17.9 C
Pontevedra
Mércores, 5 de Outubro de 2022
Máis
    HomeBaixo MiñoOiaO Concello de Oia pon a disposición da veciñanza o modelo de...

    O Concello de Oia pon a disposición da veciñanza o modelo de alegacións contra o parque eólico do Merendón

    O documento está dispoñible na web municipal para a súa descarga

    Despois da reunión veciñal sobre o parque eólico do Merendón mantida o martes en Loureza, e tal e como alí se acordou, a páxina web do Concello de Oia vén de incorporar o modelo de alegacións descargables.

    O documento está accesible desde o mércores, nos formatos Word e PDF, no apartado da web municipal dedicado ao proxecto eólico do Merendón. Así, queda a disposición de todos os veciños e veciñas que queiran presentar as súas propias alegacións en contra deste proxecto eólico. Para facelo, a persoa interesada deberá descargar, cubrir e asinar o modelo, e presentalo no rexistro municipal (de xeito presencial ou telemático) xunto co seu DNI. O prazo remata o próximo día 14.

    O antedito modelo de alegacións está dispoñible no seguinte apartado da web do Concello de Oia: https://www.concellodeoia.es/parque-eolico-do-merendon/ Nesta sección se inclúe a documentación relativa ao expediente do proxecto eólico do Merendón e máis os modelos de alegacións.

    O proxecto do Merendón prevé a construción de 5 aeroxeneradores nos concellos de Oia (nas parroquias de Santa María de Oia e Loureza) e O Rosal. Esta actuación afectaría a espazos como as áreas de interese paisaxístico do Chan da Valga ou os Muíños do Folón e do Picón, ámbitos que tamén presentan importantes valores ambientais e patrimoniais.

    Alegacións do Concello

    O Concello está a ultimar as súas alegacións contra o proxecto eólico, nas que manifestará o seu rexeitamento atendendo aos posibles prexuízos sociais, paisaxísticos e ambientais que causaría a súa posta en marcha. Unha vez presentadas, actualizará o apartado web para incluír o documento oficial, ao igual que no seu momento fixo co parque eólico Albariño I.

    Así mesmo, irase informando sobre outros proxectos eólicos que teñan afección no municipio.

    COLABORACIÓNS

    Heterodoxos

    A editorial Galaxia vén de sacar do prelo unha nova colección que, baixo a denominación xenérica de «Heterodoxos», pretende darlle voz a autores ou obras que, polas súas peculiaridades, non teñen cabida dentro das coleccións habituais das editoriais.

    Teatro para nen@s

    Sempre fun dos que defenden a valía do teatro como asignatura en todos os niveis da educación. Polas súas evidentes compoñentes pedagóxicas e pola súa capacidade para aprender a expresarnos en público e a empatizar con outros, tan distintos de nós, merecería un espazo de honra no noso curriculo educativo. Por iso non quero deixar pasar o inicio do novo curso escolar sen facer un par de recomendacións de pezas teatrais dirixidas aos máis pequenos da casa.

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    69 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS