Tag: medio ambiente

O concello de Redondela colabora coas mariscadoras na retirada de algas nos bancos marisqueiros. Concretamente na praia de Cesantes nunha xornada de traballo incansable das mariscadoras de Redondela retirando “abono”, como lle chaman estas mulleres do mar a esta manta de algas que se forma e que pon en perigo os cultivos dos bancos marisqueiros.

A concellería de Medio Ambiente, que dirixe Rosa Covelo, fai un novo chamamento á cidadanía para conseguir unha vila máis limpa e rematar co depósito de lixo fóra dos puntos axeitados. Covelo lembra que a cidadanía dispón dun amplo servizo de recollida de lixo que abrangue a recollida diaria, a recollida á demanda semanal de enseres e o punto limpo.

O Concello do Rosal porá en marcha este mes o ciclo de charlas ‘Li-xo, que non che soe a chino’, unha serie de encontros por diferentes barrios do municipio para explicar á veciñanza como funciona a xestión do lixo que se produce nas casas e resolver calquera tipo de dúbida sobre a reciclaxe.

A concellería de Medio Ambiente, que dirixe Rosa Covelo, e a concellería de Educación, que dirixe Cristina Fernández, implican aos centros educativos de primaria na plantación de árbores autóctonas co obxectivo de "concienciar sobre a importancia do medio natural para o benestar das persoas e achegar aos máis pequenos e pequenas coñecementos sobre as nosas especies arbóreas".

A presidenta da Deputación de Pontevedra Carmela Silva participou na clausura do Cume do Clima COP25 onde interveu na mesa de debate 'Os compromisos internacionais dos gobernos locais', no marco da xornada 'Os retos dos gobernos locais fronte ao cambio climático', que foi inaugurada no IFEMA de Madrid polo Secretario de Estado de Medio Ambiente, Hugo Morán, e polo presidente da FEMP Abel Caballero.

O Concello de As Neves ven de adquirir un novo furgón e remolque para completar a renovación da flota municipal de vehículos. O novo vehículo, unha furgoneta destinada ao transporte das brigadas que traballan na xestión de medio ambiente, foi comprado grazas a unha subvención de compensación ambiental que cubriu o cen por cen do seu custo.

Persoal e maquinaria da concesionaria 'Ascan' co apoio de funcionarios e técnicos do Concello do Porriño realizaban hoxe a tala de outras catro árbores do Parque do Cristo que presentaban risco de derrubarse. Os traballos permitiron retirar un plataneiro situado dentro do recinto de xogos, e tres...

O próximo Domingo día 29 de Setembro celebrase a 'XII Limpeza simultánea de Ríos en toda Galiza' e, como o vén facendo case que dende o comezo desta iniciativa, 'Defendendo o Tea', en colaboración co 'Proxecto Ríos' de Adega, mollarase unha vez máis polo río e polo medio ambiente.

Co obxectivo de dar un paso máis na protección do medio ambiente e poñer en valor o patrimonio natural, o Concello de Ponteareas vén de sacar a licitación os primeiros traballos do parque forestal Seixiforna-Viveiro no monte veciñal de Xinzo e Ribadetea por un importe de máis de 60.000 euros.

A concellería de Medio Ambiente, que dirixe Rosa Covelo, convida a toda a cidadanía a participar na Carreira de Orientación que terá lugar o vindeiro domingo 22 de setembro. Cun custe de inscrición case que simbólico, 4 euros para adultos e 3 € para nenos e nenas, todas as persoas participantes colaborarán coa protectora de animais Os Biosbardos que recibirán o importe das inscricións.

O Concello de Mos vén de informar que, ante as deficiencias detectadas nas últimas semanas no servizo de recollida de lixo por mestura no mesmo camión dos residuos orgánicos procedentes dos colectores verdes, cos plásticos e envases lixeiros depositados nos amarelos, así como o papel e cartón dos azuis, a administración local abriulle á empresa concesionaria do servizo, Urbaser, un expediente sancionador por infracción moi grave.

O Concello de Redondela comezou este luns a limpeza das marxes do río Alvedosa no seu tramo máis urbano, é dicir, o comprendido entre a 'Casa da Torre' e o campo da Feira. A Concellería de Medio Ambiente dá resposta así a diversas solicitudes de veciños e veciñas que pedían a retirada da maleza. En todo caso, a limpeza do cauce do río "non se acometerá ata o outono, por recomendación tanto das técnicas do Concello coma de Augas de Galicia”, explica o concelleiro de Medio Ambiente, Roberto Villar.