Tag: formación

Dende a Concellería de Promoción económica, Emprego e Novas tecnoloxías de Mos desenvólvense, a través da Axencia de Colocación, diversas acción formativas en colaboración coa Fundación Cibvervoluntarios.

O Concello de Salceda de Caselas, xunto co de Salvaterra de Miño, ven de recibir unha subvención da Consellería de Emprego e Igualdade de 346.986 euros para a realización do proxecto dun obradoiro dual de emprego denominado 'Sustentable'.

A Xunta de Galicia, a través da Consellería de Emprego e Igualdade, vén de anunciar a concesión para o Concello da Guarda dun novo obradoiro de emprego de formato dual, trátase do Obradoiro de Emprego Manuel B. Portela VII, orientado á atención sociosanitaria en institucións e á promoción turística local e información ao visitante.

O Concello de Mos, ven de recibir unha axuda de 376.946 € para a posta en marcha do Obradoiro dual de Emprego “SOMOS MOS”, a través dunha subvención da Consellería de Emprego e Igualdade da Xunta de Galicia. Este Obradoiro vai a permitir que 20 mosenses poidan formarse nas especialidades de Atención sociosanitaria a persoas no seu domicilio e albanelería, durante 9 meses.

Os concellos de Salvaterra de Miño eSalceda de Caselas veñen de anunciar a convocatoria dun novo Obradoiro conxunto de emprego cunha duración de nove meses e no que o alumnado amais de formarse, percibirá un salario equivalente ao salario mínimo interprofesional cun contrato de formación e aprendizaxe.

“O equipo desta escola dá leccións de vida”. A presidenta da Deputación de Pontevedra, Carmela Silva, puxo hoxe en valor a traxectoria da Escola de Xoiería Atlántico de Vigo na visita que realizou a este centro de formación, na que mantivo un encontro con seis mozas de Latinoamérica que van participar no programa de becas da Escola, 'Becas Atlántico', así como con catro dos cinco estudantes que a partir de outubro viaxarán a Francia e Portugal no marco do programa de mobilidade Practicum Depo da institución provincial.

A aula CeMIT comeza o mes de setembro de maneira intensa con seis formacións gratuítas a disposición da veciñanza. Os cursos son de balde e as persoas interesadas poden solicitar información no teléfono 634 238 962 ou no correo cemit.ponteareas@xunta.gal. O concelleiro Innovación, Benito Márquez, anima á veciñanza a asistir a uns cursos que “poden ser moi útiles a nivel laboral e educativo”.

A acción formativa Actividades Auxiliares de Comercio, organizada pola Concellería de Igualdade do Concello de Baiona dentro do marco do programa Emprégate dende a Igualdade, entra na súa recta final. Esta formación, composta por 170 horas teóricas e 40 horas de prácticas non laborais en empresas, pretende dotar ás participantes das habilidades e coñecementos necesarios que lles permita desempeñar un emprego no sector do comercio.

Até este venres, 2 de xullo, está aberto o prazo de inscrición para participar nos cursos de prevención de riscos laborais na construción, que proximamente se van impartir en Tui.

A aula CEMIT de Ponteareas remata a vindeira semana a súa programación do mes de xuño con dous novos cursos presenciais, abertos á veciñanza e totalmente de balde. No primeiro destes cursos, as persoas interesadas aprenderán a manexar aplicacións de retoque e mellora fotográfica no móbil, un curso de tres horas que se impartirá o luns 28 de xuño de 17:30 a 20:30 horas.

O Concello de Ponteareas continúa co seu labor de orientación laboral para as mozas e mozos tanto do municipio coma da comarca. Ao longo de todo este ano, o Departamento de Orientación Laboral, dependente da Concellaría de Emprego e Formación dirixida por Vanesa Fernández, levou a cabo charlas de Asesoramento Vocacional e Formativo a estudantes en diferentes centros de ensino do Condado.

Onte o alcalde de Cañiza, Luis Piña, fixo entrega dos diplomas acreditativos de asistencia ao curso gratuito de atención sociosanitaria a persoas dependentes, organizado polo Concello e impartido no Aula Cemit da Casa de Cultura.

“Recursos dixitais para a busca de emprego” é o curso de 15 horas organizado polos departamentos de Benestar Social e Orientación Laboral do Concello de Tomiño, co obxectivo de formar a dez persoas desempregadas.

O Instituto de Seguridade e Saúde Laboral de Galicia (Issga), dependente da Consellería de Emprego e Igualdade, reforza a súa oferta formativa en prevención de riscos laborais coa impartición dun curso sobre técnicas e sistemas aplicables a traballos en altura para 45 persoas alumnas de ciclos de Carpintería e Moble, Deseño e amoblamento e sistemas de telecomunicación e informáticos.

