Tag: nidia arévalo
Avanzan a bo ritmo as obras da Senda do Foxo Vello en Pereiras, Mos
A alcaldesa de Mos, Nidia Arévalo; o tenente alcalde e concelleiro de Vías e Obras, Camilo Augusto, e o edil da parroquia de Pereiras, Leo Costas, visitaron onte as obras de acometida do proxecto de humanización Senda do Foxo Vello, acompañados polos técnicos municipais, Ramón Vega (arquitecto), e Purificación Barciela (arquitecto técnico).
O Club Natación Mos pecha a súa participación no Campionato Galego con dez medallas
Hoxe celebrouse no salón de sesións do Concello de Mos a recepción ás 5 nadadoras de categoría infantil do Club Natación Mos polos excelentes resultados obtidos no Campionato Galego Infantil disputado a fin de semana do 9 e 10 de xullo.
Girl’s Gang presenta o seu concerto debut como antesala do 8M en Mos
A alcaldesa de Mos, Nidia Arévalo, acompañou esta mañá ás catro componentes de Girl’s Gang na nova pista de skate de San Rafael, Pereiras, na presentación do cartel do seu concerto debut que terá lugar como antesala do 8M, Día Internacional da Muller, o sábado 5 de marzo ás 21.30 horas no auditorio do Centro Dotacional de Torroso.
A Asociación de Hostaleiros ‘Bares Mos’ estrea sede
Na tarde de onte xoves tivo lugar o acto de presentación da recentemente constituída Asociación de Hostaleiros/as ‘Bares Mos’ e da súa sede, sita nun local das dependencias municipais da Axencia de Colocación de Mos, que lles foi cedido polo Concello.
As obras do Plan Concellos de Mos apostan pola continuidade do proxecto ‘Mos Humanizado’
A alcaldesa de Mos, Nidia Arévalo, deu onte conta no Pleno Ordinario celebrado no Pazo de Mos, das obras e investimentos que se levarán a cabo no municipio con cargo ao Plan Concellos bianual 2022/2023. A rexedora local mosense informou tamén de que foi a semana pasada cando se presentou na administración provincial o plan de obras e investimentos do novo Plan Concellos.
Mos e Deputación asinan o convenio para a reforma integral da Biblioteca Municipal que levará o nome de «María Magdalena»
A presidenta da Deputación de Pontevedra, Carmela Silva e a alcaldesa de Mos, Nidia Arévalo, asinaron na mañá de hoxe no Pazo Provincial o convenio de colaboración entre ámbalas dúas administracións para a acometida da reforma integral da Biblioteca Municipal que levará o nome de 'María Magdalena'.
Mos inicia a adquisición dos terreos para a nova senda peonil Porselo-Brea que dará continuidade á de Torroso
O Xunta Local de Goberno aprobou onte o inicio do expediente de adquisición de terreos da nova senda peonil Porselo-Brea, que enlazará coa xa existente senda peonil de Torroso (que vai desde o Multiusos das Pozas ata ASODIFISI) formando unha senda circular de preto de 3 quilómetros de lonxitude. Unha vez adquiridos e coa disponibilidade dos terreos inmediatamente aprobaríase o proxecto quedando listo para súa licitación habida conta que xa foron solicitados os informes sectoriais pertinentes.
Noelia Sías logra por segunda vez consecutiva a prata no concurso nacional do Mellor Artesán Florista
A florista mosense Noelia Sías Villaverde, traballadora de Floristería Lola, participou do 29 de setembro ao sábado 2 de outubro no 'MAF', concurso nacional do Mellor Artesán Florista que se celebrou en Burgos; obtendo o segundo posto, por detrás do sevillano Julio Boza.
