O Concello de Redondela desenvolve, durante toda esta semana, actividades medioambientais dirixidas a nenos e nenas do municipio. A través da construción de caixas-niños para paxaros, a iniciativa busca o dobre obxectivo de, por unha banda, concienciar aos nenos a partir dos 7 anos sobre a importancia que as aves teñen para o equilibrio medioambiental e, por outra, permitir a conciliación laboral das familias durante as vacacións de Semana Santa.
Nas actividades, que se desenvolven no Meirande de Rande e no Multiúsos da Xunqueira, participan máis de 60 rapaces e rapazas que, posteriormente, instalarán as caixas-niños construídas na contorna da Alameda Castelao de Redondela, Museo Meirande de Rande e Multiúsos do Piñeiral do Crego de Chapela.
Con estas iniciativa en marcha, non entende á alcaldesa Digna Rivas, as críticas do PP local sobre a non realización de Campamentos de Semana Santa e sobre a falta de actividades que permitan a conciliación da vida laboral e familiar das veciñas e veciños.
“Unha vez máis, e xa non é novidade, o PP recorre a terxiversación da realidade coa clara intención de desgastar ao Goberno”, afirma Digna Rivas quen asegura que “fronte a iso, o Goberno socialista ofrece feitos concretos e datos irrefutables sobre a potenciación das actividades de conciliación”.
Lémbralle a alcaldesa aos populares redondeláns “que fronte ao mes de campamento de conciliación que ofrecían os Gobernos conservadores, o Goberno socialista realiza campamentos gratuítos durante os meses de xullo e agosto, incrementando polo tanto o orzamento destinado á conciliación, algo que eles non foron quen de facer”.
De feito o Concello de Redondela oferta, durante o verán, campamentos de conciliación, totalmente gratuítos, durante os meses xullo e agosto e cun sistema de inscrición quincenal que permite a participación de maior número de nenos e nenas. De igual xeito, no Nadal o Goberno socialista optou pola ampliación dos campamentos de conciliación “que cobren a totalidade das vacacións escolares, e non só unha parte das mesmas como viña sendo habitual cos anteriores gobernos do PP”.
En todo caso a Digna Rivas non lle sorprende a actitude dun PP de Redondela “instalado dende hai tempo na terxiversación e a falsidade, aplicando continuamente a política de ‘todo vale’ á hora de desgastar a este Goberno”.
O Concello desenvolve actividades medioambientais para nenos e nenas durante a Semana Santa en Redondela e o Meirande
Ante as críticas dos populares, a alcaldesa lembra “que o Goberno socialista incrementou a partida orzamentaria para os campamentos de conciliación ampliándoos a dous meses durante o verán e a totalidade das vacacións escolares de Nadal”
LIBROS
A pegada de «Ronsel»
A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.
Dores Tembrás, «Enxertos»
A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades
Queridos Reis Magos…
Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.