12.3 C
Pontevedra
Mércores, 20 de Xaneiro de 2021

Tag: igualdade

Doce mulleres baionesas, protagonistas do calendario 2021

A Concellería de Igualdade do Concello de Baiona en vista do éxito das Axendas Igualitarias 2021 edita un calendario para o ano 2021 coa historia das 12 mulleres baionesas protagonistas desta axenda. Esta acción ven a por o remate do proxecto 'Igualdade todo o ano' impulsado pola concellería no seu compromiso por levar a cabo actuacións de promoción da igualdade entre mulleres e homes e contra as violencias machistas.

O Rosal tínguese de cor e mensaxe coa intervención artística da ilustradora Tamara Baz

A entrada ao Rosal tínguese de cor e mensaxe cunha nova intervención mural realizada pola ilustradora Tamara Baz, unha obra coa que a autora fala a favor da igualdade real e efectiva entre todas as persoas.

A Deputación presentou na xornada ‘Fóra de plano’ os premios #Mulleresnofoco

Co obxectivo de recoñecer o papel das mulleres no audiovisual, a presidenta da Deputación de Pontevedra presentou hoxe os primeiros premios #Mulleresnofoco, no decurso da xornada “Fóra de plano. Mulleres no audiovisual”, impulsada pola Escola de Igualdade María Vinyals e a Asociación de Mulleres Cineastas e de Medios Audiovisuais CIMA.

Recala no Rosal a campaña de información e sensibilización ‘Agresión Off’

O Rosal acolle o vindeiro martes 15 de decembro ‘Agresión Off: Eu digo non á violencia sexual’, unha campaña posta en marcha pola Consellería de Emprego e Igualdade coa que derrubar estereotipos de xénero e comportamentos que poidan conducir á violencia a través de talleres e actividades lúdicas para todas as idades.

A Deputación e a Coordinadora Galega de ONGD organizan o encontro online ‘Defensoras de dereitos: soster a vida, sementar o cambio’

A segunda edición da iniciativa ‘Defensoras de Dereitos’, o proxecto impulsado pola Deputación de Pontevedra e a Coordinadora Galega de ONGD, chega de forma online co obxectivo de recoñecer e poñer en valor a loita das mulleres ao redor do mundo na defensa dos dereitos humanos. En concreto, céntrase no traballo que están a desenvolver as activistas mesoamericanas durante a pandemia derivada da Covid-19, unha situación que está aumentar as violencias que sofren ao levar a cabo o seu labor.

O Concello de Redondela mercará xoguetes para as nenas e nenos das familias máis desfavorecidas

O Concello de Redondela mercará, por primeira vez, xoguetes novos para distribuír entre os nenos e nenas das familias máis desfavorecidas. A iniciativa, que parte da Concellería de Servizos Sociais que xestiona a alcaldesa Digna Rivas, busca que “todos os nenos e nenas, independentemente da situación económica das súas familias, poidan gozar dun Nadal feliz”.

A Deputación lanza a súa campaña polo xoguete igualitario e non sexista como “ferramenta para cambiar o mundo”

'Xogando aprendemos a vivir. O xogo é unha ferramenta para mudar o mundo' é o lema da nova campaña, a sexta, coa que a Deputación de Pontevedra quere fomentar a adquisición de xogos e xoguetes non sexistas durante este vindeiro Nadal. Unha campaña “dinámica, atrevida e fermosa” coa que, como sinalou a presidenta Carmela Silva, a institución quere incidir no feito de que “o que aprendemos de nenos e nenas marca a posición que imos ter ante a vida”

O Grupo Socialista esixe á Xunta incrementar o orzamento para a loita contra a violencia machista con fondos propios en 2021

A responsable de Igualdade do Grupo Socialista no Parlamento de Galicia, Noa Díaz, esixiu á Xunta incrementar o orzamento para a loita contra a violencia machista con fondos propios para 2021. Díaz, que interveu trala comparecencia da secretaria xeral de Igualdade no Parlamento, lamentou que a Xunta “non avalíe nin analice” os datos existentes para extraer ideas que se “deben converter en accións políticas” que estean “lideradas de maneira directa pola Xunta” á vez que mostrou a súa preocupación polo “escaso alcance” das medidas.

O Concello de Redondela rende homenaxe a Concepción Arenal coa descuberta dunha placa co seu nome nas dependencias de Servizos Sociais

'A Concepción Arenal. (1820-1879). En memoria dunha muller que fixo da xustiza social e da igualdade o guieiro da súa vida'. Así reza a placa colocada na entrada das dependencias de Servizos Sociais de Redondela e que esta mañá foi descuberta pola alcaldesa de Redondela e responsable do servizo, Digna Rivas.

