7.7 C
Pontevedra
Xoves, 1 de Decembro de 2022
Máis
    HomeLouriñaMosMos celebra unha reunión sindical sobre o orzamento 2023

    Mos celebra unha reunión sindical sobre o orzamento 2023

    Mos celebra unha Mesa Sindical como primeiro paso do novo orzamento municipal para o vindeiro ano 2023.

    Onte celebrouse unha reunión cos representantes dos sindicatos do Concello de Mos, na que estiveron presentes a alcaldesa, Nidia Arévalo, a concelleira de Persoal, Julia Loureiro, o Secretario Municipal, o Interventor, e a técnico de Persoal. 

    O motivo da xuntanza foi tratar cos representantes sindicais do Concello a partida de persoal no orzamento municipal para o próximo ano, que se incrementará nun 3,5% polo acordo estatal entre Goberno Central e sindicatos nas retribucións dos empregados das Administracións Públicas. Ademais, esta subida salarial aumentará nun 9% a dotación económica destinada ao capítulo de persoal do orzamento municipal de aquí ao ano 2024.

    A rexedora local mosense declarou sobre a xuntanza que durante a mesma quedou patente “a extraordinaria relación entre goberno, traballadores e sindicatos” e explicou que durante a mesma “tamén recollemos diversas peticións dos representantes sindicais tales como a revisión do plan de pensións e a creación dun fondo social. Informamos, así mesmo, sobre os avances na oferta extraordinaria de estabilización do emprego público”. Oferta que permitirá a funcionarización de ata 31 traballadores municipais, actualmente en réxime de persoal laboral e interino, e sobre a que na reunión desta mañá se informou de que este mes serán publicadas as bases xerais e o proceso levarase a cabo durante o período 2023-2024.

    Os representantes sindicais abordaron tamén unha posible modificación da RPT (Relación de Postos de Traballo) pero, dado que o documento é aínda xoven, pois a última modificación foi aprobada en 2019, a devandita nova modificación non se abordará ata o ano que vén, coa nova Corporación Municipal e iniciada a vindeira lexislatura, tal e como informaron as representantes municipais, Arévalo e Loureiro.

    Orzamento 2023

    Sobre o orzamento municipal para o vindeiro ano a alcaldesa mosense declarou que “levamos xa case un mes traballando nel e nas vindeiras semanas entregarémosllo á oposición para levalo a aprobación no Pleno do presente mes de novembro. Unha vez máis aprobarémolo en tempo e forma, antes do inicio do novo exercizo”.

    “Será un orzamento de 12 millóns de euros sen cambios drásticos respecto ao anterior. Destaca como durante os últimos anos, a partida destinada a Política Social, que é a máis elevada de todo o orzamento. Para min a partida de Política Social é a máis importante do orzamento. Tamén haberá un incremento do gasto en servizos, como por exemplo o de recollida de lixo, cuxo importe anual elévase a case o dobre, pasando de 525.149,94 euros (sen IVE) aos 1.024.847,34 euros (sen IVE)” concluíu Nidia Arévalo.

    COLABORACIÓNS

    Alba Guzmán Falcón, «Xoaniña de Deus»

    Alba Guzmán era, ata o de agora, unha autora practicamente descoñecida para o gran público, a pesar de contar no seu haber cunha morea de premios en certames de poesía e tamén de narrativa.

    Henrique Dacosta, «O estraño caso da bicicleta amarela»

    Henrique Dacosta vén de entregar ao prelo unha nova proposta narrativa. E digo “narrativa” e non digo ben, pois este volume, «O estraño caso da bicicleta amarela», leva o clarificador subtítulo de «Oito contos e unha traxicomedia» e tal é o contido da obra: oito relatos breves de extensión variable e unha pequena peza teatral, a primeira da que teñamos constancia e da que falaremos máis adiante.

    Xavier Queipo, «Algoritmos»

    «Algoritmos» é un libro sorprendente, algo que, vindo de Xavier Queipo, xa deixou de ser unha novidade. Non estamos a falar dunha novela, nin sequera dunha colección de contos, senón de algo diferente.

    Visión a corto plazo

    Estos días, hablando con varios amigos sobre la situación global del mundo, pues caímos en la conclusión de algo que salta a la vista, pero que nos olvidamos continuamente, la falta de visión a largo plazo de nuestros políticos.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    73 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    5 POSTS0 COMMENTS
    Avatar
    1 POSTS0 COMMENTS