán Martínez e patrocinadores da liga.

A Deputación aprobará este venres na Xunta de Goberno as axudas para os clubs deportivos federados que compiten no ámbito nacional, que destinarán 850.000 € entre 90 entidades de atletismo, baloncesto, balonmán, ciclismo, fútbol sala, fútbol, rugby, tenis de mesa, voleibol, judo e outras modalidades deportivas asentadas en 24 concellos da provincia. Este ano as achegas incrementáronse en 75.000 € con respecto ao ano pasado, un 9,7% máis, e beneficiaranse delas nove clubs máis que no 2020.

Trala súa publicación das bases no Boletín Oficial da Provincia, a Deputación de Pontevedra abre este martes, 27 de abril, o prazo para solicitar a obtención ou renovación da categoría de Deportista de Alto Nivel (DEPO-DAN) e Deportista Promesa (DEPO-PROMESA) da provincia, primeiro paso para obter as bolsas deportivas da institución, ás que este ano se destinan 325.000 euros, orzamento no que tamén se inclúen as axudas a deportistas olímpicos/as.

O Concello do Rosal continúa apostando pola colaboración activa e estreita coa sociedade para seguir avanzando nos distintos ámbitos municipais. Con este obxectivo, hai uns días constituíase o Consello Municipal de Deportes, un órgano consultivo integrado por representantes de todos o tecido deportivo do Rosal que funcionará como foro de debate e reflexión, como viveiro de propostas e como fonte de visión crítica para abordar calquera cuestión relacionada con este eido na localidade.

O Concello de Tui no día de onte pechar as instalacións deportivas municipais ante a situación epidemiolóxica no municipio e as últimas medidas adoptadas pola Xunta que suspende toda a competición deportiva federada autonómica.

O Concello realizou labores de adecuación nas instalacións do Club Deportivo Miño-Teixugos, no complexo deportivo do Mosteiro e no pavillón de deportes de Goián

A concellería de Deportes, que dirixe en funcións Miguel Bouzó, pon en marcha unha nova convocatoria de subvencións para o apoio a deportistas federados de Ponteareas, coa intención de fomentar o deporte de nivel no municipio.

O Director Xeral para o Deporte da Xunta de Galicia, Jose Ramón Lete Lasa e o alcalde de Arbo, Horacio Gil, deron o visto e prace a conclusión dos traballos de reforma do tellado do Pavillón de Deportes de Arbo, unha obra que contou cun investimento de 46.933,12 € e que foi realizada por unha empresa local dentro da iniciativa de dinamizar a economía do municipio.

Ponteareas prepárase para acoller o paso do pelotón ciclista de 'La Vuelta' que percorrerá a N-120 dende a parroquia de Xinzo, chegando ao núcleo urbano en torno ás 11 horas para percorrer a Rúa Real, a Avenida de Galicia e a rúa Sarmiento Rivera, conectando coa estrada provincial cara As Neves.

O Campo de Fútbol do Alivio xa conta cun aparato desfibrilador para previr e tratar ataques cardíacos que puideran producirse. O concelleiro de Deportes, Fran Campo, recibiu onte o dispositivo electrónico, que vén a sumarse aos que xa teñen os campos da Carballa e Regatiño (Goián), existindo unha cuarta unidade en poder da Agrupación de Protección Civil.

Os clubs deportivos e a comunidade escolar de Tui gozarán, antes do remate do ano, dunhas instalacións moi renovadas gracias ao investimento de case 150.000 euros por parte da Deputación de Pontevedra, que está a poñer ao día os Pavillóns Municipais Novo e Vello, situados na rúa do Canónigo Vilela. A presidenta da Deputación, Carmela Silva, e o alcalde, Enrique Cabaleiro, visitaron unhas obras que mellorarán a funcionalidade de ámbolos dous recintos e que estaban a ser demandadas dende hai tempo.

Un total de 226 deportistas da provincia foron esta tarde os e as protagonistas da Gala do Deporte da Deputación de Pontevedra que rendeu homenaxe “á súa excelencia e ao seu talento” no evento celebrado no Auditorio Mar de Vigo, organizado coas medidas de seguridade e co aforo establecido no protocolo Covid19.

