17.5 C
Pontevedra
Luns, 15 de Abril de 2024
Máis
    HomeA ParadantaCoveloCovelo pon en marcha o VII Plan de Formación para facilitar a...

    Covelo pon en marcha o VII Plan de Formación para facilitar a inserción laboral

    A Concellería de Formación, que dirixe Lourdes Enes, informa que está aberto o prazo de matrícula para os primeiros cursos do Plan de Formación do Concello de Covelo. Co obxectivo de mellorar o curriculum das persoas e facilitar a inserción laboral o Concello programa para este mes de marzo dous novos cursos nos que terán prioridade de acceso as persoas desempregadas ou en proceso de procura de emprego e censadas en Covelo.

    A concelleira de Formación e Emprego explica que para a selección dos cursos fíxose unha consulta pública e así determinar as necesidades da veciñanza. “Con estes cursos pomos en marcha o sétimo Plan de Formación co que pretendemos ofrecer ferramentas útiles para a procura de emprego”.

    Do 20 ao 22 de marzo impartirase o curso de operador/a de carretillas elevadoras. Terá unha duración de quince horas, repartidas en teoría e práctica, de 15:30 a 20:30 horas cada día.
    Este curso desenvolverase no auditorio público municipal e nas instalacións do punto limpo. A inscrición está aberta ata o 13 marzo.

    O 23 e o 24 de marzo terá lugar o curso de operador/a apilador-transpaleta eléctrica cunha duración de dez horas que se impartirán en horario de mañá de 15:30 a 20:30 horas. O prazo de inscrición para este curso remata o 16 de marzo.

    O 3 de abril o Concello ofrece un curso de manipulador/a de alimentos e alérxenos. Este curso terá unha duración de cinco horas en horario de 9 a 14 horas  no auditorio público municipal.

    Tódalas persoas participantes deberán aboar no momento da inscrición o prezo público pola participación en cursos establecido pola Ordenanza Fiscal Reguladora do Prezo Público pola Prestación de Actividades Lúdicas, Recreativas, Culturais, Formativas e Deportivas que, neste caso, van dende os 6 aos 3€ euros para as persoas empadroadas.

    As persoas que desexen inscribirse deberán facelo nas oficinas municipais antes do remate do prazo de inscrición.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.