15 C
Pontevedra
Martes, 23 de Abril de 2024
Máis
    HomeLouriñaO PorriñoO Porriño recupera a formación en atención sociosanitaria e restauración

    O Porriño recupera a formación en atención sociosanitaria e restauración

    O Concello do Porriño retoma a formación en dúas áreas de especial demanda e que levaban anos sen impartirse pese a contar con aulas de formación teórico/práctica homologadas: Restauración e Atención a persoas dependentes.

    A Consellería de Promoción do Emprego e Igualdade vén de notificar o seu respaldo ao proxecto de formación dual do Concello do Porriño “PORREMPREGO CUALIFICA”, que se traduce nunha achega de 504.000 euros para a súa posta en marcha.

    “Damos resposta ao que nos pide a cidadanía cunha oferta orientada a mellorar a súa empregabilidade con posibilidades de futuro e inserción laboral”, explicou o rexedor, Alejandro Lorenzo, “Trátase de dúas áreas cunha gran demanda e temos o privilexio de contar coas instalacións necesarias para poder impartilas. Non se podía xustificar de modo algún que levaran anos sen utilizarse, polo que volven abrir as súas portas para formar a profesionais de primeira”.

    Pola súa banda, a concelleira de Emprego e Formación, Rosario Costas, explicou que neste obradoiro de emprego “20 persoas desempregadas poderán beneficiarse de formación específica durante os próximos 12 meses, realizando de maneira simultánea un traballo remunerado de interese xeral e público en beneficio da sociedade porriñesa”.

    A área de atención sociosanitaria, desenvolverá a formación práctico-teórica nas aulas homologadas do multiusos de Torneiros e centrará a súa actividade no coidado de persoas dependentes no municipio que non poidan ser atendidas por outros programas. En colaboración co departamento de Servizos Sociais do Concello e entidades sen ánimo de lucro, realizarase unha labor de atención a aqueles veciños/as que non teñen recursos suficientes e teñan dificultades para cubrir as súas necesidades básicas.

    No que se refire á restauración, os alumnos/as traballadores recibirán a formación na aula de cociña do multiusos e colaborarán con actividades do centro sociais, de terceira idade e centros de día, en múltiples eventos do Concello e coa hostalería local.

    O proceso de selección para participar no obradoiro -que comezará a impartirse este mesmo ano-, iniciarase de contado e é necesario estar inscrito como demandante de emprego na oficina de emprego (SEPE) nas áreas correspondentes.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.