Ponteareas retransmitirá na canle de YouTube o manifesto contra as violencias machistas

Ponteareas rexeita as violencias machistas e así o deixará claro no manifesto, consensuado por toda a Corporación, ao que se dará lectura mañá mércores día 25 ás 13 horas. A lectura de manifesto por parte de tódolos grupos da Corporación poderá seguirse a través da rede social Facebook do Concello de Ponteareas e da canle de YouTube do Concello.

Baiona programa un ciclo de curtametraxes online contra a violencia machista

A Concellería de Igualdade do Concello de Baiona, a través do Centro de Información á Muller, en colaboración con CortoEspaña, organiza un ciclo online de cortometraxes contra a violencia de xénero. Trátase de seis traballos, premiados nacional e internacionalmente, que abordan, desde diferentes perspectivas, a violencia de xénero e as súas maneiras de combatela.

25N: actos organizados pola Concellería de Igualdade no día contra a violencia de xénero

A exposición de fotografías “Todas as mulleres en todas as partes do mundo” na rúa peonil, un manifesto da corporación municipal e o alumeado en cor violeta da casa consistorial, serán os actos principais no Porriño coa ocasión do 25 N, Día Internacional contra a violencia machista.

Gondomar vístese de morado na semana na que se conmemora o 25 N

Gondomar desenvolverá esta semana diversas accións, enmarcadas dentro da programación elaborada desde a Concellería de Iguadade con motivo da celebración do Día internacional contra a Violencia de Xénero, que se celebra o próximo día 25 de novembro.

Activistas de Honduras, Guatemala, El Salvador, México e Nicaragua, na segunda edición de ‘Defensoras de Dereitos’

As mulleres defensoras de Dereitos Humanos de Mesoamérica, a rexión comprendida entre o sur de México e Costa Rica, son as protagonistas da II edición de ‘Defensoras de Dereitos’ que empezou a andar onte en Pontevedra. As súas historias de vida, o seu traballo en defensa dos dereitos das mulleres, das comunidades indíxenas… son o fío condutor desta iniciativa impulsado pola Deputación de Pontevedra e a Coordinadora Galega de ONGD en colaboración coa Iniciativa Mesoamericana de Mujeres Defensoras de Derechos Humanos.

Hoxe comeza en Tui a campaña “En Negro” contra a violencia de xénero

Tui súmase un ano máis á campaña En Negro contra as Violencias con motivo do 25 de novembro, o Día Internacional contra a Violencia de Xénero. Dende hoxe venres, 20 de novembro, e até o sábado 28 deste mes o Concello de Tui, a través da Concellería de Igualdade, súmase a esta iniciativa de sensibilización que se leva a cabo en Galicia coa participación institucións, empresas, colectivos e centros de ensino.

Tomiño organiza actividades de cara ao Día Internacional contra a Violencia de Xénero

Co gallo do 25 de novembro, Día Internacional contra a Violencia de xénero, o Concello de Tomiño organiza actividades que dende a Cultura, a mocidade, a divulgación académica e mesmo o deporte, queren visibilizar a violencia que día a día seguen a sufrir moitas mulleres polo feito de seren mulleres.

A Guarda conmemora o 25N coa exposición “Sempre Vivas”

O Concello da Guarda, a través da Concellería de Igualdade e o Centro de Información á Muller, organiza a exposición “Sempre Vivas” para conmemorar o 25 de novembro, Día contra a Violencia de Xénero.

Inicio das actividades do 25N nos centros de ensino das Neves

Comezaron esta semana as actividades do proxecto de intervención socio-educativa para o fomento da igualdade entre o alumnado dos centros educativos das Neves promovido polo Concello. O alumnado de 2º ciclo de Educación Infantil do CEIP Marquesa do Pazo da Mercé e das escolas unitarias de...

Novembro, mes da igualdade e da prevención da violencia de xénero no Rosal

O Rosal continuará revolucionando mentes este mes de novembro. O Concello ten preparada unha programación enfocada a traballar a igualdade e a previr a violencia de xénero, con actividades dirixidas a público de todas as idades.

A Escola de Igualdade María Vinyals desmonta o falso mito da libre elección das mulleres e chama a rachar coa “cousificación” dos seus corpos

“Hai un discurso que existe, que está presente, que quere tomar corpo e foza, no que se nos di que as decisións que tomamos as mulleres son libres e polo tanto, benvidas sexan, en temas como a prostitución, os ventres de alugueiro ou na cousificación dos nosos corpos. Pero non é certo”. Con esta contundente declaración de intencións a presidenta da Deputación, Carmela Silva abriu este xoves a xornada “Libres? A cousificación do corpo das mulleres”

“Contacontos pola Igualdade” nos colexios do Concello de Baiona

A programación organizada pola Concellería de Igualdade co gallo do Día Internacional contra a Violencia de Xénero, "Novembro Lila", continúa coas súas actividades. Onte o CEP Sabarís e CEP Belesar acolleron a actividade “Contos pola Igualdade” a cargo de Paula Carballeira baixo o título “A valentía da Leona”.

