7.9 C
Pontevedra
Venres, 29 de Marzo de 2024
Máis
    HomeLouriñaO PorriñoComeza o Plan de Formación 2023 do Porriño

    Comeza o Plan de Formación 2023 do Porriño

    As actividades formativas enmarcadas no Plan de Formación 2023 do Concello do Porriño xa deron comezo coa primeira quenda do Curso práctico de Manipulación de Carretillas Elevadoras, homologado conforme á normativa UNE. 15 alumnos participan no primeiro dos catro turnos desta especialidade impulsados dende a concellería de Emprego e Formación, que dirixe Rosario Costas.

    Durante cinco días recibirán formación teórica e práctica de condución e manexo seguro de carretillas elevadoras apiladoras (categoría 1 do tipo 3), frontais contrapesadas (categoría 2 do tipo 4) e de mastil retráctil (categoría 2 do tipo 6) para prevención de riscos laborais.

     A concelleira explicou que esta é unha das propostas que se desenvolverán no marco do Plan de Formación que dará cobertura ás necesidades esixidas polas empresas e do que se beneficiarán arredor de 500 persoas integrantes da Bolsa Municipal de Emprego. Este inclúe ademais cursos de Almacenaxe e Picking, Produción en Automoción ou Limpeza Industrial, entre outras especialidades.

    O alcalde, Alejandro Lorenzo , lembrou que todas as persoas interesadas en inscribirse neste plan formativo deberán formalizar a súa solicitude de forma presencial nas instalacións de Porremprego en horario de 9 a 14 h.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.