Mos clausura o obradoiro de emprego ‘Mocidade no Camiño’
A secretaria territorial da Xunta de Galicia en Vigo, Ana Ortiz, acompañada pola alcaldesa de Mos, Nidia Arévalo, e pola concelleira de Emprego, Julia Loureiro, presidiu a entrega de diplomas ás e os participantes no Obradoiro de Emprego Mocidade no Camiño. Esta acción formativa chega ao seu fin tan só dúas semanas despois do remate do Mos Peregrino e a poucos días do comezo dun novo Obradoiro, SomosMoS
A Xunta habilitará preto de medio millón de metros cadrados de solo industrial nos concellos de Mos e Redondela
A modificación do Plan sectorial de ordenación de áreas empresariais de Galicia (PSOAEG) impulsada pola Xunta permitirá habilitar preto de medio millón de metros cadrados de solo industrial nos concellos de Mos e Redondela, que concentran unha gran actividade económica e empresarial e necesitan máis superficie preparada para acoller este tipo de usos.
Mos instala o segundo ‘hotel’ para insectos de Galicia
A alcaldesa de Mos, Nidia Arévalo, e a concelleira de Promoción Económica, Julia Loureiro, visitaron o novo 'hotel' de insectos instalado desde o mércores na Veigadaña e que, xunto co que existe na Illa de Sálvora, son os únicos de Galicia. Este peculiar hotel forma parte das actuacións que está a desenvolver o alumnado do Obradoiro Municipal de Emprego Mos Peregrino no tramo do Camiño de Santiago Portugués ao seu paso por Mos.
O Pazo de Mos acolle a presentación do libro ‘Na procura do medo esquecido’
O Pazo de Mos acolleu na tarde de onte a presentación do libro Na procura do medo esquecido, Catálogo de criaturas mitolóxicas e fantásticas de Galicia, á que asistiron Juáncho, autor da obra –de ascendencia mosense–; Diego Giráldez, escritor da Editorial Galaxia; Francisco Castro, director xeral de Editorial Galaxia; Nidia Arévalo, alcaldesa de Mos e Sara Cebreiro, concelleira de Cultura.
Mos manterá suspendida temporalmente a actividade dos furanchos
A Reunión da Comisión de Seguemento da Evolución da COVID-19 no Concello de Mos –a número 39 dende que comezou a crise sanitaria– reuniuse baixo a presidencia da alcaldesa Nidia Arévalo e, entre outras medidas, adoptou a de manter a suspensión temporal da actividade dos furanchos "en base á situación sanitaria actual".
O nadador Juan Ferrón recibe unha subvención nominativa do Concello de Mos
O Pleno do Concello de Mos aprobou o pasado luns, 29 de marzo e por unanimidade, conceder unha subvención nominativa para o presente ano 2021 ao nadador do Club Natación Mos, Juan Ferrón.
Mos ofrece á mocidade cinco días ininterrompidos de cultura urbana online
O Concello de Mos poñerá en marcha, durante esta Semana Santa, un programa online de actividades de cultura urbana que baixo o título 'Semana da Cultura Urbana nas redes' estará cargada de contidos para aprender e practicar Hip Hop, break, graffiti, Turntablism, Skateboard, Roller Skate, BeatBox ou Rap.
Mos destina máis de 725.000 euros do Plan Concellos a ampliar a rede de saneamento en Petelos e Sanguiñeda e outros proxectos
A Xunta de Goberno local de Mos aprobou onte o Plan Concellos 2021 e a aceptación das bases da convocatoria na súa totalidade. Tal e como adiantaron a alcaldesa de Mos, Nidia Arévalo, e o tenente alcalde e concelleiro de Vías e Obras, Camilo Augusto dentro deste Plan Concellos o Goberno local acometerá traballos de ampliación da rede de saneamento, de mellora da seguridade viaria en varios camiños municipais e de continuación da Humanización de Cela cun investimento de 725.112,36 euros.
Mos rende homenaxe as súas “60 heroínas” do Servizo de Axuda ao Fogar
Os exteriores do Pazo de Mos acolleron na tarde de onte a homenaxe ás traballadoras do Servizo de Axuda no Fogar (SAF) organizada polo Concello con motivo do 8M, no que se contou coa asistencia da conselleira de Política Social, Fabiola García.