O vindeiro luns, 15 de xuño, o Pavillón Municipal de Deportes de Baiona volverá a abrir as súas portas, pechadas pola crise sanitaria provocada pola COVID-19. A apertura, sempre pendente das circunstancias que dite a ‘nova normalidade’ estará marcada pola adopción de “estritas medidas de seguridade que permitan un funcionamento o máis normalizado posible e, ao mesmo tempo, unha total garantía de seguridade sanitaria para usuarios e usuarias”, sinala a concelleira de Deportes, Miriam Costas.

A paulatina volta á normalidade marcada pola entrada da Fase 2 da ‘desescalada’ permite o uso de determinadas instalacións deportivas, como é o caso das pistas de tenis e pádel do Concello de Redondela que, en todo caso, o farán con aforo restrinxido ao 30 % segundo indica expresamente o ‘Plan para a Transición cara á Nova Normalidade’.

O Club Natación Ponteareas vén de pechar unha extraordinaria fin de semana ao proclamarse Campión Galego de Fondo na categoría máster, por partida doble, nos campionatos galegos disputados na piscina de Santa Isabel en Santiago de Compostela onde o equpo ponteareán competía nas probas dos 800 e 1.500 metros.

O departamento de Deportes do Concello da Guarda ven de facer público o Calendario de Andainas de Primavera 2020 que constará dun total de 4 propostas a realizar entre o 21 de marzo e o 6 de xuño. As andainas, organizadas conxuntamente polo Concello guardés e Câmara Municipal de Caminha, teñen o obxectivo de dar a coñecer a paisaxe e o patrimonio da comunidade galega e o país veciño.

O II Enduro das Rosquillas traerá a Ponteareas a máis de 250 corredores e corredoras que percorrerán o monte da Picaraña nunha proba que forma parte do campionato de Enduro BTT da copa de Galicia. A ADC Picaraña xunto con Biziebike, organizadores do evento deportivo, subliñaron o éxito de inscrición desta segunda edición da proba "que cubriu todas as prazas ofertadas".

A presidenta da Deputación de Pontevedra, Carmela Silva, presentou hoxe a primeira edición da Pontevedra Trail League, iniciativa deportiva que conta coa colaboración da institución provincial e que xuntará a tres probas de referencia na provincia como son o Trail Adventure Muíños do Folón, o Trail do Románico e o Trail do Trega. No acto estivo acompañada por Anxela Fernández Callís, alcaldesa do Rosal; Mónica González, concelleira de Deportes de Silleda; Montse Magallanes, concelleira de Deportes da Guarda; Gorka Gómez, deputado de Deportes, e Justi Peixoto, organizador da proba.

Os deputados populares, Miguel Domínguez e Alejandro Lorenzo, visitaron esta pasada semana as instalacións de Pardellas, en Ponteareas, acompañados pola portavoz popular no Concello ponteareán, Belén Villar, para coñecer de primeira man a situación das instalacións deportivas municipais.

A concelleira de Deportes, Nahir Covelo, adiantou que, no Orzamento 2020, as axudas ao deporte incrementaránse nun 50% o que se concreta nunha nova partida de 25.000 € para subvencionar todo tipo de eventos deportivos que se celebran ao longo do ano en Ponteareas. Ao mesmo tempo mantense a partida de 50.000 € de apoio aos clubs deportivos

O alcalde da Guarda, Antonio Lomba e a concelleira de Deportes, Montserrat Magallanes, mantiveron na tarde deste venres 31 de xaneiro na sede da Casa do Deporte da Xunta de Galicia en Vigo, unha reunión co secretario xeral para o Deporte, José Ramón Lete Lasa e o xefe do servizo de Deportes de Pontevedra, Daniel Benavides Alonso de cara a trasladarlles as demandas existentes sobre o Pavillón Municipal de Deportes da Sangriña na Guarda, valorando a necesidade dunha reforma e ampliación.

A Asociación Deportiva Avanza estivo presente no medalleiro do Campionato de España de Ciclocross e o fixo a través da corredora ponteareá Uxía Soto que, no seu primeiro ano na categoría tivo que conformarse coa medalla de Prata cando, unha caida, privoulle do Ouro que tiña ao alcance da súa man.

O PP de Ponteareas denunciou que BNG e PSOE votaran en contra da moción popular na que instaban á Deputación de Pontevedra a dotar de céspede artificial o campo de Angoares e renovar o mantemento do de San Mateo.

