10.2 C
Pontevedra
Venres, 29 de Marzo de 2024
Máis
    HomeA ParadantaCoveloAberta a participación cidadá para deseñar o VII Plan de Formación de...

    Aberta a participación cidadá para deseñar o VII Plan de Formación de Covelo

    A Concellería de Emprego e Formación, que dirixe Lourdes Enes, informa que xa está en marcha a enquisa do proceso de participación veciñal do VII Plan de Formación 2023.

    Os orzamentos do Concello contemplan por sétimo ano consecutivo unha partida orzamentaria para a execución do Plan de Formación dirixido á veciñanza do Concello, con preferencia para as persoas desempregadas.

    “Co obxecto de determinar os cursos máis axeitados e a programación ao longo do ano, sométese o plan a consulta pública para que tódalas persoas interesadas poidan facer as súas propostas tanto das temáticas dos cursos que lle gostaría facer como da calendarización”, explica a concelleira.

    A cidadanía poderá elixir entre os cursos de acompañante de transporte escolar, alfabetización dixital, busca de emprego, contabilidade, informática, manipulador de alimentos, primeiros auxilios, operador apilador-transpalet eléctrico, operador de carretillas elevadoras, operador de ponte grúa, primeiros auxilios e xestión de stock e control de almacén. Como novidade preséntase o curso de apicultura de alto interese na zona dadas as características medioambientais de Covelo e que pode supor un bo aproveitamento dos recursos naturais obtendo produtos de alta calidade.


    As persoas dispoñen de distintos xeitos de participar, poden cubrir a enquisa e presentala a través do correo electrónico covelo.culturalourdesenes@gmail.com, ou a través da sede electrónica na páxina web www.concellodecovelo.es ou nas oficinas de rexistro do Concello de Covelo ata as 14 h do 10 de febreiro de 2023.

    “A intención é deseñar plans efectivos que cubran as necesidades das persoas e os sitúen nunha mellor plataforma de acceso ao mercado laboral”, conclúe Lourdes Enes.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.