9.3 C
Pontevedra
Luns, 24 de Xaneiro de 2022
Máis
    HomeLouriñaO PorriñoO PP do Porriño lamenta que o goberno volva a recurrir a...

    O PP do Porriño lamenta que o goberno volva a recurrir a modificacións de crédito para “maquillar” a facturación irregular

    O grupo municipal do Partido Popular do Porriño criticou que o Goberno Municipal do Porriño recorra novamente a unha modificación orzamentaria para “maquillar”, valéndose da corporación, case 900.000 euros de facturación irregular.

    “O lavado de cara do bipartito non se sostivo nin uns días”, valorou o voceiro, Alejandro Lorenzo. “O `novo goberno´ arrinca a súa xestión pretendendo branquear centos de miles de euros a través do pleno en facturas por traballos contratados de maneira irregular e a sabendas das gravísimas irregularidades que se están levando a cabo. Como era previsible, cambian as caras pero non as formas”.

    Fai referencia Lorenzo ao suplemento de crédito que PSOE-BNG pretenden aprobar para dar cobertura a facturación irregular por servizos de informática, conserxería e telefonía; simulando a necesidade de dotar de crédito partidas para facer fronte ás consecuencias da Covid e outras licitacións.”

    Unha vez máis tentan enganar á cidadanía e ocultar as irregularidades da súa xestión”, denuncia o edil. “A facturación que realmente se vai a pagar a través desta modificación é por traballos facturados de maneira sistemática que non contan con partida orzamentaria, realizados sen ningún tipo de contrato durante máis de catro anos, algo que de terse licitado sería competencia do Pleno”.

    Neste sentido, o voceiro dos populares lamenta que “se siga baleirando de competencias ao pleno” ao asumir a Alcaldía unilateralmente as funcións do órgano de goberno para poder pagar esta facturación irregular.

    Unha clara evidencia da falta de previsión do bipartito e a súa incapacidade de xestionar as contas municipais é a falta de cobertura orzamentaria do Servizo de Axuda no Fogar. “Existe unha licitación desde 2020 e non existe previsión algunha en 2021”, critica Alejandro Lorenzo, “non hai diñeiro para isto pero tanto o alcalde en funcións, Pedro Pereira, como a anterior alcaldesa, fixeron ata 16 transferencias de crédito por decreto por importes que superan os 500.000 euros. A última delas hai apenas 10 días, por máis de 60.000 euros para pagar, entre outras cuestións, os adornos de Nadal. Esas son as súas prioridades, a unha partida inicial en festexos de 545.000 euros súmanlle 60.000”.

    Así, O Porriño neste ano 2021 gastou máis de 115.000 euros nas festas do Nadal, pero non dota de partida orzamentaria os gastos recurrentes e esenciais, algo que agora pretenden cargarlle ao Pleno para que resolva a falta de xestión total e absoluta.

    “Á falta de previsión súmase a necesidade de ocultar o desastre económico no que sumiron a este Concello acumulando millóns de euros en facturación irregular”, critica Lorenzo. “Teñen que poñer fin a estas prácticas, ser honestos coa cidadanía e responsabilizarse da súa xestión. A bola que están a crear cada vez é máis grande e está a arrastrar ao pobo do Porriño”.

    COLABORACIÓNS

    Xosé Monteagudo, «Eternity»

    Xosé Monteaguro volve a sorprendernos coa súa nova novela, «Eternity», que chega a nós avalada polo premio de narrativa breve Repsol do ano pasado. Nesta ocasión o autor indaga sobre a eterna arela de transcendencia alén da morte, pois a trama desenvólvese arredor da creación dunha empresa tecnolóxica (que presta o título ao relato), ideada para preservar a memoria dos falecidos. Un auténtico cemiterio virtual ateigado de narracións do que foron as vidas dos seus inquilinos, relatadas por familiares e amigos. Deste xeito achégase á idea da morte dende unha perspectiva diferente, pois o protagonismo está na reconstrución das vidas dos mortos, no recurso da memoria como bálsamo para aliviar a perda do ser querido.

    ¡Llega el 2022! el año de los patitos… ¡esperemos que no feos!

    Ha finalizado el año 2021, ese que todo el mundo decía que iba a ser el de la recuperación, el del adiós del dichoso Covid. Ilusos. Algunos pensaban que al comenzar el 2021, con las vacunas ya comenzando a administrarse a la población, el dichoso virus iba a desaparecer cómo un mal sueño. La realidad ha resultado ser muy diferente.

    «A nena lectora» de Manuel Rivas e «De cando o Suso foi Carteiro» de Xosé Neira Vilas, dúas ideas para a ‘carta aos Reis Magos’

    É tradición neste Andel colocar algúns libros para nenos cando chegan as datas do Nadal e este ano, por aquilo de manter as nosas vellas teimas, traemos dúas obras que de seguro farán as delicias dos máis pequenos (e dos non tan pequenos, que nunca somos demasiado vellos para deixarnos enredar por unha obra ben escrita). Pertencen a dous autores que non dubidamos en considerar clásicos: Manolo Rivas e Xosé Neira Vilas, que é tanto como dicir dúas apostas sobre seguro. Teñámolos moi presentes á hora de redactar a nosa misiva aos Reis Magos.

    Rumbo al 2022

    Todos necesitamos pulsar el botón “reset” de vez en cuando, poner un punto y final y volver a empezar de cero. Sin duda, el 1 de enero es el mejor momento, o eso dice el mundo que nos rodea.

    Colaboradores

    Alberto Aliaga Sola
    15 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    8 POSTS0 COMMENTS
    Manrique Fernández
    55 POSTS0 COMMENTS
    Paz de la Peña
    38 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS