9.6 C
Pontevedra
Xoves, 28 de Marzo de 2024
Máis
    HomeO CondadoPonteareasVoluntarios retiraron esta fin de semana plásticos, latas, botellas e embalaxes do...

    Voluntarios retiraron esta fin de semana plásticos, latas, botellas e embalaxes do parque forestal da Picaraña

    Ponteareas continúa coa súa campaña de recollida de lixo e limpeza nos seus montes e contornas naturais para preservar o medio ambiente, evitar a contaminación e mesmo reducir o risco de incendios. Esta fin de semana un grupo de voluntarios e voluntarias levaron a cabo unha nova xornada de limpeza para retirar todo o lixo abandonado no parque forestal da Picaraña. Unha mañá de traballo na que as e os participantes recolleron, entre outros residuos, moitos plásticos e vidro, unha gran cantidade de latas e botellas, embalaxes e ata asentos de automóbil.

    O edil de Mocidade e Voluntariado, Miguel Bouzó, quixo agradecer en nome do Concello o gran labor realizado por parte de todas e todos os participantes, especialmente o da ADC Picaraña, “non soamente pola súa colaboración nesta recollida, senón por todo o traballo que desenvolven ao longo de todo o ano para manter o parque forestal da Picaraña como un lugar vivo e atractivo”.

    O programa de voluntariado ambiental xuvenil posto en marcha polo Concello busca concienciar á mocidade sobre a importancia de conservar a contorna natural e implicala para facer de Ponteareas unha vila medioambientalmente máis sostible.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.