Tag: orzamentos

O Partido Popular de Tomiño votou en contra dos orzamentos de 2021 porque ao seu entender son “un mero documento de funcionamento para o Concello, continuísta e que non recolle as necesidades que teñen as parroquias”.

O Concello de Tomiño aprobou onte de maneira inicial os seus orzamentos para o 2021 no pleno municipal. En total ascenden a 7.725.000 euros, incrementándose un 5% con respecto ao ano 2019 e lixeiramente superiores aos de 2020.

Cos votos do PSDG-PSOE e do BNG, o pleno da Deputación deu luz verde ao orzamento para 2021, “o máis transformador e o de maior investimento de toda a historia da institución”, como sinalou Carlos Font. “Somos a administración provincial que máis transfire aos concellos, a que máis transforma e a que ten unha idea clara de provincia, unha provincia, engadiu, que avanzou nestes anos como nunca tiña feito. Dino os sectores produtivos, dino a cidadanía, e dino os concellos, tamén os que goberna o PP”.

O concello de Ponteareas, no Pleno ordinario do mes de decembro celebrado o martes 29, vén de aprobar coa ampla maioría que conforma o goberno municipal de BNG-PSOE, 12 de 21 concelleiros, o orzamento para o exercicio 2021, despois de rexeitar as alegacións presentadas en base ao informe de intervención. Os partidos da oposición, PP e ACIP, cun total de 9 concelleiras/os votaron en contra.

No día de hoxe, 23 de decembro, celebrouse no concello da Guarda o pleno no que se debatía a cuestión de confianza do alcalde vinculada a aprobación dos orzamentos municipais para o ano 2021

A delegada territorial da Xunta en Pontevedra, Luisa Piñeiro, reafirmou esta mañá o “máximo compromiso” do Goberno galego co Concello de Crecente durante a súa visita institucional ao municipio, na que tamén anunciou que o proxecto de Orzamentos Autonómicos 2021 recolle uns investimentos iniciais por 357.000€.

O equipo de goberno do Concello da Guarda presentará este venres 18 de decembro os orzamentos do próximo exercicio para a súa aprobación inicial polo Pleno Municipal. O pasado mes de outubro comezaron os traballos de confección dun novo orzamento para o exercicio 2021, xa que o concello estaba traballando co prorrogado do ano 2018.

A coordinadora de Esquerda Unida Eva Solla, xunto coas concelleiras de EU Son do Porriño, Blanqui Francés e Patricia Sío valoraron en rolda de prensa os orzamentos da Xunta de Galicia que afectan ao Porriño. A concelleira de EU Son Porriño Patricia Sío, centrou a principal eiva dos orzamentos da Xunta na ausencia total de investimento tanto para a mellora do centro de saúde tanto en materia de infraestruturas como de medios humanos.

O Pleno da Corporación Municipal de Mondariz debate este mércores, 9 de decembro, sobre unha cuestión de confianza vinculada á aprobación dos Orzamentos Xerais para 2021, na que o alcalde, Xosé Emilio Barros, pon en xogo a súa continuidade no cargo, xunto ao seu equipo de Goberno.

O Pleno do Concello de Mos aprobou onte coa maioría dos votos da Corporación Municipal o orzamento para 2021. O documento foi aprobado cos votos a favor do goberno local, a abstención da concelleira non adscrita Verónica Costas e os votos en contra de PSOE, GañaMos e BNG.

O Pleno da Corporación do Concello de Baiona aprobou onte, de forma inicial e cos votos a favor do grupo de Goberno, os orzamentos para o 2021. As contas municipais increméntanse nun 10,72 % pasando dos 8,990,323,96 euros aos 9,954,498,23 euros (preto dun millón de euros), un teito "que garante a prestación dos servizos, con eficiencia e eficacia, para os veciños e veciñas de Baiona, aumenta considerablemente a partida destinada a emerxencia social e potencia os investimentos e actuacións no municipio" sinalou o Goberno baionés.

A Deputación de Pontevedra non aplicará na corporación provincial a suba salarial do 0,9 %. O deputado Carlos Font comunicou hoxe que o goberno retirará das bases do orzamento 2021 o paragrafo no que aparece que as retribucións da corporación variarán en función do que determinen os orzamentos xerais do estado. Font lamentou o “debate amarillista e cheo de lixo que tentou verter o PP e do que só podemos sentir vergoña porque lles vale todo”.

O alcalde de Ponteareas, Xosé Represas, e a tenente de alcalde, Chus Garrote, presentaron o orzamento do Concello para 2021, que suma un total de 18,3 millóns de euros. Entre as partidas que destacaron están as destinadas as políticas sociais, con máis de 3 millóns de euros. Os investimentos destinados a infraestructuras básicas como saneamento e de mellora de eficiencia enexética nos edificios públicos suman case 4 millóns de euros.

O Grupo Municipal do PP de Ponteareas lamenta a falta de diálogo do Goberno local que pretende aprobar, a semana que vén, o documento máis importante que ten o Concello, os seus Orzamentos. Os populares denuncian falta de diálogo e consenso ao presentar o documento "sen reunirse coa oposición e sen escoitar por tanto as nosas suxerencias”.

O equipo de goberno local atópase ultimando orzamento para 2021, e a alcaldesa, Nidia Arévalo, e o edil de Facenda e Contratación, Alberto Méndez, veñen de anunciar que a vindeira semana entregaranlle o documento rematado aos grupos políticos da oposición para que poidan estudalo.

O secretario xeral do PSdeG, Gonzalo Caballero, destacou hoxe que o goberno presidido por Pedro Sánchez “cumpre cunha demanda histórica de Galicia” ao destinar máis de 63,2 millóns de euros a bonificacións e rebaixas na AP-9 a través dos Orzamentos Xerais do Estado para 2021.

O Partido Popular denuncia que o Goberno local, co apoio de Ciudadanos, acaba de aprobar inicialmente os orzamentos de 2020 para o Concello da Cañiza con partidas baleiras para educación, sanidade, axudas para autónomos e empresas ou para o fomento do emprego, pero pola contra o documento si contempla a subida de soldos para todo o equipo de goberno.

O Concello de Salceda de Caselas ven de aprobar inicialmente o seu Orzamento Municipal para o ano 2020. As contas, por un total de 5.000.340 € supoñen un incremento de cerca de 200.000 € respecto do orzamento anterior, o que lle permite ao Concello ir achegándoo á súa necesidade real de gasto.

Alternativa por Mondariz –forza máis votada nas últimas eleccións municipais con 1.037 votos– vén de votar en contra dos Orzamentos presentados ante o Pleno polo Goberno ao apreciar a formación que encabeza o exalcalde Xoán Carlos Montes Bugarín, "un incremento notable do gasto que vai en contra da austeridade que o goberno, encabezado polo BNG, tanto proclama". Pola contra constátase AporM asegura constatar unha diminución en partidas "que resulta alarmante".

O goberno de Mondariz levou este venres ao Pleno da Corporación Municipal a súa proposta de Orzamento Xeral para o exercicio 2020, despois de varios meses de conversas cos diferentes grupos políticos. A proposta, que era austera pero incluía partidas para facer fronte a obrigas financieiras do Concello tan importantes como a débeda acumulada desde 2017 coa Xunta de Galicia pola xestión do Centro de Día, non foi aprobada polos votos en contra de Alternativa por Mondariz e Partido Popular, que superaron aos votos a favor de BNG, PSOE e Ciudadanos.

O Concello de Ponteareas aprobou este luns por unanimidade a modificación do orzamento por un importe de 1.137.000 euros, dos que máis de 650.000 € teñen como finalidade intentar paliar os efectos da crisis sanitaria do coronavirus no Concello. Este foi o segundo punto da orde do día da sesión extraordinaria e urxente celebrada onte, sendo o primeiro pleno virtual da historia de Ponteareas, utilizando o sistema telemático que permite a realización de Plenos, Comisións e Xuntas de Goberno Local non presenciais.

O goberno de Nigrán convocará para este mes un pleno extraordinario telemático para presentar o orzamento de 2020 cunhas contas de 14.064.655 € e o recoñecemento extraxudicial de crédito para o pago de 100.676 € correspondentes a 141 facturas de traballos convintemente realizados. Nigrán reafirma a súa aposta polo servizos incrementando a partida de Axuda a Domicilio dos 165.000 euros aos 580.000 €.

O Orzamento 2020 do Concello de Ponteareas, aprobado esta semana, destina 97.000 euros para que titulados e tituladas universitarias ou de ciclos formativos poidan realizar prácticas profesionais remuneradas en distintos departamentos do Concello. As prácticas realizaránse durante o presente ano 2020, desempeñando funcións da propia formación.

A concelleira de Deportes, Nahir Covelo, adiantou que, no Orzamento 2020, as axudas ao deporte incrementaránse nun 50% o que se concreta nunha nova partida de 25.000 € para subvencionar todo tipo de eventos deportivos que se celebran ao longo do ano en Ponteareas. Ao mesmo tempo mantense a partida de 50.000 € de apoio aos clubs deportivos

O alcalde de Ponteareas, Xosé Represas, deu conta dos investimentos en obras de saneamento previstas no orzamento do presente ano 2020 que irá a Pleno nas vindeiras semanas. Entre as actuacións, Represas destacou as obras de ampliación da depuradora e a construción de novos colectores xerais no entorno do núcleo urbano.

O PP de Ponteareas vén de expresar públicamente o seu rexeitamento á postura adoptada polo Goberno local de "torpedear" o traballo dos grupos da oposición. As manifestacións da portavoz popular, Belén Villar, foron realizadas logo de que o seu grupo recibira o venres pasado o documento dos Orzamentos 2020 e foran convocados ás comisións informativas esta semana.

O goberno BNG-PSOE do Concello de Ponteareas presentou publicamente o maior orzamento da historia da localidade. A intención do goberno de coalición é aprobalo neste mes de xaneiro. O presuposto pactado entre ambas as dúas forzas políticas ascende a 22,2 millóns de euros, fronte aos 16,9 millóns de euros de 2018, o que supón un incremento dun 34 %.

O PP de Ponteareas vén de denunciar o que, ao seu entender, é unha "falta de respecto" da Alcaldía cara aos grupos da oposición aos que "continuamente obstaculiza o seu traballo". Belén Villar asegura que, sobre a intención do alcalde de aprobar os orzamentos de 2020 o próximo 26 de decembro non teñen máis información "que o publicado estes días polos medios de comunicación".

A previsión do goberno do BNG e PSOE de aprobar os presupostos de 2020 no vindeiro pleno ordinario do día 26 vén de quedar truncada logo do "plantón" que, segundo o Goberno local, lle deron os os sindicatos ao non presentarse á mesa de negociación convocada o pasado mércores.

A Corporación do Concello de Ponteareas, por iniciativa do Goberno local, aprobou por unanimidade instar á Xunta de Galicia e ao Parlamento Galego a atender as demandas prioritarias de Ponteareas, moitas delas reclamadas dende hai anos, contemplando nos seus orzamentos para 2020 as partidas económicas precisas para servizos tan básicos como abastecementos e saneamentos.

A Deputación de Pontevedra xa dispón de orzamento para o ano 2020. O pleno aprobou hoxe as contas que ascenden a 161 millóns de euros e que o deputado Carlos Font definiu como “o mellor orzamento da historia da institución, e o que da resposta aos grandes retos da provincia. É unha oportunidade histórica de futuro, equidade, compromiso e autonomía local".

Os socialistas da comarca do Baixo Miño mantiveron no día de onte en A Guarda unha xuntanza co deputado autonómico Julio Torrado, para analizar os orzamentos autonómicos para o ano 2020 que están en fase de tramitación. Os socialistas esixen “seriedade” á Xunta de Galicia, coa que manifestaron a súa “decepción” por uns orzamentos que obvian algunhas cuestións esenciais para a comarca, pero que pola contra presentan partidas “repetidas” ano tras ano.

O Goberno de Redondela denunciou hoxe o que consideran “un novo insulto á cidadanía de Redondela” ao constatar que nos Orzamentos da Xunta de Galicia para o 2020, “non se contempla nin un euro para a reforma da Avenida Mendiño” e tan só se consignan 100.000 euros, a metade do pasado ano, para as obras de Mellora de abrigo no Porto de Cesantes.

A presidenta da Deputación de Pontevedra, Carmela Silva, remitiu hoxe unha carta ao presidente do Parlamento galego, Miguel Santalices, na que lle recorda “que as administracións locais non están supeditadas a ningunha outra administración, e que é a propia Constitución a que establece o principio de autonomía local que debe ser respectado por todas as administracións”.

A alcaldesa, Eva García de la Torre denunciou hoxe que “por quinto ano consecutivo castigase a Porriño con cero euros de inversión nos Orzamentos Xerais de Galicia”. Segundo o proxecto presentado pola Xunta ante o Parlamento, non aparecen ninguna partida orzamentaria para Porriño para 2020.

O goberno de Mondariz, BNG-PSOE, rematou esta semana os primeiros contactos políticos para establecer unha folla de ruta no proceso de elaboración do novo plan orzamentario municipal. O concelleiro de Facenda, José Luis Fernández, recibiu do alcalde, Xosé Emilio Barros, a encarga de iniciar esta importante labor e así llo fixo saber a todos os partidos políticos representados no Pleno da Corporación Municipal "a través dunha convidación formal a manter unhas primeiras reunións por separado".

Alternativa por Mondariz anunciou hoxe a súa intención de non asistir a unha “reunión individual” convocada polo Goberno do BNG-PSOE de cara a tratar a elaboración dos Orzamentos 2020. A formación que encabeza Xoán Carlos Montes Bugarín pide ao Goberno que "aposte pola transparencia" en reunións abertas a todos os partidos da Corporación.

O Pleno do Concello de Oia aprobou definitivamenteo Orzamento para o ano 2019, cos votos a favor do Partido Popular e os votos en contra dos grupos da oposición, por un importe de 1.683.887,76 euros, o que supón un incremento dun 13 % respecto do orzamento prorrogado...