‘Nigrán en Negro’ e unha moción plenaria, iniciativas do Concello para conmemorar o 25N

O Concello de Nigrán conmemorará un ano máis o 25-N, Día Internacional da Eliminación da Violencia contra as Mulleres, con diferentes accións revindicativas. Así, a iniciativa do Centro de Información as Mulleres (CIM) do Concello de Nigrán, centos de establecementos do municipio "vestirán" esa semana os seus escaparates de negro en sinal de loito polas víctimas de maltrato. Paralelamente, o goberno de Nigrán proporá unha moción institucional no pleno ordinario do 23 de novembro reiterando o seu compromiso para erradicar esta lacra da nosa sociedade.

O Goberno de Gondomar aposta polos máis novos e a educación na loita contra a violencia de xénero

O goberno local, a través da súa concellería de Igualdade, dirixida por Nuria Lameiro, puso en marcha onte ás actividades programadas con motivo da celebración do Día Internacional contra a Violencia de Xénero, o próximo 25 de novembro, con 'Contos e Monicreques' proxecto dirixido ao alumnado de 1º de Primaria dos catro CEIP de Gondomar.

O “Novembro Lila” trae a Baiona un mes dedicado a actividades contra a violencia de xénero

A programación organizada pola Concellería de Igualdade co gallo do Día Internacional contra a Violencia de Xénero, " Novembro Lila", trae consigo un mes dedicado a actividades contra a violencia á muller no Concello de Baiona.

A presidenta da Deputación pide que os prostíbulos “inclúanse na orde de restricións da Xunta”

A presidenta da Deputación de Pontevedra, Carmela Silva, vén de remitir unha carta á secretaria xeral de Igualdade da Xunta de Galicia, Susana López Abella, apelando á súa sensibilidade e ás súas declaracións a favor do abolicionismo para que os prostíbulos e clubs de alterne se inclúan na listaxe de establecementos a pechar no marco da Orde de Restricións da Xunta de Galicia para facer fronte á covid-19. “É intolerable”, asegurou Silva, que se “tomen decisións moi restritivas para sectores fundamentais da nosa economía” mentres os clubs de alterne e prostíbulos permanecen abertos”.

A Escola de Igualdade María Vinyals leva á reflexión o falso mito da elección das mulleres

“Temos que desmontar os discursos da libre elección das mulleres” reivindicou a presidenta da Deputación Carmela Silva na presentación da xornada “Libres? Cosificación do corpo das mulleres”, enmarcada na programación da Escola de Igualdade María Vinyals.

Novembro encherá Redondela de bolboretas no mes da eliminación da violencia contra a muller, en memoria das irmás Mirabal

O Concello de Redondela desenvolverá, ao longo do mes de novembro, unha serie de actividades con motivo do Día Internacional para a eliminación da violencia contra a muller, que se celebra o 25 de novembro e no que o Goberno local quere involucrar á cidadanía “porque só a acción conxunta de todos e todas, conseguirá a eliminación desta lacra social”, dixo a alcaldesa de Redondela e concelleira de Igualdade, Digna Rivas.

Salvaterra desenvolve, un ano máis, unha campaña de prevención da violencia de xénero nos seus centros educativos

Un ano máis os colexios de Salvaterra de Miño participan no proxecto Prevención da Violencia de Xénero en Educación, iniciativa posta en marcha dende o Concello de preside Marta Valcárcel e subvencionada pola Deputación de Pontevedra.

As Neves impulsa, da mán da Deputación, un proxecto educativo de fomento da igualdade de de oportunidades e prevención da violencia de xénero

A concelleira de Ensino, Pilar González Casas, visitou os centros educativos das Neves, xunto coa coordinadora da empresa Talentea, coa finalidade de presentar ás direccións correspondentes as actividades a desenvolver dentro do proxecto de intervención socio-educativa para o fomento da igualdade entre o alumnado.

A Campaña “AgresiónOff” chega este sábado á Guarda

A campaña 'AgresiónOff, eu digo non á violencia sexual', da Secretaría de Igualdade da Xunta de Galicia, ten como obxectivo previr e evitar as agresións sexuais contra as mulleres, especialmente en eventos que se desolvolvan en Galicia. Actualmente, por mor da COVID, as intervencións realízanse tamén noutro tipo de contextos.