A concellería de Deportes do Concello de Ponteareas vén de poñer en coñecemento de todos os interesados e interesadas que ata o día 10 de decembro, as e os deportistas federados de ponteareas poderán solicitar a axuda da bolsa que o Concello concede para a preparación das diferentes competicións nas que vaian participar.

O goberno local celebrará mañá xoves, ás 19:30 horas, na sala multiúsos do auditorio municipal Reveriano Soutullo, un encontro co tecido deportivo da localidade. O obxecto do encontro, no que estarán presentes o alcalde, Xosé Represas; a concelleira de deportes, Nahir Covelo e o concelleiro de Participación Cidadá, Roberto Mera, é expoñer as liñas de traballo e os obxectivos da área que dirixe a nacionalista Nahir Covelo.

O Goberno local de As Neves vén de iniciar o proceso de cambio do céspede do Campo Municipal de Fútbol ‘Pepe Capón’ que, logo do uso continuado durante 12 anos e os danos causados polo brutal incendio, presenta importantes deficiencias.

Arranca en Bilbao a 'III Volta Solidaria a España' coa que o Concello de Ponteareas colabora a través da Concellería de Eventos que dirixe a tenente de alcalde Cristina Fernández. Organizada pola asociación 'Muévete por los que no pueden' en colaboración co deportista Marcos Bajo, a terceira volta solidaria chegará a Ponteareas o vindeiro 18 de outubro tras percorrer media España en modaliade duatlón.

O Club Baloncesto Nigrán viviu onte sábado, no Pavillón Municipal de Panxón, unha xornada moi especial na festa de presentación de todos os seus equipos para esta nova e ilusionante tempada 2019/2020 na que o club de Nigrán terá representación en todas as categorías.

O secretario xeral para o Deporte, José Ramón Lete Lasa, visitou hai uns días a pista do Pavillón Óscar Pereiro, acompañado pola alcaldesa, Nidia Arévalo, para comprobar o estado dos traballos de mellora do parqué desta instalación deportiva e para os que, a Secretaría Xeral do Deporte, concedeu ao concello unha subvención de 20.000 euros.

O Club Aromon de Pontevedra, en colaboración coa Eurocidade Tui-Valença, dentro da VIII Liga Aromon Chema Sport, organizará a II Carreira Internacional de Orientación da Eurocidade. Celebrarase o domingo 13 de outubro.

Nuno Costa e Paula Mayobre foron os gañadores da '15 K do Atlántico Banco Mediolanum Multisport Camiño Portugués dá Costa' que se disputou entre Oia e A Guarda cun paso polo Rosal. Eles figuraban dentro do grupo de favoritos a impoñerse nunha proba consolidada dentro desta especialidade atlética e que reuniu a case 500 participantes.

O alcalde de Ponteareas, Xosé Represas, e a concelleira de Deportes, Nahir Covelo, apoiaron a presentación do trail Arcos-José Teixeira que chega a súa sexta edición. Organizada polos Caminhantes do Condado, esta proba forma parte da Copa Galega de carreiras por montaña absoluta, junior e cadete.

A VII 15 K do Atlántico Banco Mediolanum 'Multisport Camiño Portugués dá Costa' entrará nunha nova dimensión o próximo día 29, data na que se disputará a xa emblemática proba entre Oia e A Guarda pasando polo Rosal. Á marxe do espectacular percorrido, os organizadores dispuxeron dunha serie de actividades paralelas para converter o evento nunha gran festa do atletismo e tamén lúdica.

A concelleira de Deportes, Nahir Covelo, vén de poñer en coñecemendo das familias que xa se poden inscribir aos seus fillos e fillas no programa deportivo 'DepoEscolas' que ofrece a Deputación de Pontevedra, unha iniciativa dirixida a nenas e nenos en idade escolar.

Proseguen os traballos de procura dun participante no Triatlón da Amizade cuxa proba de natación desenvovíase en augas do Miño, en Goián, municipio de Tomiño. Pasadas as cinco e media da tarde de onte, a Axencia Galega de Emerxencias (AXEGA), a través do CIAE 112 Galicia, activaba o protocolo de colaboración transfronteriza no caso de emerxencias, ARIEM112, para tratar de localizar ao participante desaparecido de nacionalidade portuguesa.