14.4 C
Pontevedra
Venres, 21 de Xaneiro de 2022
Máis
    HomeÉ NoticiaA Federación Ecoloxista Galega en pé pola defensa dos montes

    A Federación Ecoloxista Galega en pé pola defensa dos montes

    Máis de 170 colectivos, plataformas e entidades galegas de carácter ecoloxista, veciñal, social, cultural, sindical ou político que forman parte da coordinadora “Eólica Así Non”, e chaman a participar na multitude de accións descentralizadas por toda Galicia que se celebrarán o vindeiro sábado 11 de Decembro, día mundial das montañas, nunha grande mobilización fronte á actual invasión eólica.

    Non é casualidade que se elixira este día e o lema NA DEFENSA DAS MONTAÑAS, EÓLICA ASÍ NON. Na actualidade as administracións galega e estatal están a tramitar máis de 300 proxectos de instalacións de produción de enerxía eólica e case outras tantas liñas de alta tensión, de evacuación da electricidade que alí se produciría. Estes proxectos, que se aproveitan dunha falla de ordenamento escandalosa, non respectan as necesidades de conservación do noso patrimonio natural, cultural, social e paisaxístico. E as principais prexudicadas van ser as nosas montañas; de levarse adiante aínda que sexa so unha parte destes proxectos, a súa fisionomía cambiaría por completo, e os ecosistemas, os recursos as paisaxes veríanse seriamente degradados.

    Ninguén dubida da necesidade presente e futura da enerxía eólica. Pero esta necesidade non so pode, senón que debe, facerse compatible coa conservación dos nosos sistemas naturais e culturais, das nosas paisaxes e, en definitiva, das nosas oportunidades de futuro como sociedade. Resulta en primeiro lugar imprescindible realizar un esforzo para reducir o consumo de todas as formas de enerxía, e existe un grande campo de posibilidades no terreo da diminución na demanda enerxética, para poder acadar os obxectivos de redución de emisións de gases de invernadoiro que nos temos proposto. Resulta imprescindible tamén e ao mesmo tempo realizar dunha forma ordenada a implantación das enerxías alternativas que permita cubrir as nosas necesidades e manter a integridade dos nosos sistemas naturais.

    Pero na actualidade, estanse a tramitar proxectos que ameazan a conservación dos ecosistemas e mesmo dos nosos sistemas produtivos baseados na explotación sostible dos nosos recursos naturais, proxectos que son unha verdadeira ameaza para a supervivencia das poboacións rurais e para o turismo sostible que viña gañando peso nos últimos anos. Moitos destes parques proxectados ocupan terreos dedicados á protección de acordo coa Directiva 92/43/CEE, relativa á Conservación de Hábitats Naturais e da Fauna e Flora Silvestres ao instalarse en áreas protexidas da Rede Natura 2000 ou nas zonas de protección dos hábitats da lista da Directiva que teñen establecido tanto a Xunta de Galicia como o MITECO. O número de proxectos e as súas dimensións, e a ocupación dos nosos sistemas montañosos, crean un escuro panorama para o futuro da natureza pero tamén para o futuro da sociedade rural; todo indica que, coa desculpa da transición enerxética, preténdese levar a cabo un disparatado negocio que vai provocar un serio dano e a comprometer o progreso.

    Diante desta ameaza, dende a Federación Ecoloxista Galega amosan o seu total apoio ás 22 mobilizacións que están convocadas en todo o territorio galego e chaman a participar aos cidadáns en defensa dun cambio sostible e razoable, que permita conservar a natureza, os recursos, as paisaxes e os valores.

    COLABORACIÓNS

    Xosé Monteagudo, «Eternity»

    Xosé Monteaguro volve a sorprendernos coa súa nova novela, «Eternity», que chega a nós avalada polo premio de narrativa breve Repsol do ano pasado. Nesta ocasión o autor indaga sobre a eterna arela de transcendencia alén da morte, pois a trama desenvólvese arredor da creación dunha empresa tecnolóxica (que presta o título ao relato), ideada para preservar a memoria dos falecidos. Un auténtico cemiterio virtual ateigado de narracións do que foron as vidas dos seus inquilinos, relatadas por familiares e amigos. Deste xeito achégase á idea da morte dende unha perspectiva diferente, pois o protagonismo está na reconstrución das vidas dos mortos, no recurso da memoria como bálsamo para aliviar a perda do ser querido.

    ¡Llega el 2022! el año de los patitos… ¡esperemos que no feos!

    Ha finalizado el año 2021, ese que todo el mundo decía que iba a ser el de la recuperación, el del adiós del dichoso Covid. Ilusos. Algunos pensaban que al comenzar el 2021, con las vacunas ya comenzando a administrarse a la población, el dichoso virus iba a desaparecer cómo un mal sueño. La realidad ha resultado ser muy diferente.

    «A nena lectora» de Manuel Rivas e «De cando o Suso foi Carteiro» de Xosé Neira Vilas, dúas ideas para a ‘carta aos Reis Magos’

    É tradición neste Andel colocar algúns libros para nenos cando chegan as datas do Nadal e este ano, por aquilo de manter as nosas vellas teimas, traemos dúas obras que de seguro farán as delicias dos máis pequenos (e dos non tan pequenos, que nunca somos demasiado vellos para deixarnos enredar por unha obra ben escrita). Pertencen a dous autores que non dubidamos en considerar clásicos: Manolo Rivas e Xosé Neira Vilas, que é tanto como dicir dúas apostas sobre seguro. Teñámolos moi presentes á hora de redactar a nosa misiva aos Reis Magos.

    Rumbo al 2022

    Todos necesitamos pulsar el botón “reset” de vez en cuando, poner un punto y final y volver a empezar de cero. Sin duda, el 1 de enero es el mejor momento, o eso dice el mundo que nos rodea.

    Colaboradores

    Alberto Aliaga Sola
    15 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    8 POSTS0 COMMENTS
    Manrique Fernández
    55 POSTS0 COMMENTS
    Paz de la Peña
    38 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS