19.5 C
Pontevedra
Luns, 15 de Xullo de 2024
Máis
    HomeVal MiñorNigránA Escola Municipal de Gravado de Nigrán reproduce artísticamente algas das Illas...

    A Escola Municipal de Gravado de Nigrán reproduce artísticamente algas das Illas Atlánticas

    As algas autóctonas embelecen o Auditorio do Concello de Nigrán ata o 18 de xuño. Este prodixio é grazas á Escola Municipal de Gravado, que expón neste espazo parte do traballo realizado ao longo do curso e, con especial interese, amosan o proxecto común no que centraron os derradeiros meses: versionar os diferentes tipos de plantas acuáticas pertencentes ao Parque Nacional Illas Atlánticas. Os 16 alumnos, liderados pola mestra Ana Barbará, se documentaron e recolleron algas co fin de plasmalas artísticamente mediante diferentes técnicas de estampación ou gravado. O resultado son 27 obras fascinantes cuxo resultado se pode apreciar no Auditorio Municipal de Nigrán de 19:30 a 21:00 horas.

    “Tendo en conta que as algas son esenciais para a vida dos océanos porque osixenan a auga, son alimento dos peixes e fauna mariña e se empregan para o consumo humano directo e na industria alimentaria, farmacéutica etc. non podemos ignorar a súa importancia e a necesidade de protexelas. O quecemento dos océanos debido ao cambio climático xa empeza a notarse cunha diminución das especies que habitan as nosas rías e o grupo de Gravadores de Nigrán somos sensibles a esta problemática”, indica a súa profesora desde a escola, quen aproveitou a experiencia profesional (algún vinculado á ciencia mariña) e a sensibilidade do alumnado adulto para traballar na temática.

    “Estamos moi orgullosos de ser seguramente unha das únicas escolas municipais de gravado de toda Galicia e seguiremos apostando por ela como o facemos con Pintura ou Cerámica”, explica o alcalde, Juan González, quen indica que o obxectivo é trasladalos das escolas de Balinfra ao antigo ambulatorio de Panxón, que será cedido de xeito inminente ao Concello. “Gañarán un espazo mellor e unha localización que lles outorgará visibilidade”, explica o rexedor, quen destaca que precisamente este curso o Concello investíu 5.700 € na compra dun tórculo (prensa profesional).

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.