A Consellería de Cultura, Educación, Universidade e Universidade vén de convocar as axudas económicas para o alumnado que realiza formación práctica en centros de traballo (FCT), incluído o alumnado que cursa a modalidade de FP Dual, ao que se destina un orzamento de 800.000 euros.

A Aula CeMIT da Guarda organiza unha nova formación en informática de balde dirixida a nenas e nenos (de 9 a 14 anos). Dende un enfoque pedagóxico centrado na persoa, realizarase unha formación adaptada aos intereses e motivacións de cada asistente, contando con grupos reducidos e prazas limitadas.

A concellaría de Innovación e Desenvolvemento Tecnolóxico que dirixe Benito Márquez vén de informar da apertura do prazo de inscrición dos novos cursos que oferta a Aula CEMIT ubicada no Centro Social na rúa Oriente.

O Concello de Mondariz ofrecerá durante o mes de xuño dous cursos gratuítos para persoas desempregadas na aula de informática do antigo CEIP Riofrío-Vilar (Pé de Muíño s/n, Riofrío), sede da Escola Municipal de Música de Mondariz.

A Concellería de Igualdade do Concello de Baiona vén de dar conta da apertura do prazo de inscrición para a acción formativa 'Actividades Auxiliares de Comercio', un curso que con 210 horas lectivas –incluídas 40 horas de prácticas–, busca promover o achegamento práctico ao mercado laboral.

A alcaldesa do Porriño, Eva García de la Torre, asistiu hoxe á clausura do curso de 'Auxiliar de operacións básicas de restaurante-bar' para persoas con discapacidade intelectual, unha iniciativa promovida por 'Aceesca' e que se desenvolveu nas instalacións de 'Porremeprego'.

O pasado venres, 30 de abril, remataron satisfactoriamente as prácticas formativas as alumnas da especialidade de Atención Sociosanitaria a persoas dependentes en domicilios e institucións sociais, do Obradoiro de Emprego 'Coidar de Nós II' que leva a cabo a concellería de Emprego e Formación de Ponteareas que dirixe a socialista Vanesa Fernández.

O Concello de Nigrán, a través da súa concesionaria de recollida de basura e limpeza viaria, Cespa-Ferrovial, ofreceu onte a derradeira clase que pon fin ao curso de ‘Limpeza Vial e Mantemento de zonas axardinadas’ que estiveron levando a cabo desde inicios de ano 7 mozos e mozas do CEE Juan María. O Concello facilitara previamente os seus espazos verdes para a realización de prácticas laborais pertinentes.

A Deputación de Pontevedra acaba de ser recoñecida cunha Acreditación Erasmus no ámbito da educación na Formación Profesional, que concede Erasmus+ da Unión Europea e que facilita ter acceso simplificado ás oportunidades de financiamento deste programa de mobilidade desde este ano e ata 2027, de xeito que permitirá á institución provincial seguir avanzando no seu proxecto 'Practicum Depo' coa posibilidade de establecer unha estratexia propia a largo prazo.

Os concellos de Ponteareas e As Neves están levando a cabo conxuntamente unha nova edición dun obradoiro de emprego 'Coidar de nós' que consta de dúas áreas, a de traballo socio-sanitario e a de traballo forestal.

“Que saiba a provincia que todas e todos imos quedar nas mellores mans, nas de mozas e mozos que teñen ideas, traballan, que se comprometen e son capaces de construír e crear, e é a única forma de que poidamos seguir avanzando”. A presidenta provincial, Carmela Silva, puxo hoxe en valor o traballo do alumnado e o profesorado dos centros da provincia que participaron na cuarta edición do programa DepoEmprende na FP durante a xornada DemoDay na que os e as estudantes presentaron os seus proxectos de emprendemento deseñados desde a aula e na que o xurado distinguiu aos gañadores.

A concellaría de Innovación e Desenvolvemento Tecnolóxico de Ponteareas, que dirixe Benito Márquez, vén de dar conta da apertura do prazo de inscrición dos novos cursos que oferta a Aula CeMIT, situada no Centro Social na rúa Oriente. Neste mes de abril a aula CeMIT de Ponteareas ofrecerá cursos para maiores de manexo básico de Android, ordenador, navegación e correo electrónico.

A deputada do Grupo Socialista no Parlamento de Galicia, Paloma Castro, visitou Salceda de Caselas para, acompañada pola portavoz e tenente de alcaldesa, Verónica Tourón, coñecer sobre o terreo a situación dos desempregados e desempregadas do municipio. No decurso da visita, Verónica Tourón informou a Paloma Castro que a Xunta de Galicia "rexeitou a solicitude dun novo Programa Integrado de Emprego que daría posibilidades de inserción laboral e mellora da empregabilidade a 100 veciñas e veciños de Salceda".

O Concello de Tomiño organiza un novo CURSO DE MANIPULADOR/A DE ALIMENTOS. Será o xoves, 8 de abril de 2021, no Auditorio de Goián, entre as 17.00 e as 20.00 horas.

No marco da habitual programación formativa que desenvolve a OMIX de Tomiño, a oficina municipal vén de facer pública a súa oferta de cursos para o mes de abril, no que estarán dispoñibles catro obradoiros sobre distintas temáticas.

Preto de 120 persoas de entre 16 e 30 anos, a maioría delas mulleres (74), participan hoxe luns, 15 de marzo, nas primeiras seis actividades formativas do programa da Deputación “Tic Emprendes”, co que a institución provincial busca fomentar o emprendemento entre a xente máis nova dos concellos con menos habitantes da provincia a fin de frear o despoboamento.

A Deputación de Pontevedra vén de aprobar novos recursos, de ata 90.332 euros, para que graduadas e graduados en ciclos medios de Formación Profesional, poidan realizar prácticas laborais en empresas e institucións europeas para facilitar a súa inserción profesional. Trátase da sétima mobilidade do programa Practicum Depo 2019, na que participarán 13 estudantes que se beneficiarán das axudas de estancia e viaxe da institución provincial para completar a súa formación en Portugal, Italia e Malta.

A Consellería de Emprego e Igualdade inicia hoxe, a través do Instituto de Seguridade e Saúde Laboral de Galicia (Issga), dous cursos de formación sobre prevención de riscos laborais dirixidos a 400 alumnos e alumnas, dúas accións que forman parte do Plan anual de actividades do Issga.

Salceda de Caselas e Salvaterra de Miño veñen de solicitar á Xunta de Galicia unha subvención para a realización dun obradoiro de emprego denominado 'Sustentable'. A solicitude faise ao abeiro da convocatoria de subvencións para os obradoiros duais de emprego da Consellería de Emprego e Igualdade.

O Concello de Tui volve contar co servizo de Orientación Laboral. A concellería de Formación e Emprego puxo de novo en marcha este servizo de orientación laboral para o emprego dirixido a persoas empadroadas no municipio e que se atopen en proceso de procura de emprego ou se expoñan a posta en marcha de proxectos emprendedores ou de autoemprego.

O Programa de Emprego de Redondela, que se desenvolveu durante o último ano e no que participaron 100 persoas –54 mulleres e 46 homes– pechou a súa andaina cunha inserción laboral do 60 %, datos que aínda son máis salientables ao tratarse dun ano absolutamente atípico marcado por unha pandemia.

Do 19 ao 21 de xaneiro vaise celebrar o II Foro de Emprego Emprega Tui. Está organizado polo Programa Integrado de Emprego do Concello de Tui en colaboración con distintas entidades e empresas. Realizarase cun dobre obxectivo de achegar coñecemento e recursos sobre o mercado laboral ás persoas que están na procura de emprego e de achegar man de obra cualificada e formada ás empresas que procuran persoal.

O Goberno da Deputación de Pontevedra vén de adxudicar o desenvolvemento das actividades de formación do programa 'Tic Emprendes', iniciativa de emprendemento cofinanciada polo Fondo Social Europeo cun orzamento de máis de 700.000 euros, destinada ás persoas mozas, de entre 16 e 30 anos, dos concellos da provincia que máis sofren o déficit demográfico.

Candidatos de toda a provincia poden solicitar a súa participación no novo Programa de Integrado de Emprego da Asociación de Empresarios de Redondela, un proxecto que comprende ata catro itinerarios formativos entre os que destaca o de Novas Tecnoloxías con accións piloto que buscarán desenvolver habilidades para novas profesións baseadas na tecnoloxía.

Unha vintena de alumnos-traballadores comezou hoxe a segunda edición do obradoiro dual de emprego 'Crea e Coida Miñor' promovido polos tres concellos do Val Miñor e que está orientado por un lado a formación en atención sociosanitaria a persoas dependentes en institucións sociais ou en domicilio, e, por outro, a deseño de produtos gráficos destinados a promover a comarca.

A Consellería de Emprego e Igualdade vén de activar a nova quenda de obradoiros duais de emprego na provincia de Pontevedra, que contará con ata 14 destas actividades, coa posta en marcha da iniciativa laboral Coidar de Nós III, que formará a vinte desempregados dos concellos de Ponteareas e As Neves grazas a un investimento de 346.946 €.