16.6 C
Pontevedra
Venres, 14 de Xuño de 2024
Máis
    HomeÉ NoticiaO PSOE pide "iniciar o debate" sobre o II Pacto Local, "o...

    O PSOE pide “iniciar o debate” sobre o II Pacto Local, “o PP ten que decidir se é municipalista ou prefire o dedazo e reparto discrecional”

    Begoña Rodríguez Rumbo sinala que “é o momento” xa que pasaron 15 anos dende a súa sinatura “sen que este se teña desenvolto na súa totalidade” e cando a Xunta emprega un “sistema caciquil” para repartir os fondos aos concellos da súa mesma cor política

    A voceira de Orzamentos do Grupo Socialista, Begoña Rodríguez Rumbo, vén de pedir “iniciar o debate” sobre un II Pacto Local de Galicia no seo da Comisión Galega de Cooperación Local, xa que “o PP ten que decidir se é un partido municipalista ou se prefire o dedado e o reparto discrecional”. Fíxoo, onte, no Pleno do Parlamento trala presentación dunha proposición non de lei neste senso, que será votada na sesión de mañá polos grupos da Cámara.

    Pasados 15 anos da súa sinatura “sen que se teña desenvolto na súa totalidade”, a voceira de Orzamentos do Grupo Socialista, Begoña Rodríguez Rumbo, sinalou que “é o momento” de actualizar o Pacto Local para establecer “claramente” as competencias de cada administración, así como “a suficiencia financeira” para levalas a cabo.

    “O Grupo Parlamentario que sustenta o goberno en Galicia debe decidir se realmente son un partido municipalista ou se van permitir que, novamente, os concellos galegos sexan os irmanciños pobres dentro da estrutura da administración”, reivindicou, nesta liña, a responsable socialista.

    Con todo, Rodríguez Rumbo enxalzou o papel dos municipios galegos que “tiveron que atender á súa veciñanza” durante a pandemia “asumindo os custes de competencias propias da Xunta” en áreas como educación, sanidade ou políticas sociais.

    Fronte a isto, lamentou, “no canto de poñerse ao carón do goberno do Estado e dos concellos sumando esforzos para loitar todos xuntos e saír o máis axiña posible desta tripla crise, a Xunta decidiu unir esforzos con outros gobernos da súa mesma cor política, liderados pola súa homónima madrileña, a señora Díaz Ayuso, para crispar, entorpecer e criticar ante unha situación de tanta gravidade xamais coñecida”.

    De feito, a pesares dos fondos recibidos pola Xunta “que para o orzamento de 2021 supuxo un incremento duns 1.500 millóns de euros, o goberno galego non ten distribuído nin un só euro para que os concellos galegos puidesen facer fronte aos gastos ocasionados nos seus territorios para evitar a propagación do virus”.

    Por todo isto, subliñou, “os deputados e deputadas do PP deben decidir se seguen en contra do municipalismo galego ou se, dunha vez, van permitir que os concellos galegos reciban un financiamento máis axeitado ás necesidades orzamentarias que teñen para prestar, con estándares de calidade, os servizos da súa competencia, a través dunha lei pactada coa Fegamp”, tal e como solicita a propia federación.

    Nesta liña, Rodríguez Rumbo urxiu a actualización do Pacto Local, asinado en xaneiro de 2006, cando a distribución de fondos públicos por parte da Xunta realízase a través dun “sistema caciquil de dedado” que “favorece a algúns dos gobernos locais que son da súa mesma cor política”, sen que isto reverta o “desequilibrio territorial” en “infraestruturas físicas, económicas e sociais” dos concellos galegos.

    Saúdos, Comunicación PSdeG-PSOE

    údos, Comunicación PSdeG-PSOE

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.