A Deputación redobra o seu compromiso coa igualdade coas axudas a 26 entidades sociais da provincia

A Xunta de Goberno da Deputación de Pontevedra vén de aprobar a concesión das subvencións dirixidas ás entidades de iniciativa social sen ánimo de lucro para o fomento da igualdade de oportunidades e a loita contra a violencia de xénero. Esta liña de axudas, como lembrou hoxe a presidenta Carmela Silva, ten este ano un orzamento de 108.000 euros e “vai permitir a estas entidades poidan desenvolver múltiples actividades neste eido”.

Baiona continua a desenvolver a programación de «OutubroDiverso» coa conversa ‘Diversidade nas Artes Escénicas’

O domingo, 18 de outubro, ás 12:00 horas o vestíbulo da Casa do Concello de Baiona acollerá a conversa 'Diversidades nas Artes Escénicas', actividade que correrá a cargo de Mónica Sueiro, directora da aula de teatro de Baiona e do colectivo 85C de Vigo, e que está enmarcada dentro da programación 'OutubroDiverso', un completo programa de actividades ao redor da visualización das realidades LGBTIQA+ que se sucederán ao longo do mes de outubro e que se celebra por primeira vez na Vila.

A Concellería de Igualdade de Baiona pon en marcha o proxecto “Non Cales” nos centros educativos

A Concellería de Igualdade do Concello de Baiona, a través do Centro Municipal de Información á Muller, está a poñer en marcha un proxecto nos centros educativos municipais que ten por como obxectivo romper o silencio contra a violencia de xénero.

A Deputación de Pontevedra súmase ao manifesto da FEMP para garantir a igualdade real no Día Internacional da Nena

A Deputación de Pontevedra súmase ao manifesto da Federación Española de Municipios e Provincias (FEMP) para a conmemoración do Día Internacional da Nena e promover a importancia de garantir a igualdade real entre xéneros, dende as idades máis temperás.

Salceda remata o programa de promoción da Igualdade e prevención da violencia de xénero logo de dous meses de intenso traballo

O Concello de Salceda de Caselas vén de dar por rematado o programa que durante dous meses traballou na promoción da Igualdade e a prevención da violencia de xénero. Foron 150 horas de asistencia xurídica, psicolóxica, laboral e social acompañadas de itinerarios profesionais, 22 horas de talleres de autoestima, técnicas de búsqueda de emprego, habilidades dixitais, análisis da violencia de xénero e valorización dos coidados e encontros de avaliación.

Tui acollerá neste mes de outubro tres obradoiros do programa ‘Cultivando a Igualdade’

Neste mes de outubro impartiranse en Tui tres obradoiros do programa “Cultivando a Igualdade”. Están organizados por Fademur Galicia, a Federación de Asociacións de Mulleres Rurais, coa colaboración do Concello de Tui e o financiamento do Ministerio de Sanidade, Consumo e Benestar Social con cargo a asignación tributaria do IRPF.

O Concello asina a carta de adhesión ao manifesto ‘Bibliotecas en Igualdade’

A alcaldesa de Redondela e concelleira de Igualdade, Digna Rivas, asinou esta mañá a adhesión do Concello ao manifesto 'Bibliotecas en Igualdade', un proxecto posto en marcha pola 'Asociación Clásicas y Modernas', asociación de carácter nacional que ten como obxectivo acadar a igualdade no eido da cultura.

Igualdade informa da apertura do prazo para participar no proceso de selección do programa “Emprégate dende a igualdade”

O Concello de Baiona abre o prazo para participar no proceso de selección do programa Emprégate dende a Igualdade, promovido polo Instituto da Muller e para a Igualdade de Oportunidades coa colaboración do Concello de Baiona, e a financiación do Fondo Social Europeo.

O Alivio continúa este mércores con trucos de maxia pola igualdade

Maxia para loitar pola igualdade e contra a violencia de xénero. Con esa idea nace o espectáculo ‘Somos iguais na maxia’, unha actividade de animación para todos os públicos coa que o dúo artístico Eli e Ian chegan este mércores 9 a Tomiño dentro da programación especial do Alivio.

A concellería de Iguadade do Concello de Baiona abre a inscrición para o programa ‘Achégate ás novas tecnoloxías’

A Concellería de Igualdade do Concello de Baiona vén de anunciar a apertura do prazo de inscrición para participar no programa 'Achégate ás novas tecnoloxías' unha iniciativa que ten, entre outros obxectivos, dotar ás mulleres das feramentas necesarias para afrontar con autonomía a realización de xestións burocráticas nas sedes electrónicas de distintas administracións, mellorando a súa autoestima e fomentando o empoderamento.

Colaboradores