Mos da un paso máis no programa ‘Mos Humanizado’ coas obras en Guizán
O Concello de Mos continúa co seu proxecto do ‘Mos Humanizado’ que o equipo de Goberno local presentara como parte do seu último programa electoral e para elo segue avanzando na súa folla de ruta na que marca, como un dos principais obxectivos da administración local, construír o Mos das persoas, con espazos e infraestruturas habilitados para o uso e desfrute da veciñanza.
Onte iniciouse a vacinación das traballadoras do Servizo de Axuda no Fogar de Mos
A alcaldesa de Mos, Nidia Arévalo, e a concelleira de Política Social e Igualdade, Sara Cebreiro, informaron que ao mediodía de onte comezaron as vacinacións contra a COVID-19 entre o persoal do Servizo de Axuda no Fogar, SAF, do Concello de Mos. En total serán vacinadas un total de 53 traballadoras. No día de onte recibiron a vacina un total de 30 traballadoras e nos vindeiros días vacinaranse as 23 restantes.
Mos denuncia o “incumprimento” de R na implantación da banda longa no municipio para o que recibiu unha subvención estatal
O Concello de Mós vén de notificar, por medio da remisión do pertinente oficio ao Ministerio de Asuntos Económicos e Transformación Dixital, que a empresa R Cable y Telecable Telecomunicaciones, S.A.U non completou as actuacións necesarias para a implantación do programa de extensión da banda longa de nova xeración en Mos, pola que recibiu subvención da devandita administración estatal, segundo informaron a alcaldesa de Mos, Nidia Arévalo, e o concelleiro de Novas Tecnoloxías, Leo Costas.
Mos mellora a seguridade viaria en Tameiga, Torroso e Cela e acondiciona o paseo do Louro, na Pesqueira, co investimento dun millón de euros da Deputación
A Deputación está a investir un millón de euros na mellora da seguridade viaria nas parroquias de Tameiga, Torroso e Cela e o acondicionamento do paseo do Louro, na zona do parque da Pesqueira, en Mos. As dúas actuacións, encadradas dentro do Plan Concellos, foron visitadas hoxe pola deputada de Igualdade e Cultura, Victoria Alonso, e o deputado de Réxime Interior e Facenda, Carlos Font, acompañados da alcaldesa, Nidia Arévalo e o concelleiro de Obras.
Andrea Pousa presenta no Pazo de Mos o terceiro videoclip da súa ‘Triloxía Meiga’
A alcaldesa de Mos, Nidia Arévalo; a concelleira de Cultura, Sara Cebreiro, e o presidente da Fundación Pazo de Mos, Antonio Rial, acompañaron na tarde de onte á cantante Andrea Pousa na presentación do terceiro e último videoclip da súa 'Triloxía Meiga', que foi rodado no Pazo de Mos e leva por título Alalá Meigo. No acto de presentación estiveron tamén presentes os productores audiovisuais do proxecto, Fran Cortizo e o mosense Alberto Cortés, de OCO Visual Media.
Mos inicia as obras de saneamento en Pardellas, Cela,
A alcaldesa de Mos, Nidia Arévalo; o tenente alcalde e concelleiro de Vías e Obras, Camilo Augusto, e o edil da parroquia de Cela, Gonzalo Alonso, visitaron onte as obras de acometida da rede de saneamento no Camiño do Monte de Pardellas na parroquia de Cela. Estes traballos lévanse a cabo a través do Plan Concellos e mediante os mesmos instálanse un total de 467,97 metros de tubería e darase servizo a 18 vivendas e 72 habitantes.
Eva García de la Torre denuncia a “desconsideración” de Nidia Arévalo aos porriñeses e á súa alcaldesa
A alcaldesa do Porriño e presidenta do Consorcio de Augas do Louro, Eva García de la Torre, asegurou estar “sorprendida” polo anuncio da alcaldesa de Mos de que estea a buscar apoios no Consorcio para axudar á hostalaría. Eva Gardía sinalou que “sendo eu a presidenta do Consorcio, ninguén de Mos, púxose en contacto comigo para suxerir medidas para axudar aos hostaleiros o que, por un sinxelo principio de cortesía institucional, debería telo feito antes de acudir á prensa”.
A nova delegada territorial da Xunta en Vigo realiza unha visita institucional a Mos
Hoxe a nova delegada territorial da Xunta en Vigo, Marta Fernández-Tapias reuniuse coa alcaldesa de Mos, Nidia Arévalo e membros do equipo de goberno onde tivo a oportunidade de analizar temas que son prioritarios para o goberno local en materia de educación, saneamento, humanizacións, e sanidade entre outros.
A empresa Demsu doa case que dúas mil pantallas protectoras aos centros de ensino medio e bacharelato de Mos
Na mañá de onte, xornada da última incorporación ás aulas, a empresa Desmu fixo entrega ao alumnado do IES de Petelos, en Mos, das últimas 745 pantallas protectoras das preto de 2.000 que ten entregado aos centros de secundaria e bacharelato, logo de telo feito, con anterioridade, aos máis...
A piques de rematar a mellora do Cemiterio Municipal de Torroso
A alcaldesa de Mos, Nidia Arévalo, xunto co concelleiro mosense da parroquia de Torroso e edil de Urbanismo e Patrimonio, Alberto Méndez, o presidente da Comunidade de Montes de Torroso, Camilo Grandal, e o arquitecto municipal, Manuel Toucedo; visitou o Cemiterio Municipal de Torroso, para supervisar os traballos que se están a acometer no cemiterio e que se iniciaron a semana pasada. A obra marcha a moi bo ritmo e prevese que quede rematada a semana próxima.
Mos continúa ao poñer en valor a importancia da muller na sociedade con novo catro accións formativas a través do CIM
Coincidindo co regreso dos cativos e cativas ás aulas, o Centro de Información á Muller de Mos vén de convocar catro accións formativas dirixidas ás mulleres. Trátase, segundo a alcaldesa Nidia Arévalo e a concelleira de Igualdade, Sara Cebreiro, "de non baixar a garda no que a apoio ao colectivo feminino refírese".
O Concello de Mos acomete a mellora do camiño da Quiringosta
No día de onte o Concello de Mos acometeu os traballos de asfaltado e mellora da seguridade viaria no Camiño da Quiringosta, labores que foron supervisadas pola alcaldesa de Mos, Nidia Arévalo, e polo tenente alcalde e concelleiro de Vías e Obras, Camilo Augusto.
Mos reanuda as reunións da Comisión de Seguimento da COVID-19
O Salón de Sesións do Concello de Mos acolleu no día de onte unha nova reunión da Comisión de Seguemento da COVID-19, unha xuntanza de traballo que realizase en previsión de posibles rebrotes e na que se analiza e se establecen estratexias de seguridade, protección e prevención ante o virus.
Mos redacta un proxecto para a mellora integral da contorna da capela de San Eleuterio
A alcaldesa de Mos, Nidia Arévalo, e o arquitecto municipal, Manuel Toucedo, acompañados polo presidente da Comisión de Festas de San Eleuterio, Manuel Vila Dacosta, fixeron unha visita técnica á contorna da Capela de San Eleuterio, na parroquia de Tameiga, onde o Concello proxecta unha mellora integral con humanización, cuxo proxecto correrá a cargo da administación local e será redactado polo arquitecto municipal.
O bailarín mosense Rubén Cabaleiro reúnese co conselleiro de Cultura para estudar posibles colaboracións coa Xunta
O bailarín mosense Rubén Cabaleiro Campo, solista do Ballett am Rhein (Ballet do Rin) –compañía de ballet das cidades alemás de Düsseldorf e Duisburg– reuniuse esta mañá co Conselleiro de Cultura e Turismo, Román Rodríguez, acompañado pola alcaldesa de Mos, Nidia Arévalo, e pola concelleira mosense de Cultura e Turismo, Sara Cebreiro.
Mos intensifica a limpeza viaria e de zonas verdes este verán
Un total de 43 persoas de diferentes departamentos contribúen a manter un Mos limpo durante a tempada estival ao tempo que se fomenta a prevención de incendios forestais. O Concello que preside Nidia Arévalo está a intensificar os labores de desbroce e limpeza viaria e conta, neste momento, con 43 persoas dedicadas ás labores de desbroce e limpeza viaria e de zonas verdes.
Posta en valor do Castro de Torroso cunha nova sinalización que favorece o súa historia e divulgación
A alcaldesa de Mos, Nidia Arévalo, e a concelleira de Cultura e Turismo mosense, Sara Cebreiro, informaron hoxe de que xa se atopa instalada a nova sinalización do Castro de Torroso que o Concello de Mos instalou nas proximidades do xacemento. Instalación que foi proxectada, supervisada e dirixida polo arqueólogo Alberte Reboreda xunto co arquitecto municipal.
Cen familias de Mos recibiron hoxe a axuda alimentaria do programa ‘Mos Axuda’
Tras os repartos de alimentos a familias usuarias dos Servizos Sociais municipais a raíz desta crise da COVID-19 dos pasados días 3 e 8 de abril, o Concello de Mos realizou hoxe a terceira entrega de alimentos a familias do municipio no que vai de estado de alarma.
Mos pon en marcha un Estudo do Impacto Económico da COVID-19
A alcaldesa de Mos, Nidia Arévalo, vén de anunciar a realización dun Estudo do Impacto Económico do COVID-19 en Mos, traballo que se fará a través do contacto directo con todas as empresas do municipio. No estudo, confeccionado polo Concello de Mos, están a traballar cinco técnicos e técnicas a Axencia de Colocación e conta, sinala o Concello "coa implicación de todo o equipo de Goberno local".
A primeira Xunta de Goberno de Mos tras o estado de alarma aproba a contratación de 19 persoas
A primeira Xunta de Goberno Local tras a declaración do estado de alarma pola crise do COVID-19 celebrouse esta mañá por videoconferencia tomando un acordo de gran importancia dados os momentos actuais. Aprobouse a reestructuración da Liña 3 do Plan Concellos, pasando a destinar o importe íntegro concedido, á contratación de 19 persoas.
Mos deseña un plan en tres fases para cando sexa posible o regreso ás oficinas e á atención ao público
A alcaldesa de Mos, Nidia Arévalo, informou hoxe de que, desde o departamento municipal de Persoal, se está a traballar na reestructuración e organización do cadro de persoal de funcionarios e funcionarias para adaptarse á nova situación laboral derivada da cise sanitaria do COVID-19.
Mos reafirma o seu compromiso con Asodifisi
A alcaldesa de Mos, Nidia Arévalo, e a presidenta da Asociación de Discapacitados Físicos e Psíquicos de Mos, 'Asodifisi', Asunción Monroy Carrera, asinaron na tarde de onte xoves, nas instalacións da Asociación na parroquia de Torroso, o convenio anual de colaboración entre ambas entidades.
Recoñecemento do Concello ao Club Xadrez Mos polas seis medallas no campionato provincial
O Centro Dotacional de Torroso acolleu na tarde do sábado a visita da alcaldesa de Mos, Nidia Arévalo, –á que acompañaban a concelleira de Deportes, Begoña Toucedo, e o tamén edil Alberto Méndez– para felicitar e homenaxear ao Club Xadrez Mos polos resultados obtidos nos Campionatos Provinciais de Xadrez 2020, nos que obtiveron 4 pratas, 1 ouro e 1 bronce; ademais de dúas campioas femininas.
LIBROS
A pegada de «Ronsel»
A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.
Dores Tembrás, «Enxertos»
A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades
Queridos Reis Magos…
Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.