22.5 C
Pontevedra
Luns, 15 de Abril de 2024
Máis
    HomeO CondadoPonteareasPonteareas súmase a ‘Galegas dixitais’, un programa de formación para a dixitalización...

    Ponteareas súmase a ‘Galegas dixitais’, un programa de formación para a dixitalización de mulleres no rural

    O CDL acollerá un curso de balde de competencias básicas que rematará cunha tablet de agasallo para cada participante

    O Concello de Ponteares súmase a ‘Galegas dixitais’, un programa de formación totalmente gratuíto que ten por obxectivo a dixitalización de mulleres demandantes de emprego, especialmente no rural. O Centro de Desenvolvemento Local acollerá as clases deste completo curso no que todas as participantes poderán gozar dunha completa formación en ferramentas que “sen dúbida favorecerán a empregabilidade e impulsarán o emprendemento nun momento no que as competencias dixitais son fundamentais non só para o futuro laboral, senón para realizar calquera tipo de trámite”, salientan as concelleiras responsables deste curso, a edil de Formación e Emprego, Vanesa Fernández, e a de Medio Ambiente, Rosa Covelo.

    O programa ofrece un itinerario formativo deseñado “para ir avanzando dende un nivel básico cara a outro máis avanzado”. Por ese motivo, o primeiro curso será de competencias dixitais básicas, e contará con 40 horas de formación que comezarán o vindeiro 19 de setembro e rematarán o 28 de outubro. As clases serán de 16.00 a 21.00 horas. Ao remate do curso, as participantes recibirán un título oficial acreditativo.

    Para o desenvolvemento da actividade lectiva, cada participante recibirá unha tablet ou un Chromebook que ao finalizar as accións formativas seralle entregado como agasallo.

    As mulleres demandantes de emprego interesadas en participar poderán facer as súas consultas escribindo a través de Whatsapp ao teléfono 604 039 575. As inscricións poden xa realizarse a través da páxina web do programa.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.