Un grupo de 10 persoas participantes no obradoiro ‘Coidando Miñor’ promovido pola Xunta de Galicia e no que se están formando alumnado dos tres municipios do Valmiñor nas especialidades de limpeza de superficie e locais, desprazáronse ata o Pavillón Municipal de Deportes de Baiona para poñer en práctica o aprendido e facer unha limpeza a fondo das instalacións.
A Concellería de Deportes do Concello de Baiona coordinouse co profesorado que imparte o obradorio para levar a cabo unha limpeza en profundidade nas instalacións. A limpeza destas instalacións implicou unha variedade de tarefas, que van desde a limpeza xeral dos espazos comúns ata a hixiene específica dos equipos de exercicio. Manter as instalacións deportivas limpas e hixienizadas é esencial para garantir a seguridade e o benestar dos usuarios.
Realizouse un intenso traballo de limpeza nos vestiarios, os asesos, as oficinas, a pista do pavillón polideportivo, a pista de pádel, as bancadas de bancadas así como a sala de máquinas e a distinta maquinaria. Tamén se hixienizou a sala de actividades e o material que se utilizan nas distintas especialidades deportivas que se imparten no pavillón municipal de Baiona.
Igualmente, os cristais das distintas salas e os teitos foron obxecto de traballo a conciencia.
O alcalde de Baiona, Jesús Vázquez Almuiña, quere mostrar “o seu agradecemento ás persoas implicados nestas tarefas que traballaron intensamente na limpeza do Pavillón Deportivo Municipal, unha instalación pola que pasan moitos veciños e veciñas de Baiona a practicar deporte”.
