28.4 C
Pontevedra
Luns, 22 de Xullo de 2024
Máis
    HomeComarcasRedondelaA Fundación Formavigo e o Concello de Redondela rematan a formación "Persoas...

    A Fundación Formavigo e o Concello de Redondela rematan a formación “Persoas maiores activas”

    A Fundación Formavigo en colaboración coa Concellaría de Servizos Socias e Maiores do Concello de Redondela vén de rematar a actividade formativa “Persoas maiores activas” na que participaron un total de 247 persoas. Para pechar esta actividade Digna Rivas fará entrega dos diplomas este xoves 15 de xuño no Multiúsos da Xunqueira ás 12:00 da mañá.

    Este programa que se desenvolveu ao longo de 4 meses se realizaron os cursos de Competencias Dixitais e de Competencias en Habilidades Cognitivas. Foron un total de 23 cursos repartidos por un total de 14 Centros Culturais, asociacións de veciños, aula Cémit e Multiúsos de toda a bisbarra.

    No curso de Competencias Dixitais, remataron 101 persoas que traballaron o uso do Smartphone, o emprego da cámara de fotos e galería, o uso play store e o whatsapp, e aplicacións como a liña verde do Concello de Redondela.

    Para algunhas persoas era novo o uso destes móbiles e para outras persoas “se lles quitou o medo a empregar as aplicacións que alí tiñan no móbil”.

    No curso “Habilidades cognitivas” no que participaron 146 persoas traballaron o autocoñecemento e autoestima, a memoria, o cálculo e a atención. Na que todas valoraron ao final do curso que melloraron a lóxica, a comprensión lectora, a escritura e as súas relacións sociais. Se sentiron máis activas e áxiles de mente.

    A Fundación leva 2 anos desenvolvendo este tipo de actividades no Concello de Redondela no que conta coa financiación da Xunta de Galicia a través do Programa Vida Compartida dentro dos fondos do 0,7 % do IRPF adicado a programas sociais.

    Outras actividades

    Asemade sigue a actividade no Centro Sociocomunitario da Xunqueira “Mantén Activa a túa Mente” para persoas maiores de 65 anos. Onde contamos co punto de información “Tecendo redes”, aberto tódolos luns de 9:00-14:00 no que se pode solicitar información.

    En setembro a Fundación voltará con novas actividades como

    • O programa Cóidate para Coidar
    • Formación sobre á atención e coidado das persoas maiores
    • Charlas coloquio sobre uso compartido do fogar, recursos e atención ás persoas maiores para familias coidadoras e maiores

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.