32.5 C
Pontevedra
Luns, 22 de Xullo de 2024
Máis

    Tag: autonómicas 2024

    Alfonso Rueda subliña a súa ilusión por seguir acompañando aos galegos no camiño cara a Galicia da próxima década

    O presidente e candidato do PPdeG, Alfonso Rueda, subliñou onte a súa ilusión por seguir acompañando aos galegos no camiño cara a Galicia da próxima década reivindicando que ama e respecta a nosa Comunidade tal e como é, sen necesidade de cambiala por nada. O líder dos populares aposta por unha vitoria que permita a Galicia ter un goberno que merece: con ilusión, con experiencia e ao servizo de todos os galegos sen excepción.

    Patxi López pon a Ponteareas como exemplo das políticas do Estado, “un gran concello da provincia esquecido por Rueda”

    “Todas as grandes infraestruturas de Ponteareas levan a firma do Estado. Esa é unha realidade que o PP e a Xunta de Rueda non pode agochar por moitas falsidades e propaganda nesta campaña”. Así se pronunciou o portavoz do PSOE no Congreso, Patxi López, nun almorzo con cargos da comarca e militantes de Ponteareas, Mondariz, Covelo, Crecente, Salvaterra e As Neves.

    Movemento Salceda, con Ana Pontón

    Movemento Salceda, formación independente que na actualidade goberna en Salceda de Caselas, vén de facer un chamamento a simpatizantes e persoas afiliadas para que apoien “o cambio en Galiza o vindeiro domingo, facendo que Ana Pontón se converta na próxima Presidenta da Xunta” ao considerar “chave” un cambio de protagonistas no goberno da Xunta “que impulse as moitas demandas pendentes coa nosa veciñanza”.

    O PSOE pon á Cañiza como exemplo de cambio con Luis Piña na alcaldía e anima á veciñanza “a cambiar tamén a Xunta con Besteiro”

    Elena Espinosa, número 1 da candidatura, e Carlos Font, número 2 da lista, insistiron na necesidade de “ir a votar o domingo porque o xiro é posible sempre que a xente non se quede na casa”. A cabeza de lista sinalou que “a mellor proba de que as cousas melloran radicalmente cando o PSOE goberna é o profundo cambio que está experimentando A Cañiza desde a chegada de Luis Piña á Alcaldía”.

    Luis Planas afirma na Guarda que a mellor aposta polo sector agralimentario en Galicia é Xosé Ramón Gómez Besteiro

    O ministro de Agricultura, Pesca e Alimentación, Luis Planas, incorporouse á caravana electoral socialista cun mitin no concello da Guarda, onde compartiu cartel coas candidatas Elena Espinosa e Fátima Rodríguez e o secretario xeral provincial do PSdeG-PSOE, David Regades.

    Ana Pontón comprométese en Tomiño a impulsar os proxectos estratéxicos para a comarca como a autovía ou o parque industrial

    A candidata á Presidencia da Xunta, Ana Pontón, proseguiu a súa campaña electoral nun mitin en Tomiño, onde aproveitou a súa intervención para destacar algunhas das medidas para este concello e o conxunto da comarca que ten previsto desenvolver o Goberno que aspira a presidir. Pontón avanzou que, se os galegos e as galegas lle dan a súa confianza o próximo 18 de febreiro, Tomiño e o resto dos concellos da comarca van ter un aliado no seu executivo porque “precisan un goberno que reme a favor e non en contra, comprometido co benestar social e que aposte por mellorar os servizos públicos”.

    O traballo e a xestión do PP en Ponteareas en materia de emprego centra un acto sectorial no marco das autonómicas do 18F

    O traballo e a xestión do Partido Popular ao fronte do goberno municipal de Ponteareas centrou o acto sectorial no marco das eleccións autonómicas. Participaron no evento a actual conselleira de Promoción do Emprego e Igualdade, Elena Rivo, a candidata da provincia, Raquel Plana, a alcaldesa Nava Castro e a edil da área no Concello, Silvia Fernández.

    Luis López agradece os eloxios do alcalde socialista de Tui á Xunta do PP pola aprobación do programa Rexurbe e pide un “apoio masivo” a Rueda

    “O plan aprobado pola Xunta e moi positivo para a cidade de Tui e cambiará para sempre o casco histórico. Hai que valóralo como moi positivo porque é algo moi bo para Tui e, hai que ser honestos, e recoñecer o traballo do director do Instituto de Vivenda da Xunta, ao que temos que trasladarlle a nosa gratitude porque sempreprestou moito interese por este proxecto”. Deste xeito, o presidente provincial do PP de Pontevedra, Luis López, replicou as mesmas palabras do alcalde socialista de Tui, Enrique Caballeiro, ao que lle agradeceu os seus eloxios públicos ao traballo da Xunta.

    Bará, “O 18F hai que escoller entre Rueda ou o goberno da ilusión, o de Ana Pontón, capaz de poñer en marcha a mellor Galiza”

    “O 18F só hai dúas alternativas: un goberno cun presidente gris como Rueda, que deixa un país en retroceso tras 14 anos de desleixo, ou o goberno da ilusión, dunha presidenta do BNG, Ana Pontón, capaz de poñer en marcha a mellor Galiza”. Esa foi a escolla que o cabeza de lista por Pontevedra, Luís Bará, deixou clara no seu mitin de campaña onte en Ponteareas.

    O PSdeG-PSOE alenta á veciñanza da Cañiza a votar por Besteiro para rematar coa desatención social do PP nos concellos

    A inexistencia de residencias públicas para a terceira idade ou o Servizo de Axuda no Fogar (SAF), son exemplos significativos do desinterese da Xunta de Galicia polas políticas sociais na comarca da Paradanta, onde son os concellos os que manteñen en pé o precario modelo de atención ás persoas. Foi a denuncia onte na Cañiza da candidata ás eleccións do 18F Elena Espinosa, número 1 na lista do PSdeG-PSOE na provincia.

    O PSdeG chama en Redondela a un voto masivo “porque con Besteiro a Avenida Mendiño será unha realidade despois de 5 anos de enganos do PP”

    A candidatura socialista con Carlos Font, número 2 da lista, e Leticia Gallego, número 5, acompañados da alcaldesa de Redondela, Digna Rivas e militantes da Agrupación Local visitaron onte a feira onde animaron á cidadanía “a votar de forma clara a José Ramón Gómez Besteiro para rematar dunha vez coa permanente discriminación da Xunta do PP a Redondela”.

    Luis López pide aos veciños da Cañiza un “apoio masivo” a Rueda e destaca os investimentos realizados dende a Xunta nesta lexislatura

    O presidente do PP Provincial de Pontevedra, Luis López, solicitoulles aos veciños da Cañiza un “apoio masivo” a Alfonso Rueda e ao Partido Popular nas eleccións autonómicas do 18 de febreiro, “xa que, sen dúbida, somos a mellor opción para manter as elevadas cifras de investimentos que se realizaron desde a Xunta durante estes catro anos”.

    Pablo Barcia destaca que unha lei promovida polo PPdeG consegue o mantemento da actual praza de pediatría de Mondariz

    O voceiro municipal do PP de Mondariz, Pablo Barcia, vén de anunciar a próxima cobertura con carácter fixo da actual praza de pediatría no centro de saúde do municipio trala resolución dun concurso de méritos para prazas sanitarias de difícil cobertura, que se resolverá nos vindeiros días e que permitirá manter a este profesional, como na actualidade, de xeito compartido co Concello de Covelo.

    O BNG desenvolverá dende a Xunta un Plan de equilibrio territorial que beneficie A Paradanta

    O BNG desenvolverá dende a Xunta un ‘Plan de equilibrio territorial’ para actuar nos territorios da Galiza cun nivel de renda máis baixo como os concellos da Paradanta, Ourense ou o interior de Lugo. O cabeza de lista do Bloque Luís Bará así o comprometeu hoxe nunha reunión con diferentes colectivos en Covelo, onde destacou que o goberno galego co BNG á fronte realizará investimentos públicos e actuacións de discriminación positiva para mellorar os servizos públicos de todo tipo co fin de corrixir o desequilibrio existente con respecto outras áreas máis urbanas e desenvolvidas.

    Os socialistas da Guarda destacan o compromiso de Besteiro coa VAP e o Centro de Día comarcal

    O PSdeG-PSOE da Guarda desenvolveu un acto na glorieta de Goián que contou coa presenza das candidatas Leticia Gallego e Fátima Rodríguez, para agradecer os compromisos de José Ramón Gómez Besteiro co vial de alta capacidade A Guarda-Tomiño (VAP) “que a Xunta ven dilatando desde fai 15 anos, e coa posta en marcha dun Centro de Día Comarcal”, sinalaron as candidatas socialistas.

    Luis López redobra o compromiso do PP con Tomiño tras investir 20,6 millóns de euros a Xunta na última lexislatura

    O presidente do PP Provincial e da Deputación de Pontevedra, Luis López, puxo en valor “a aposta e os feitos” da Xunta de Galicia polo Concello de Tomiño e redobrou o compromiso do Partido Popular con este municipio do Baixo Miño tras investir 20.661.362 euros desde o Goberno galego na derradeira lexislatura.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.