Onte comezou, na Biblioteca Municipal de Salvaterra de Miño, o primeiro dos obradoiros que se imparten dentro do Programa “Xuntas”, unha iniciativa conxunta cos concellos de Salceda e As Neves cofinaciado polo Fondo Social Europeo e a Xunta de Galicia a través da Consellería de Promoción do Emprego e Igualdade.
O programa dirixido a tódalas mulleres desenvolverase durante as próximas semanas a través de asistencia psicolóxica, asesoramento xurídico, inserción laboral e obradoiros.
O luns 21 de agosto será o seguinte obradoiro “O arte no camiño de empoderarte”, ás 10:00 horas, na Biblioteca e o xoves 24 a cita será no Espazo Lúdico Termal de Teáns – Oleiros, ás 10:00 horas, onde realizarán un exercicio terapéutico e de saúde. Para máis información sobre estas actividades poden dirixirse ó teléfono 685 211 882.
