17.5 C
Pontevedra
Luns, 15 de Abril de 2024
Máis
    HomeLouriñaSalceda de CaselasMovemento Salceda, con Ana Pontón

    Movemento Salceda, con Ana Pontón

    Movemento Salceda, formación independente que na actualidade goberna en Salceda de Caselas, vén de facer un chamamento a simpatizantes e persoas afiliadas para que apoien “o cambio en Galiza o vindeiro domingo, facendo que Ana Pontón se converta na próxima Presidenta da Xunta” ao considerar “chave” un cambio de protagonistas no goberno da Xunta “que impulse as moitas demandas pendentes coa nosa veciñanza”.

    Lembra MS que as necesidades en sanidade, nomeadamente no tocante a pediatría, “seguen desatendidas pola Xunta” e que nos 15 anos de goberno, o Partido Popular “non atendeu proxectos tan necesarios como o saneamento en Soutelo e Entenza, o novo enlace da PO-510 na Lagoela ou a necesaria segunda Galiña Azul”.

    Por todo isto, fan un chamamento á veciñanza “a exercer o seu dereito ó voto pensando en clave de País, pero tamén pensando no futuro da nosa vila”. “ Considera MS que é preciso “unha nova aposta pola vida no rural e unha administración que, de feito, traballe por uns servizos de calidade nas innumerables vilas de Galicia e, por extensión, en Salceda” e que a alternativa viable “é a que ofrece Ana Pontón, unha muller coa forza e preparación necesaria, que dará un novo pulo ó xeito de facer da política un servizo para a cidadanía”.

    Unha alta participación será chave o vindeiro domingo, “cada persoa que quede na casa fomentará a continuidade do proxecto totalmente esgotado e clientelar do Partido Popular”, conclúe Movemento Salceda.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.